ಡೋಂಟ್ ವರಿ, ನೀನು ಆರೋಗ್ಯವಾಗಿದ್ದರೇ ಅಷ್ಟೇ ಸಾಕು

ಆರೋಗ್ಯದಲ್ಲಿ ಚೇತರಿಕೆ, ಬಿಗ್ ಮನೆಗೆ ಪ್ರತಾಪ್ ವಾಪಸ್

ಯಶಸ್ವಿಯಾಗಿ ಮುನ್ನುಗ್ಗುತ್ತಿರುವ ಕನ್ನಡದ ಬಿಗ್ ಬಾಸ್​

ಕನ್ನಡದ ಬಿಗ್​​ ರಿಯಾಲಿಟಿ ಶೋ ಬಿಗ್​ಬಾಸ್-​​ 10 ದಿನದಿಂದ ದಿನಕ್ಕೆ ತಿರುವು ಪಡೆದುಕೊಳ್ಳುತ್ತಿದೆ. ಬಿಗ್​ಬಾಸ್​​ ಫಿನಾಲೆಗೆ ಇನ್ನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಇಂತಹ ಸಂದರ್ಭದಲ್ಲಿ ಡ್ರೋನ್ ಪ್ರತಾಪ್ ಫುಡ್​ ಪಾಯಸನ್​ನಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆಸ್ಪತ್ರೆಯಲ್ಲಿ ಚಿಕಿತ್ಸೆಯಿಂದ ಸುಧಾರಿಸಿಕೊಂಡಿರುವ ಪ್ರತಾಪ್ ಬಿಗ್ ಬಾಸ್​​ ಮನೆಗೆ ಆಗಮಿಸಿದ್ದಾರೆ.​

3 ವರ್ಷದಿಂದ ಅಪ್ಪ-ಅಮ್ಮನನ್ನ ನೋಡದೇ ಮರುಗುತ್ತಿದ್ದ ಪ್ರತಾಪ್​ ಕಳೆದ ವಾರ ತಂದೆ-ತಾಯಿಯನ್ನು ಭೇಟಿಯಾಗಿ ಹೊಸ ಹುಮ್ಮಸ್ಸಿನಲ್ಲಿದ್ದರು. ಅದ್ಯಾಕೋ ಗೊತ್ತಿಲ್ಲ ಕಳೆದ ಕೆಲ ದಿನಗಳಿಂದ ಪ್ರತಾಪ್​ ಬಹಳ ಡಲ್​ ಆಗಿ ಕಾಣುತ್ತಿದ್ದರು. ಫುಡ್​ ಪಾಯಿಸನ್​ನಿಂದ ಡ್ರೋನ್ ಪ್ರತಾಪ್​ರನ್ನ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಸದ್ಯ ಆರೋಗ್ಯದಲ್ಲಿ ಚೇತರಿಕೆ ಕಂಡಿರುವ ಪ್ರತಾಪ್ ಮತ್ತೆ ಬಿಗ್​ ಬಾಸ್ ಮನೆಗೆ ವಾಪಸ್ ಆಗಿದ್ದಾರೆ. ಇದರಿಂದ ಮನೆಯಲ್ಲಿನ ಸ್ಪರ್ಧಿಗಳೆಲ್ಲರೂ ಫುಲ್ ಖುಷ್ ಆಗಿದ್ದಾರೆ.

ಇನ್ನು ಬಿಗ್ ಬಾಸ್​ ಮನೆಗೆ ಡ್ರೋನ್ ಪ್ರತಾಪ್ ಎಂಟ್ರಿಯಾಗುತ್ತಿದ್ದಂತೆ ಸ್ಪರ್ಧಿಗಳೆಲ್ಲ ಆತ್ಮೀಯದಿಂದ ಬರಮಾಡಿಕೊಂಡರು. ಪ್ರತಾಪ್ ಆಗಮಿಸುತ್ತಿದ್ದಂತೆ ನಮ್ರತಾ ಅವರು ಓಡೋಡಿ ಬಂದು ತಬ್ಬಿಕೊಂಡರು. ಬಳಿಕ ಸಂಗೀತಾ ಅವರು ತಬ್ಬಿಕೊಂಡು ಬಹಳ ಮಿಸ್ ಮಾಡಿಕೊಂಡೆ ಎಂದು ಹೇಳಿದರು. ಬಳಿಕ ಪ್ರತಾಪ್​ ದೇವರಿಗೆ ಪೂಜೆ ಮಾಡಿದರು. ಡೋಂಟ್ ವರಿ, ನೀನು ಆರೋಗ್ಯವಾಗಿದ್ದರೇ ಅಷ್ಟೇ ಸಾಕು ಎಂದು ಸ್ಪರ್ಧಿಗಳು ಹೇಳಿದರು.
​
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ