ಇಂಗ್ಲೆಂಡ್ ವಿರುದ್ಧ ಸೂರ್ಯ ಪಡೆಗೆ ರೋಚಕ ಜಯ; ಟಿ20 ಸರಣಿ ಭಾರತದ ವಶ

ಪುಣೆಯಲ್ಲಿ ನಡೆದ 4ನೇ ಭಾರತ ಮತ್ತು ಇಂಗ್ಲೆಂಡ್​ ನಡುವಿನ ನಾಲ್ಕನೇ ಟಿ20 ಪಂದ್ಯವನ್ನು 15 ರನ್​ಗಳಿಂದ ಗೆಲ್ಲುವ ಮೂಲಕ ಸೂರ್ಯಕುಮಾರ್ ಯಾದವ್ ನೇತೃತ್ವದ ಟೀಂ ಇಂಡಿಯಾ ಸರಣಿಯನ್ನು ತನ್ನ ಮಡಲಿಗೆ ಹಾಕಿಕೊಂಡಿದೆ. ಭಾರತ ನೀಡಿದ್ದು 181 ರನ್​ಗಳ ಗುರಿಯನ್ನು ಬೆನ್ನಟ್ಟಿದ್ದ ಇಂಗ್ಲೆಂಡ್ ಆರಂಭದಲ್ಲಿ ಅಬ್ಬರದ ಬ್ಯಾಟಿಂಗ್ ಮಾಡಿತು 5 ಓವರ್​ಗೆ ವಿಕಟ್ ನಷ್ಟವಿಲ್ಲದೇ 51 ರನ್ ಗಳಿಸಿದ್ದ ಇಂಗ್ಲೆಂಡ್​ ಕೇವಲ ಐದು ರನ್ ಗಳಿಸುವಷ್ಟರಲ್ಲಿ ತನ್ನ ಪ್ರಮುಖ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.

ಟೀಂ ಇಂಡಿಯಾ ಪರ ಭರ್ಜರಿ ಬೌಲಿಂಗ್ ಮಾಡಿದ ರವಿ ಬಿಷ್ಣೋವಿ ಮತ್ತು ಹರ್ಷಿತ್ ರಾಣಾ ತಲಾ ಮೂರು ವಿಕೆಟ್ ಕಿತ್ತು ಇಂಗ್ಲೆಂಡ್ ಬ್ಯಾಟಿಂಗ್​​ನ ಬೆನ್ನೆಲುಬು ಮುರಿದರು ಆರಂಭದಲ್ಲಿ ಅಬ್ಬರಿಸುತ್ತಿದ್ದ ಬೆನ್ ಡಕೆತ್​ರನ್ನ ಬಿಷ್ಣೋವಿ ಔಟ್ ಮಾಡುವುದರ ಮೂಲಕ ಮತ್ತು ಅವರ ಬೆನ್ನಲ್ಲೆ ಜೊಸ್ ಬಟ್ಲರ್ ವಿಕೆಟ್ ಕೀಳುವ ಮೂಲಕ ಪಂದ್ಯಕ್ಕೆ ದೊಡ್ಡ ತಿರುವನ್ನೇ ಕೊಟ್ಟರು. ಭಾರತದ ಭರ್ಜರಿ ಬೌಲಿಂಗ್​ ಎದುರು ಕೇವಲ 166 ರನ್​ಗಳನ್ನು ಗಳಿಸಿ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡ ಇಂಗ್ಲೆಂಡ್ ಸೋಲಿಗೆ ಶರಣಾಗುವ ಮೂಲಕ ಸರಣಿಯನ್ನು ಭಾರತದ ಮಡಿಲಗೆ ಹಾಕಿತು.

ಇದನ್ನೂ ಓದಿ:ಕೊಹ್ಲಿ ಔಟ್ ಆಗ್ತಿದ್ದಂತೆ ಜೇಟ್ಲಿ ಸ್ಟೇಡಿಯಂ ಫುಲ್​ ಖಾಲಿ ಖಾಲಿ.. ವಿರಾಟ್ ಕ್ಲೀನ್ ಬೋಲ್ಡ್​, ಫ್ಯಾನ್ಸ್ ಬೇಸರ

ಇನ್ನು ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾ ಆರಂಭದಲ್ಲಿಯೇ ಆಘಾತಕ್ಕೊಳಗಾಯಿತು. ಕೇವಲ ಒಂದು ರನ್ ಗಳಿಸಿದ ಆರಂಭಿಕ ಆಟಗಾರ ಸಂಜು ಸ್ಯಾಮ್ಸನ್​ ವಿಕೆಟ್ ಒಪ್ಪಿಸಿ ನಡೆದರು. ಅವರ ಬೆನ್ನ ಹಿಂದೆ ಬಂದ ತಿಲಕ್ ವರ್ಮಾ ಹಾಗೂ ಸೂರ್ಯಕುಮಾರ್​ ಯಾದವ್ ಸೊನ್ನೆ ಸುತ್ತುವ ಮೂಲಕ ಭಾರತೀಯ ಅಭಿಮಾನಿಗಳನ್ನು ನಿರಾಸೆಗೆ ತಳ್ಳಿದ್ದರು. ರಿಂಕು ಸಿಂಗ್ ಹಾಗೂ ಅಭಿಷೇಕ್ ವರ್ಮ ಕೊಂಚ ಹೊತ್ತು ಸ್ಕ್ರೀಜ್ ಕಾಯ್ದುಕೊಂಡರು 29 ರನ್ ಗಳಿಸಿದ ಅಭಿಷೇಕ್ ವರ್ಮಾ ರಶೀದ್​ಗೆ ವಿಕೆಟ್ ಒಪ್ಪಿಸಿದರೆ ರಿಂಕು ಸಿಂಗ್ 30 ರನ್ ಗಳಿಸಿ ಕರ್ಸ್​ಗೆ ವಿಕೆಟ್ ಒಪ್ಪಿಸಿದರು

ಇದನ್ನೂ ಓದಿ:ಬೆಳಗ್ಗೆ 6 ಗಂಟೆಯಿಂದ ‘Q’.. ವಿರಾಟ್​ ಕೊಹ್ಲಿ ನೋಡಲು ಸ್ಟೇಡಿಯಂಗೆ ಬಂದ ಯುವಕರಿಗೆ ಬಿಗ್ ಶಾಕ್

ನಂತರ ಬಂದ ಶಿವಂ ದುಬೆ ಹಾಗೂ ಹಾರ್ದಿಕ್​ ಪಾಂಡ್ಯ ಅವರ ಬಿರುಸಿನ ಬ್ಯಾಟಿಂಗ್​ನಿಂದ ಟೀಂ ಇಂಡಿಯಾ 181 ರನ್ ಪೇರಿಸಿತು. ಆಕ್ರಮಣಕಾರಿ ಆಟಕ್ಕಿಳಿದ ಇಬ್ಬರು ಆಟಗಾರರು 53 ರನ್​ ಗಳಿಸಿ ತಂಡದ ಮೊತ್ತ 181 ತಲುಪಲು ಸಹಾಯಕಾರಿಯಾದರು 34 ಎಸೆತಗಳನ್ನು ಎದುರಿಸಿದ ಶಿವಂ ದುಬೆ 7 ಬೌಂಡರಿ ಹಾಗೂ ಒಂದು ಸಿಕ್ಸರ್ ಮೂಲಕ 53 ರನ್ ಗಳಿಸಿದರು. ಇತ್ತ ಹಾರ್ದಿಕ್ ಪಾಂಡ್ಯ ಕೇವಲ 30 ಎಸೆತಗಳನ್ನು ಎದುರಿಸಿ ನಾಲ್ಕು ಸಿಕ್ಸರ್ ಹಾಗೂ ನಾಲ್ಕು ಭರ್ಜರಿ ಬೌಂಡರಿ ಸಿಡಿಸುವ ಮೂಲಕ 53 ರನ್ ಗಳಿಸಿದರು. ಕೊನೆಗೆ 20 ಓವರ್​​ನಲ್ಲಿ 9 ವಿಕೆಟ್ ಕಳೆದುಕೊಂಡ ಭಾರತ ತಂಡ 181 ರನ್ ಗಳಿಸಿತು. ಇಂಗ್ಲೆಂಡ್​ನ್ನು 166 ರನ್​ಗಳಿಗೆ ಕಟ್ಟಿ ಹಾಕಿ ಸರಣಿಯನ್ನು ಕೈವಶ ಮಾಡಿಕೊಂಡಿತು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ