ಎಷ್ಟು ಸಂಸದರು ಕೇಂದ್ರದಲ್ಲಿ ರಾಜ್ಯಖಾತೆ ಸಚಿವರಾಗಲಿದ್ದಾರೆ?

ಏಕಾಂಗಿಯಾಗಿ ದಿಟ್ಟ ನಿರ್ಧಾರದ ಸರ್ಕಾರ ಚಲಾಯಿಸಿದ್ದ ಮೋದಿ

ನಾಲ್ಕು ಸಂಸದರಲ್ಲಿ ಒಬ್ಬರಿಗೆ ಸಚಿವ ಸ್ಥಾನ ಎಂಬ ಫಾರ್ಮೂಲನಾ?

ನರೇಂದ್ರ ಮೋದಿ ಮತ್ತೊಮ್ಮೆ ಭಾರತದ ಚುಕ್ಕಾಣಿ ಹಿಡಿಯಲಿದ್ದಾರೆ. 2014ರಿಂದ ಶುರುವಾದ ನಮೋ ಯುಗ, ಮುಂದಿನ 5 ವರ್ಷಕ್ಕೂ ಮುಂದುವರಿದಿದೆ. ಈ ಹಿಂದಿನ 2 ಅವಧಿಗೆ ನಮೋ ಏಕಾಂಗಿಯಾಗಿ ದಿಟ್ಟ ನಿರ್ಧಾರದ ಸರ್ಕಾರ ಚಲಾಯಿಸಿದ್ರು. ಆದ್ರೆ, ಈ ಬಾರಿ ಬಿಜೆಪಿ ಸರ್ಕಾರದ ಕುರ್ಚಿಗೆ ಮೂರು ಮತ್ತೊಂದು ಕಾಲಿನಲ್ಲಿ ಹೆಜ್ಜೆ ಹಾಕಬೇಕಿದೆ. NDA ಮಿತ್ರರ ಉರುಗೋಲು ಅಗತ್ಯ.

ಸರ್ಕಾರ ರಚನೆಗೂ ಮುನ್ನವೇ ಸ್ವರ, ಅಪಸ್ವರಗಳ ಶ್ರುತಿ ಶುರುವಾಗಿದೆ. ಖಾತೆಗಾಗಿ ಕ್ಯಾತೆಗಳು ಸೃಷ್ಟಿ ಆಗಿದ್ದು, ಮೋದಿಯನ್ನ ಇಕ್ಕಟ್ಟಿಗೆ ತಳ್ಳಿದೆ. ಮೊದಲ ಹಂತದಲ್ಲಿ 52-55 ಸಚಿವರ ಪ್ರಮಾಣವಚನ ಸ್ವೀಕರಿಸುವ ಸಾಧ್ಯತೆ ಇದೆ. ಇದರಲ್ಲಿ 19-22 ಮಂದಿ ಸಂಪುಟ ದರ್ಜೆ ಸಚಿವರಾಗಿ ಪದಗ್ರಹಣ ಮಾಡ್ಲಿದ್ದಾರೆ. ಉಳಿದ 30-35 ಸಂಸದರು ರಾಜ್ಯ ಖಾತೆ ಸಚಿವರಾಗಿ, ಸ್ವತಂತ್ರ ಖಾತೆ ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸುವ ಸಾಧ್ಯತೆ ಇದೆ.

ಇದನ್ನೂ ಓದಿ: T20 World Cup; ಉಗ್ರರ ಬೆದರಿಕೆ.. ಇಂಡಿಯಾ- ಪಾಕ್ ಮ್ಯಾಚ್​ ನಡೆಯೋದೆ ಡೌಟ್!

ಸಂಭವನೀಯ ಸಚಿವರ ಪಟ್ಟಿ

• ರಾಜನಾಥ್ ಸಿಂಗ್, ಅಮಿತ್ ಶಾ, ನಿತಿನ್ ಗಡ್ಕರಿ
• ಶಿವರಾಜ್​ ಚೌಹಾಣ್, ಮನೋಹರ್​ಲಾಲ್ ಖಟ್ಟರ್
• ಜೈಶಂಕರ್, ಜೆ.ಪಿ.ನಡ್ಡಾ, ಭೂಪೇಂದ್ರ ಯಾದವ್
• ಪಿಯೂಷ್​​​​ ಗೋಯೆಲ್, ಜ್ಯೋತಿರಾದಿತ್ಯ ಸಿಂಧಿಯಾ
• ಅರ್ಜುನ್ ಮೇಘವಾಲ್, ಮಾಂಡವೀಯ, ಅಶ್ವಿನ್ ವೈಷ್ಣವ್
• ಜಿತಿನ್ ಪ್ರಸಾದ್, S.P.ಬಘೇಲ್, ಪಂಕಜ್ ಚೌಧರಿ
• ರಾವ್ ಇಂದರ್​ಜಿತ್, ಕೃಷ್ಣಪಾಲ್ ಗುರ್ಜರ್
• ನಾರಾಯಣ್ ರಾಣೆ, ವೈಜಯಂತ್​ ಪಾಂಡ್ಯ
• ಅಪರಾಜಿತಾ ಸಾರಂಗಿ, ಶಂತನು ಠಾಕೂರ್, ಸುರೇಶ್ ಗೋಪಿ
• ವಿಪ್ಲವ್​ ದೇವ್, ಸರ್ಬಾನಂದ್, ಹರ್ದಿಪ್​ ಸಿಂಗ್ ಪುರಿ
• ತಾಪಿರ್ ಗಾಂವ್, ಸಂಜಯ್ ಬಂಡಿ ಅಥವಾ ಕಿಶನ್ ರೆಡ್ಡಿ

ಇನ್ನು, ಮಿತ್ರಪಕ್ಷಗಳಲ್ಲಿ ಟಿಡಿಪಿ ಮತ್ತು ಜೆಡಿಯುಗೆ ಸಿಂಹಪಾಲು ಸಿಗಲಿದೆ. 4 ಸಂಸದರಲ್ಲಿ ಒಬ್ಬರಿಗೆ ಸಚಿವ ಸ್ಥಾನ ಎಂಬ ಫಾರ್ಮೂಲದಂತೆ ಸ್ಥಾನಮಾನ ಸಿಗಲಿದೆ.

ಇದನ್ನೂ ಓದಿ: T20 World Cup; ಪಾಕಿಸ್ತಾನ ವಿರುದ್ಧ ವಿಶೇಷ ದಾಖಲೆ ಬರೆಯಲಿರೋ ಕಿಂಗ್ ಕೊಹ್ಲಿ.. ರೆಕಾರ್ಡ್ ಯಾವುದು?

ಮಿತ್ರಗಳಿಗೂ ಸ್ಥಾನಮಾನ!

• ಟಿಡಿಪಿ- ರಾಮ ಮೋಹನ್ ನಾಯ್ಡು, ಕೆ.ರವಿಚಂದ್ರನ್
• ಜೆಡಿಯು- ಲಲ್ಲನ್ ಸಿಂಗ್​, ಸಂಜಯ್ ಝಾ, ರಾಮನಾಥ್ ಠಾಕೂರ್
• ಶಿವಸೇನೆ (ಶಿಂಧೆ)- ಪ್ರತಾಪ್ ರಾವ್ ಜಾಧವ್​
• ಎಲ್​​ಜೆಪಿ- ಚಿರಾಗ್ ಪಾಸ್ವಾನ್
• ಎನ್​​ಸಿಪಿ (ಅಜಿತ್​​​ ಬಣ)- ಪ್ರಫುಲ್ ಪಟೇಲ್​
• ಅಪ್ನಾ ದಳ- ಅನುಪ್ರಿಯಾ ಪಟೇಲ್
• RLD- ಜಯಂತ್ ಚೌಧರಿ

ಪ್ರತಿ ಬಾರಿಯೂ ಮೋದಿ ಕ್ಯಾಬಿನೆಟ್​​​ ಅಚ್ಚರಿಗಳ ಸಂಗಮ.. ಹಾಗಾಗಿ ಸಂಜೆ ನಡೆಯುವ ಕಾರ್ಯಕ್ರಮದಲ್ಲಿ ಯಾರೆಲ್ಲ ಪ್ರಮಾಣ ವಚನ ಸ್ವೀಕರಿಸ್ತಾರೆ ಅನ್ನೋದು ಕುತೂಹಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ