ಪ್ರಾಕ್ಟಿಸ್​​ ಕ್ಯಾಂಪ್​ಗೆ ​6.4 ಅಡಿ ಎತ್ತರದ ವೇಗಿ ಕರೆತಂದ ಇಂಗ್ಲೆಂಡ್​.. ಯಾಕೆ ಗೊತ್ತಾ..?

ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಗೆ ಟೀಮ್​ ಇಂಡಿಯಾ ಕೆಂಟ್​​ನಲ್ಲಿ ಭರ್ಜರಿ ಸಿದ್ಧತೆ ನಡೆಸ್ತಿದೆ. ಇನ್ನೊಂದೆಡೆ ಎದುರಾಳಿ ಇಂಗ್ಲೆಂಡ್ ಇಂಡಿಯನ್​ ಟೈಗರ್ಸ್​ನ ಖೆಡ್ಡಾಗೆ ಕೆಡವಲು ​ ಸೈಲೆಂಟಾಗಿ ಪ್ಲಾನ್​ ರೂಪಿಸ್ತಿದೆ. ಇದಕ್ಕಾಗಿ 6.4 ಅಡಿ ಎತ್ತರದ ಯುವ ವೇಗಿಯನ್ನ ತಂಡಕ್ಕೆ ಕರೆಸಿಕೊಂಡಿದೆ.

ಟೆಸ್ಟ್​ ಕ್ರಿಕೆಟ್​ನ ಪ್ರತಿಷ್ಟೆಯ ಸರಣಿ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ. ಕ್ರಿಕೆಟ್​ ಲೋಕ ಕಂಡ ಶ್ರೇಷ್ಠ ದಿಗ್ಗಜರಾದ ತೆಂಡುಲ್ಕರ್​​-ಆ್ಯಂಡರ್ಸನ್​ ಟ್ರೋಫಿ ಗೆಲ್ಲೋಕೆ ಭಾರತ, ಇಂಗ್ಲೆಂಡ್​​​ ತಂಡಗಳು ಭರ್ಜರಿ ಸಿದ್ಧತೆ ನಡೆಸ್ತಿವೆ. ಆಟಗಾರರು ಇಂಗ್ಲೆಂಡ್​ ಕಂಡಿಷನ್ಸ್​ಗೆ ಒಗ್ಗಿಕೊಳ್ಳಲು ಕೆಂಟ್​ನಲ್ಲಿ ಇಂಡಿಯನ್​​ ಟೀಮ್​ ಮ್ಯಾನೇಜ್​ಮೆಂಟ್​​ ಸ್ಪೆಷಲ್​ ಕ್ಯಾಂಪ್ ಆಯೋಜಿಸಿದೆ. ಕೆಲ ತಿಂಗಳಿನಿಂದ ವೈಟ್​ಬಾಲ್​ ಫಾರ್ಮೆಟ್​​ನಲ್ಲಿ ಆಡಿದ್ದ ಆಟಗಾರರು ಗಂಟೆಗಟ್ಟಲೇ ಪ್ರಾಕ್ಟಿಸ್​ ಮಾಡ್ತಾ ರೆಡ್​ ಬಾಲ್​​ನ ರಿಧಮ್​ ಕಂಡುಕೊಳ್ತಿದ್ದಾರೆ.

ಇದನ್ನೂ ಓದಿ: ಮಾರ್ಕ್ರಾಮ್ ಭರ್ಜರಿ ಶತಕ.. ವಿಶ್ವ ಟೆಸ್ಟ್ ಚಾಂಪಿಯನ್‌ ಆಗಲು ತುದಿಗಾಲಲ್ಲಿ ನಿಂತ ದಕ್ಷಿಣ ಆಫ್ರಿಕಾ

ಟೆಸ್ಟ್​ ಸರಣಿಗೆ ಇಂಗ್ಲೆಂಡ್​ ತಂಡದ ಸೈಲೆಂಟ್​ ಸಿದ್ಧತೆ

ಆತಿಥೇಯ ಇಂಗ್ಲೆಂಡ್​ ತಂಡ ಕೂಡ ಟೆಸ್ಟ್​ ಕದನಕ್ಕೆ ಸೈಲೆಂಟಾಗಿ ಸಿದ್ಧತೆ ಆರಂಭಿಸಿದೆ. ಟೆಸ್ಟ್​ ಸರಣಿಗೆ ಸಿದ್ಧತೆಯ ಭಾಗವಾಗಿಯೇ ಇಂಗ್ಲೆಂಡ್​ ತಂಡ ಕೆಲ ದಿನಗಳ ಹಿಂದಷ್ಟೇ ಜಿಂಬಾಬ್ವೆ​​​ ವಿರುದ್ಧ 4 ದಿನಗಳ ಟೆಸ್ಟ್​ ಪಂದ್ಯವನ್ನಾಡಿತ್ತು. ಆ ಪಂದ್ಯದಲ್ಲಿ ಸಾಲಿಡ್​ ಪರ್ಫಾಮೆನ್ಸ್​ ನೀಡಿ ಭರ್ಜರಿ ಜಯ ಸಾಧಿಸಿರೋ ಇಂಗ್ಲೆಂಡ್ ಕಾನ್ಫಿಡೆನ್ಸ್​ ಹೆಚ್ಚಿಸಿಕೊಂಡಿದೆ. ಇದೀಗ ಅದೇ ಆತ್ಮವಿಶ್ವಾಸದೊಂದಿಗೆ ಟೀಮ್​ ಇಂಡಿಯಾ ವಿರುದ್ಧದ ಸರಣಿಗೆ ಸಿದ್ಧತೆ ಆರಂಭಿಸಿದ್ದು, ಅಭ್ಯಾಸದ ಅಖಾಡಕ್ಕೆ ಧುಮುಕಿದೆ.

ಪ್ರಾಕ್ಟಿಸ್​​ ಕ್ಯಾಂಪ್​ಗೆ ​6.4 ಅಡಿ ಎತ್ತರದ ಯುವ ವೇಗಿ ಎಂಟ್ರಿ

ಅಭ್ಯಾಸದ ಕಣದಲ್ಲಿ ಬೆವರಿಳಿಸ್ತಿರೋ ಇಂಗ್ಲೆಂಡ್​ ಪಡೆ ಸರಣಿ ಗೆಲ್ಲೋಕೆ ಗೇಮ್​ಪ್ಲಾನ್​, ಸ್ಟ್ರಾಟರ್ಜಿಗಳನ್ನೂ ರೂಪಿಸ್ತಿದೆ. ಇದರ ಭಾಗವಾಗಿಯೇ ಇಂಗ್ಲೆಂಡ್​ ಅಭ್ಯಾಸದ ಕ್ಯಾಂಪ್​ಗೆ 6.4 ಅಡಿ ಎತ್ತರದ ವೇಗಿ ಎಂಟ್ರಿ ಕೊಟ್ಟಿದ್ದಾನೆ. ಕೌಂಟಿ ಕ್ಲಬ್​​ ಹ್ಯಾಂಪ್​ಶೈರ್​​ನ 19 ವರ್ಷದ ಈ ಯುವ ವೇಗಿ ಇಂಗ್ಲೆಂಡ್​​​ ತಂಡದಲ್ಲಿ ಕಾಣಿಸಿಕೊಂಡಿದ್ದು, ನೆಟ್ಸ್​​ನಲ್ಲಿ ಗಂಟೆಗಟ್ಟಲೇ ಬ್ಯಾಟ್ಸ್​​ಮನ್​ಗಳಿಗೆ ಬೌಲಿಂಗ್​ ಮಾಡಿದ್ದಾನೆ.

ಇದನ್ನೂ ಓದಿ: ಇರಾನ್ ಮೇಲೆ ಇಸ್ರೇಲ್ ದಾಳಿ ಮಾಡಿದ್ದು ಏಕೆ..? ಮತ್ತೆ ಮಧ್ಯಪ್ರಾಚ್ಯದಲ್ಲಿ ಆಗ್ತಿರೋದು ಏನು..?

ಇಂಡಿಯನ್​​​ ಬೌಲರ್ಸ್​ ಟ್ಯಾಕಲ್​ ಮಾಡಲು ಸ್ಪೆಷಲ್​ ಪ್ಲಾನ್

ಎಡಿ ಜಾಕ್​ ಹ್ಯಾಂಪ್​ಶೈರ್​ ಕ್ಲಬ್​​ನ ಬೌಲರ್​​.. ಬರೋಬ್ಬರಿ 6.4 ಅಡಿ ಎತ್ತರದ ರೈಟ್​ ಆರ್ಮ್​ ಪೇಸರ್​​ ಆಗಿರೋ ಎಡಿ ಜಾಕ್​​ ವೇರಿಯೇಷನ್​ ಬೌಲಿಂಗ್​ನಿಂದಲೇ ಹೆಸರು ಮಾಡಿದ್ದಾನೆ. ಜಸ್ಟ್​ 19 ವರ್ಷ ವಯಸ್ಸಿನ ವೇಗಿ ಇಂಗ್ಲೆಂಡ್​ನ ಪೇಸ್​ ಅಂಡ್ ಬೌನ್ಸಿ ಕಂಡಿಷನ್ಸ್​ನಲ್ಲಿ ತನ್ನ ಹೈಟ್​ನ ಅಡ್ವಾಂಟೇಜ್​​ನಿಂದಲೇ ಬ್ಯಾಟ್ಸ್​ಮನ್​ಗಳಿಗೆ ಕಾಟ ಕೊಟ್ಟಿದ್ದಾರೆ. ಎರಡೂ ಕಡೆ ಸ್ವಿಂಗ್​ ಮಾಡಬಲ್ಲ ಈ ಯಂಗ್​ಸ್ಟರ್​​, ಪರ್ಫೆಕ್ಟ್​​ ಯಾರ್ಕರ್​​​​ಗಳನ್ನೂ ಹಾಕೋ ಕಲೆಗಾರ. ಈ ಯುವ ಆಟಗಾರ ಇಂಗ್ಲೆಂಡ್​​ ಕ್ಯಾಂಪ್​ಗೆ ಎಂಟ್ರಿಯಾಗಿರೋದ್ರ ಹಿಂದಿನ ರೀಸನ್​ ಏನು ಗೊತ್ತಾ.? ಇಂಡಿಯನ್​ ಬೌಲರ್​​ಗಳನ್ನ ಟ್ಯಾಕಲ್​ ಮಾಡೋದು.

ಆರ್ಷ್​​​ದೀಪ್​​ ಸಿಂಗ್​

ಕನ್ನಡಿಗ ಪ್ರಸಿದ್ಧ್​​ ಕೃಷ್ಣ, ಆರ್ಷ್​​ದೀಪ್​ ಸಿಂಗ್​ ಇಂಗ್ಲೆಂಡ್​​ ಟೂರ್​​ನ ತಂಡದಲ್ಲಿದ್ದಾರೆ. ಪ್ರಸಿದ್ಧ್​ ಕೃಷ್ಣ 5 ಟೆಸ್ಟ್​ಗಳನ್ನ ಆಡೋದು ಬಹುತೇಕ ಕನ್ಫರ್ಮ್​. ಬೂಮ್ರಾ 3 ಟೆಸ್ಟ್​​​ಗಳಲ್ಲಿ ಮಾತ್ರ ಆಡೋದ್ರಿಂದ ಆರ್ಷ್​​ದೀಪ್​ಗೂ ಅವಕಾಶ ಸಿಗಲಿದೆ. ಇಂಗ್ಲೆಂಡ್​ ಬ್ಯಾಟರ್ಸ್​ಗೆ ಇವರಿಬ್ಬರನ್ನ ರೆಡ್​ ಬಾಲ್​ ಕ್ರಿಕೆಟ್​ನಲ್ಲಿ ಎದುರಿಸಿದ ಅನುಭವವಿಲ್ಲ. ಆರ್ಷ್​​ದೀಪ್​ 6.3 ಅಡಿ ಎತ್ತರವಿದ್ರೆ ಪ್ರಸಿದ್ಧ್​ ಕೃಷ್ಣ 6.2 ಅಡಿ ಎತ್ತರವಿದ್ದಾರೆ. ಇಂಗ್ಲೆಂಡ್​ನ ಪೇಸ್​ ಅಂಡ್ ಬೌನ್ಸಿ ಟ್ರ್ಯಾಕ್​ಗಳಲ್ಲಿ ಹೈಟ್​ ಇರೋ ಇವ್ರಿಗೆ ಅಡ್ವಾಂಟೇಜ್​​ ಜಾಸ್ತಿ ಇದೆ. ಇವರಿಬ್ಬರೂ ಇಂಗ್ಲೆಂಡ್​ ಬಿಗ್​ಥ್ರೆಟ್​ ಆಗಬಲ್ಲರು. ಈ ಜೋಡಿಯನ್ನ ಎದುರಿಸೋಕೆ ಇಂಗ್ಲೆಂಡ್​​ ಬ್ಯಾಟರ್ಸ್ ಸಿದ್ಧತೆ ಆರಂಭಿಸಿದ್ದಾರೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಮುಂಗಾರು ಬಿರುಸು.. ಭರ್ಜರಿ ಮಳೆಗೆ ಆಗುತ್ತಿರುವ ಅನಾಹುತ ಅಷ್ಟಿಷ್ಟಲ್ಲ..!

ಬೂಮ್ರಾ, ಸಿರಾಜ್ ಯಾರ್ಕರ್​​ಗೂ ಸಿದ್ಧತೆ

ಟೀಮ್​ ಇಂಡಿಯಾದ ವೇಗದ ವಿಭಾಗದ ಬಲವಾದ ಜಸ್​​ಪ್ರಿತ್​ ಬೂಮ್ರಾ, ಮೊಹಮ್ಮದ್​​ ಸಿರಾಜ್​ರ ಯಾರ್ಕರ್​​ ಅಸ್ತ್ರಕ್ಕೂ ಇಂಗ್ಲೆಂಡ್​​ ಬ್ಯಾಟ್ಸ್​​ಮನ್​ಗಳ ಸಿದ್ಧತೆ ನಡೀತಿದೆ. ಯಂಗ್​​ಸ್ಟರ್​​ ಎಡಿ ಜಾಕ್​​ ವೆರಿಯಷನ್​ ಬೌಲಿಂಗ್​ ಮಾಡೋದ್ರಲ್ಲಿ ಪಂಟರ್​. ಪರ್ಫೆಕ್ಟ್​ ಯಾರ್ಕರ್​ ಎಸೆತಗಳನ್ನ ಹಾಕೋದ್ರಲ್ಲಿ ಕಲೆಗಾರ ಎನಿಸಿಕೊಂಡಿದ್ದಾರೆ. ಹೀಗಾಗಿಯೇ ಈತನ ಬೌಲಿಂಗ್​ಗೆ ಇಂಗ್ಲೆಂಡ್​ ಬ್ಯಾಟರ್ಸ್​​ ಸುದೀರ್ಘ ಕಾಲ ಅಭ್ಯಾಸ ನಡೆಸ್ತಿದ್ದಾರೆ. ಈ ಅಭ್ಯಾಸ ಮ್ಯಾಚ್​​ಗಳಲ್ಲಿ ಇಂಡಿಯನ್​ ವೇಗಿಗಳನ್ನ ಎದುರಿಸೋಕೆ ನೆರವಾಗಲಿದೆ ಅನ್ನೋದು ಇಂಗ್ಲೆಂಡ್​ ಪ್ಲಾನ್​.

ಜಾಕ್​ಗೆ ಜಾಕ್​ಪಾಟ್

ಇಂಗ್ಲೆಂಡ್​ ತಂಡದ ಕ್ಯಾಂಪ್​ಗೆ ಎಡಿ ಜಾಕ್​ ಎಂಟ್ರಿ ಕೊಟ್ಟಿರೋದು ಬ್ಯಾಕ್​ ಅಪ್​ ಪ್ಲೇಯರ್​ ಆಗಿ. ತಂಡದಲ್ಲಿರೋ ಜೋಷ್​ ಟಂಗ್​ ಇಂಜುರಿಗೆ ತುತ್ತಾಗಿದ್ದು, ಟೆಸ್ಟ್​ ಸರಣಿ ಆರಂಭದೊಳಗೆ ಫುಲ್​ ಫಿಟ್​​ ಆಗಲಿಲ್ಲ ಅಂದ್ರೆ ಎಡಿ ಜಾಕ್​ಗೆ ಜಾಕ್​ಪಾಟ್​​ ಹೊಡೆಯಲಿದೆ. ನೆಟ್ಸ್​​ನಲ್ಲಿ ಅದ್ಭುತ ಬೌಲಿಂಗ್​ನಿಂದ ಇಂಪ್ರೆಸ್​ ಮಾಡಿರೋದ್ರಿಂದ ಪ್ಲೇಯಿಂಗ್​ ಇಲೆವೆನ್​ನಲ್ಲೂ ಸ್ಥಾನ ಸಿಗಲಿದೆ. ಆಗ ರಿಯಲ್​ ಚಾಲೆಂಜ್​ ಎದುರಾಗೋದು ಇಂಡಿಯನ್​ ಬ್ಯಾಟರ್ಸ್​​ಗೆ. ಹೀಗಾಗಿ ಈ ಯುವ ವೇಗಿ ಸವಾಲನ್ನೂ ಎದುರಿಸೋ ನಿಟ್ಟಿನಲ್ಲಿ ಟೀಮ್​ ಇಂಡಿಯಾ ಬ್ಯಾಟರ್ಸ್​ ಪ್ರಿಪರೇಶನ್​ ಮಾಡಿಕೊಳ್ಳಬೇಕಿದೆ.

ಇದನ್ನೂ ಓದಿ: ವಿಡಿಯೋ ನೋಡಿ 5 ಪ್ರಶ್ನೆ ಎತ್ತಿದ ತಜ್ಞರು.. ಏರ್​ ಇಂಡಿಯಾ ವಿಮಾನ ಪತನ ಆಗಿದ್ದು ಏಕೆ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ