6 ಸಹೋದರಿಯರು 6 ಸಹೋದರರ ಜೊತೆ ಸಿಂಪಲ್‌ ಮದುವೆ.. ಇದಕ್ಕೆ 3 ವಿಚಿತ್ರ ಕಾರಣ!

ಈಗಿನ ಕಾಲದಲ್ಲಿ ಮನೆಯಲ್ಲಿರೋ ಒಬ್ಬ ಹುಡುಗನಿಗೆ ಮದುವೆ ಆಗೋಕೆ ಒಂದು ಹುಡುಗಿ ಸಿಕ್ಕಿದ್ರೆ ಸಾಕು ಅಂತ ಹುಡುಕಾಡುತ್ತಾ ಇದ್ದಾರೆ. ವಯಸ್ಸಿಗೆ ಸರಿಯಾಗಿ ಹುಡುಗಿ ಸಿಗದೆ ಸನ್ಯಾಸಿಗಳಾಗೋ ಎಷ್ಟು ಯುವಕರು ನಮ್ಮ ದೇಶದಲ್ಲಿದ್ದಾರೆ. ಆದರೆ ಪಾಕಿಸ್ತಾನದಲ್ಲಿ ಒಂದು ವಿಚಿತ್ರ ಮದುವೆ ನಡೆದಿದೆ. ಈ ಮದುವೆ ಕಳೆದ 1 ವರ್ಷದಿಂದ ಚರ್ಚೆಯ ವಿಷಯವಾಗಿದೆ ಅಂದ್ರೆ ಅಚ್ಚರಿ ಪಡಲೇಬೇಕು.

ಕಳೆದ 1 ವರ್ಷದಿಂದ ಕಾಯುತ್ತಿದ್ದ ಈ 6 ಸಹೋದರಿಯರು 6 ಸಹೋದರರ ಜೊತೆ ಮದುವೆ ಆಗಿದ್ದಾರೆ. ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದ ಹೈರಾನ್ ಕರ್‌ನಲ್ಲಿ ಈ ಘಟನೆ ನಡೆದಿದೆ.

ಒಂದೇ ಮಂಟಪದಲ್ಲಿ 6 ಜೋಡಿಗಳು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರೋದೇ ಒಂದು ವಿಶೇಷ. ಆದರೆ ಈ 6 ಸಹೋದರಿಯರು ಕಳೆದ ಒಂದು ವರ್ಷದಿಂದ ಕಾದಿದ್ದು ಯಾಕೆ ಅನ್ನೋದು ವಿಶೇಷವಾಗಿದೆ.

ಈ 6 ಸಹೋದರಿಯರು ಒಂದೇ ಕುಟುಂಬದ 6 ಸಹೋದರರನ್ನ ಮದುವೆಯಾಗಲು 1 ವರ್ಷ ಕಾದಿದ್ದಾರೆ. ವರನ ಕುಟುಂಬದಲ್ಲಿ ಕೊನೆಯ ಸಹೋದರ ಅಪ್ರಾಪ್ತನಾಗಿದ್ದ. ಈ ಹಿನ್ನೆಲೆಯಲ್ಲಿ ಅಪ್ರಾಪ್ತನು ವಯಸ್ಕನಾದ ಮೇಲೆ ಒಂದೇ ಬಾರಿಗೆ 6 ಸಹೋದರಿಯರು ಒಂದೇ ಕುಟುಂಬಕ್ಕೆ ಸೊಸೆಯರಾಗಿದ್ದಾರೆ.

ಇದನ್ನೂ ಓದಿ: ಮಂಗಳೂರಲ್ಲಿ 4 ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ.. ಒಂದೇ ಬಾರಿ ಅತಿಹೆಚ್ಚು ಮಕ್ಕಳಿಗೆ ಜನ್ಮ ನೀಡಿದ ಮಾತೆ ಯಾರು? 

6 ಸಹೋದರಿಯರ ಮದುವೆಗೆ 3 ಕಾರಣಗಳು

1. ಪಾಕಿಸ್ತಾನ 6 ಸಹೋದರಿಯರು ಮನೆಯವರ ಆರ್ಥಿಕ ಹೊರೆಯನ್ನ ತಪ್ಪಿಸಿಕೊಳ್ಳಲು ಈ ನಿರ್ಧಾರಕ್ಕೆ ಬಂದಿದ್ದಾರೆ. ಒಂದೇ ಸಾರಿ ಸಾಮೂಹಿಕ ಮದುವೆಯಾಗಿ ಮನೆಯವರ ಆರ್ಥಿಕ ಭಾರವನ್ನು ಇಳಿಸಿದ್ದಾರೆ.
2. 6 ಸಹೋದರಿಯರು ಒಟ್ಟಿಗೆ ಬೆಳೆದು ಒಟ್ಟಿಗೆ ಮದುವೆಯಾಗಿದ್ದಾರೆ. ಇವರ ಮಧ್ಯೆ ಇರೋ ಪ್ರೀತಿ, ಬಾಂಧವ್ಯ ಮುಂದುವರಿದಿದ್ದು, 6 ಸಹೋದರರು ವರದಕ್ಷಿಣೆ ಪಡೆಯದೆ ಮದುವೆಯಾಗಿದ್ದಾರೆ.
3. 6 ನವವಧುವಿನ ಮದುವೆಗೆ ಖರ್ಚಾಗಿದ್ದು ಕೇವಲ ಒಂದು ಲಕ್ಷ ಮಾತ್ರ. ದುಂದು ವೆಚ್ಚ, ಆಡಂಭರದ ಬದಲು ಕೇವಲ ಆತ್ಮೀಯರಿಗೆ ಮಾತ್ರ ಆಹ್ವಾನ ಕೊಟ್ಟು ಸಿಂಪಲ್ ಮ್ಯಾರೇಜ್ ಆಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ