ಭಾರತದ ಡ್ರೈವಿಂಗ್ ಲೈಸೆನ್ಸ್‌ನಲ್ಲಿ ನೀವು ಈ 7 ದೇಶಗಳಲ್ಲಿ ವಾಹನ ಚಲಾಯಿಸಬಹುದು; ಯಾವುವು ಗೊತ್ತಾ?

ಯಾವುದೇ ದೇಶಕ್ಕೆ ಹೋಗಿ ನೆಲೆಸಲೆಂದೊ ಅಥವಾ ವಿದ್ಯಾಭ್ಯಾಸಕ್ಕೆಂದು ಹೋದಾಗ ಅಲ್ಲಿ ವಾಹನ ಓಡಿಸಬೇಕಾದಲ್ಲಿ ಅಂತಾರಾಷ್ಟ್ರೀಯ ಡ್ರೈವಿಂಗ್ ಲೈಸೆನ್ಸ್ ಪಡೆಯಬೇಕಾಗುತ್ತದೆ. ಅದಕ್ಕೆ ಹೊಸದಾಗಿ ಅರ್ಜಿ ಸಲ್ಲಿಸಿ ಪಡೆಯಬೇಕಾಗುತ್ತದೆ. ಆದ್ರೆ ವಿಶ್ವದ ಈ 7 ರಾಷ್ಟ್ರಗಳಲ್ಲಿ ನೀವು ಭಾರತದ ಡ್ರೈವಿಂಗ್ ಲೈಸನ್ಸ್​ ಹೊಂದಿದ್ದರೂ ಕೂಡ ಅಲ್ಲಿ ಆರಾಮಾಗಿ ವಾಹನ ಚಲಾಯಿಸಬಹುದು ಆದ್ರೆ ಕೆಲವೊಂದಿಷ್ಟು ಷರತ್ತುಗಳಿರುತ್ತವೆ ಹಾಗೂ ನೀತಿ ನಿಯಮಗಳು ಇವೆ.

1. ಯುಎಸ್​ಎ
ಯುನೈಟೆಡ್​ ಸ್ಟೇಟ್ಸ್ ಆಫ್ ಅಮೆರಿಕಾದಲ್ಲಿ ನೀವು ಭಾರತದ ಡ್ರೈವಿಂಗ್ ಲೈಸೆನ್ಸ್​​ ಹೊಂದಿದ್ದರೆ, ಅಮೆರಿಕಾದ ಐಷಾರಾಮಿ ರಸ್ತೆಗಳಲ್ಲಿ ನೀವು ಯಾವುದೇ ಭಯವಿಲ್ಲದೇ ವಾಹನಗಳನ್ನು ಓಡಿಸಬಹುದು. ಇದಕ್ಕೆ ಅಮೆರಿಕಾದಲ್ಲಿ ಪರವಾನಿಗೆ ಇದೆ. ಆದ್ರೆ ನೀವು ಅಮೆರಿಕಾಗೆ ಪ್ರವೇಶ ಪಡೆದ ದಿನದಿಂದ ಒಂದು ವರ್ಷದವರೆಗೆ ಮಾತ್ರ ಭಾರತದ ಡ್ರೈವಿಂಗ್​ ಲೈಸೆನ್ಸ್​ನೊಂದಿಗೆ ವಾಹನ ಚಲಾಯಿಸಬಹುದು. ಅದಾದ ಮೇಲೆಯೂ ಅಲ್ಲಿ ವಾಹನ ಓಡಿಸಬೇಕು ಅಂದ್ರೆ ನೀವು ಅಂತಾರಾಷ್ಟ್ರೀಯ ಡ್ರೈವಿಂಗ್ ಲೈಸೆನ್ಸ್​ನ್ನು ಹೊಂದಿರಲೇಬೇಕು.

ಇದನ್ನೂ ಓದಿ:ಜಗತ್ತನ್ನೇ ಬೆರಗುಗೊಳಿಸಿದ ದೃಶ್ಯ.. 12 ರೋಬೋಟ್​ಗಳನ್ನ ಕಿಡ್ನ್ಯಾಪ್ ಮಾಡಿದ ಒಂದು ಸಣ್ಣ ರೋಬೋಟ್..!

2. ಆಸ್ಟ್ರೇಲಿಯಾ
ಆಸ್ಟ್ರೇಲಿಯಾದಲ್ಲಿಯೂ ಕೂಡ ನೀವು ಕೆಲವು ನಿರ್ಧಿಷ್ಟ ರಾಜ್ಯಗಳಲ್ಲಿ ಮಾತ್ರ ಭಾರತದ ಡ್ರೈವಿಂಗ್ ಲೈಸೆನ್ಸ್​ನಿಂದಲೇ ವಾಹನ ಚಲಾಯಿಸಬಹುದು. ಇಲ್ಲಿಯೂ ಕೂಡ ಅಷ್ಟೇ ಆಸ್ಟ್ರೇಲಿಯಾಗೆ ಪ್ರವೇಶ ಪಡೆದ ಒಂದು ವರ್ಷದವರೆಗೆ ಮಾತ್ರ ಪರವಾನಿಗೆ ಇದೆ. ನ್ಯೂ ಸೌತ್ ವೇಲ್ಸ್, ಕ್ವೀನ್ಸ್​ಲ್ಯಾಂಡ್, ದಕ್ಷಿಣ ಆಸ್ಟ್ರೇಲಿಯಾ ಮತ್ತು ಆಸ್ಟ್ರೇಲಿಯಾದ ರಾಜಧಾನಿ ಸಿಡ್ನಿಯಲ್ಲಿ ನೀವು ಭಾರತದ ವಾಹನ ಚಾಲನಾ ಪರವಾನಿಗೆ ಪತ್ರದ ಮೂಲಕ ಒಂದು ವರ್ಷದವರೆಗೆ ವಾಹವನ್ನು ಓಡಿಸಬಹುದು.

3. ಕೆನಡಾ
ಕೆನಾಡದಲ್ಲಿಯೂ ಭಾರತದ ಡ್ರೈವಿಂಗ್ ಲೈಸೆನ್ಸ್ ಮೂಲಕವೇ ನೀವು ಅಲ್ಲಿನ ರಸ್ತೆಗಳಲ್ಲಿ ವಾಹನಗಳನ್ನು ಓಡಿಸಬಹುದು. ಆದ್ರೆ ಅದು 60 ದಿನಗಳು ಮಾತ್ರ. ಅಲ್ಲಿ 60 ದಿನಗಳವರೆಗೆ ಮಾತ್ರ ಭಾರತೀಯರಿಗೆ ತಮ್ಮದೇ ದೇಶದ ಡ್ರೈವಿಂಗ್ ಲೈಸೆನ್ಸ್​ ಮೂಲಕ ವಾಹವನ್ನು ಚಲಾಯಿಸಬಹುದು.

4. ಯುನೈಟೆಡ್​ ಕಿಂಗ್​ಡಮ್
ಯುನೈಟೆಡ್​ ಕಿಂಗ್​ಡಮ್ ಕೂಡ ಭಾರತೀಯರಿಗೆ ಯಎಸ್ಎ ಮಾದರಿಯಲ್ಲಿಯೇ ವಾಹನ ಚಲಾಯಿಸಲು ಭಾರತೀಯ ಡ್ರೈವಿಂಗ್ ಲೈಸನ್ಸ್​​ಗೆ ಪರವಾನಿಗೆ ನೀಡುತ್ತದೆ. ಅದು ಕೂಡ ಒಂದು ವರ್ಷದವರೆಗೆ ಮಾತ್ರ. ಇಂಗ್ಲೆಂಡ್, ವೇಲ್ಸ್, ಸ್ಕಾಟ್​ಲ್ಯಾಂಡ್ ಹಾಗೂ ನಾರ್ತ್​ ಐರ್ಲೆಂಡ್​ನಲ್ಲಿ ಭಾರತೀಯ ಡ್ರೈವಿಂಗ್ ಲೈಸನ್ಸ್​​ ಇದ್ದರೆ ಸುಮಾರು ಒಂದು ವರ್ಷಗಳ ಕಾಲ ನಾವು ನಿರಾತಂಕವಾಗಿ ವಾಹನ ಚಲಾಯಿಸಬಹುದು.

5. ನ್ಯೂಜಿಲೆಂಡ್​
ನ್ಯೂಜಿಲೆಂಡ್​ನಲ್ಲೂ ಕೂಡ ಈ ಒಂದು ವ್ಯವಸ್ಥೆ ಇದೆ. ಅದು ಕೂಡ ಒಂದು ವರ್ಷ, ನಾವು ನ್ಯೂಜಿಲೆಂಡ್​ಗೆ ಪ್ರವೇಶ ಪಡೆದ ದಿನದಿಂದ ಒಂದು ವರ್ಷದವರೆಗೆ ನ್ಯೂಜಿಲೆಂಡ್​​ನ ಯಾವುದೇ ಸಿಟಿಯಲ್ಲಿಯೂ ಕೂಡ ಭಾರತದ ಡ್ರೈವಿಂಗ್ ಲೈಸೆನ್ಸ್​ನಿಂದ ವಾಹನ ಚಲಾಯಿಸಬಹುದು.

ಇದನ್ನೂ ಓದಿ:ಮಲ್ಯ, ನೀರವ್ ಮೋದಿ ಬಗ್ಗೆ ಬಿಗ್​ ಅಪ್​​ಡೇಟ್ಸ್; G20 ಶೃಂಗಸಭೆಯಲ್ಲಿ ನಡೆದಿದ್ದೇನು..?

6. ಸ್ವಿಟ್ಜರ್​ಲೆಂಡ್​
ಸ್ವಿಟ್ಜರ್​ಲೆಂಡ್​ ಇದು ಪ್ರವಾಸಿಗರ ನೆಚ್ಚಿನ ತಾಣ.ಅನೇಕ ಭಾರತೀಯರು ಮಧುಚಂದ್ರಕ್ಕೆ ಅಲ್ಲಿಗೆ ಹೋಗಲು ಬಯಸುತ್ತಾರೆ. ಇಲ್ಲಿಗೆ ನೀವು ಭೇಟಿ ಕೊಟ್ಟಾಗ ಅಥವಾ ಆ ದೇಶಕ್ಕೆ ಹೋದಾಗ ಸುಮಾರು ಒಂದು ವರ್ಷಗಳ ಕಾಲ ನೀವು ಭಾರತದ ಡ್ರೈವಿಂಗ್ ಲೈಸೆನ್ಸ್ ಬಳಸಿ ಅಲ್ಲಿ ಕಾರ್, ಬೈಕ್​ಗಳನ್ನು ಬಾಡಿಗೆಗೆ ಪಡೆದು ಓಡಿಸಬಹುದು.

7. ಜರ್ಮನ್
ಜರ್ಮನ್​ನಲ್ಲಿಯೂ ಕೂಡ ಈ ಒಂದು ವ್ಯವಸ್ಥೆ ಇದೆ. ಭಾರತೀಯರಿಗೆ ಇಲ್ಲಿಯ ಡ್ರೈವಿಂಗ್ ಲೈಸೆನ್ಸ್​​ ಇದ್ದರೆ ಅಲ್ಲಿ ಒಂದು ವರ್ಷಗಳ ಕಾಲ ಅದೇ ಡ್ರೈವಿಂಗ್ ಲೈಸನ್ಸ್​ನಿಂದ ವಾಹನ ಓಡಿಸಲು ಅವಕಾಶ ನೀಡಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ