56 ವರ್ಷಗಳ ಹಿಂದೆ ಪತನವಾಗಿದ್ದ ಭಾರತೀಯ ವಿಮಾನ; 102 ಸೈನಿಕರಲ್ಲಿ ನಾಲ್ವರ ಶವ ಈಗ ಪತ್ತೆ!

1968ರಲ್ಲಿ ಹಿಮಾಚಲ ಪ್ರದೇಶದ ರೋಹಟಗ್​ ಪಾಸ್ ಬಳಿ ಭೀಕರ ದುರಂತವೊಂದು ನಡೆದು ಹೋಗಿತ್ತು . ಫೆಬ್ರವರಿ 7, 1968ರಂದು ಚಂಡಿಗಢದಿಂದ 102 ಸೈನಿಕರನ್ನು ಹೊತ್ತುಕೊಂಡ ವಿಮಾನ ಟೇಕಾಫ್​ ಆಗಿತ್ತು. ಆದ್ರೆ ಪ್ರತಿಕೂಲ ಹವಾಮಾನದ ಕಾರಣದಿಂದ ಹಿಮಾಚಲ ಪ್ರದೇಶದ ರೋಹಟಗ್​ ಪಾಸ್​ ಬಳಿ ಪತನಗೊಂಡಿತ್ತು. ರೋಹಟಗ್ ಪಾಸ್​ ಹಿಮದಲ್ಲಿ ವಿಮಾನ ಸೇರಿ ಶವಗಳೆಲ್ಲವೂ ಹಿಮದಿಂದಾಗಿ ಮುಚ್ಚಿ ಹೋಗಿದ್ದವು. ಈ ಘಟನೆ ನಡೆದು ಈಗ 56ವರ್ಷಗಳೇ ಕಳೆದಿವೆ. ಸದ್ಯ ಶೋಧ ಕಾರ್ಯದಲ್ಲಿ ನಾಲ್ವರ ಶವಗಳು ಪತ್ತೆಯಾಗಿವೆ.

ಇದನ್ನೂ ಓದಿ:ಬೆಳ್ಳಂಬೆಳಗ್ಗೆ ಬಾಲಿವುಡ್ ನಟ ಗೋವಿಂದ ಕಾಲಿಗೆ ಗುಂಡೇಟು.. ಅಸಲಿಗೆ ಆಗಿದ್ದೇನು?

ಮಿಲಿಟರಿ ಟ್ರಾನ್ಸ್​​ಫೋರ್ಟ್​ ವಿಮಾನದಲ್ಲಿ ಹೋಗುತ್ತಿದ್ದ 102 ಸೈನಿಕರು ಮಾರ್ಗದ ಮಧ್ಯೆದಲ್ಲಿಯೇ ವಿಮಾನ  ಪತನಗೊಂಡಿದ್ದರಿಂದ ಎಲ್ಲರೂ ನಾಪತ್ತೆಯಾಗಿದ್ದರು. ವಿಮಾನ ಸೇರಿ ಸೈನಿಕರು ಕೂಡ ಹಿಮದಲ್ಲಿ ಮುಚ್ಚಿ ಹೋಗಿದ್ದರು. 2003ರಲ್ಲಿ ಮೊದಲ ಬಾರಿಗೆ ವಿಮಾನದ ಅವಶೇಷಗಳು ಪತ್ತೆಯಾಗಿದ್ದವು. ಅಟಲ್​ ಬಿಹಾರಿ ವಾಜಪೇಯಿ ಮೌಂಟನೇರಿಂಗ್ ಇನ್ಸ್​ಟಿಟ್ಯೂಟ್​​ ಅವಶೇಷಗಳನ್ನು ಪತ್ತೆ ಮಾಡಿತ್ತು. ಬಳಿಕ ಸೈನಿಕರ ಶವಗಳಿಗಾಗಿ ನಿರಂತರ ಹುಡುಕಾಟ ನಡೆದಿತ್ತು. 2003 ರಿಂದ 2019ರವರೆಗೆ ಒಟ್ಟು ಐದು ಮಂದಿ ಸೈನಿಕರ ಶವಗಳು ಪತ್ತೆಯಾಗಿದ್ದವು.

ಇದನ್ನೂ ಓದಿ:iPhone​ ಆರ್ಡರ್​ ಮಾಡಿದ ಗ್ರಾಹಕನಿಂದ ಕೊ*ಲೆಯಾದ ಡೆಲಿವರಿ ಬಾಯ್​; ಗೋಣಿಯಲ್ಲಿ ತುಂಬಿಸಿ ಕಾಲುವೆಗೆ ಎಸೆದ

ಅದಾದ ಬಳಿಕ ಈಗ ಮತ್ತೆ ನಾಲ್ವರ ಶವಗಳು ಪತ್ತೆಯಾಗಿವೆ. ಒಟ್ಟಾರೆ ಅಂದು ಭೀಕರ ದುರಂತದಲ್ಲಿ ಜೀವ ಕಳೆದುಕೊಂಡವರಲ್ಲಿ 9 ಶವಗಳು ಇಲ್ಲಿಯವರೆಗೆ ಪತ್ತೆಯಾದಂತಾಗಿದೆ. ಸೇನೆಯ ಸಿಪಾಯಿ ನಾರಾಯಣ್ ಸಿಂಗ್, ಮಾಲ್ಕನ್ ಸಿಂಗ್​ ಥಾಮಸ್ ಚರಣ್ ಹಾಗೂ ಇನ್ನೋರ್ವ ಸೈನಿಕನ ಶವ ಪತ್ತೆಯಾಗಿದೆ. ಇನ್ನು ಒಂದು ಶೋಧ ಕಾರ್ಯ ಅಕ್ಟೋಬರ್ 10ರವರೆಗೂ ಮುಂದುವರಿಯಲಿದೆ ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ