ಪ್ಯಾರಿಸ್‌ನ ಐಫೆಲ್ ಟವರ್‌ಗಿಂತ 35 ಮೀಟರ್‌ ಹೆಚ್ಚು ಎತ್ತರ

ಚಿನಾಬ್ ನದಿಯಿಂದ ಬರೋಬ್ಬರಿ 1,178 ಅಡಿ ಎತ್ತರದಲ್ಲಿದೆ

ಭೂಕಂಪ ಸಂಭವಿಸಿದರೂ ಈ ರೈಲ್ವೆ ಬ್ರಿಡ್ಜ್‌ಗೆ ತೊಂದರೆಯೇ ಇಲ್ಲ!

ಶ್ರೀನಗರ: ಜಮ್ಮು‌ ಕಾಶ್ಮೀರದ ಚಿನಾಬ್ ನದಿಯ ಮೇಲ್ಭಾಗದಲ್ಲಿ ವಿಶ್ವದ ಅತಿ‌ ಎತ್ತರದ ರೈಲ್ವೆ ಬ್ರಿಡ್ಜ್ ನಿರ್ಮಾಣವಾಗಿದೆ. ಇದು ಪ್ಯಾರಿಸ್‌ನ ಐಫೆಲ್ ಟವರ್‌ಗಿಂತ 35 ಮೀಟರ್‌ ಎತ್ತರದಲ್ಲಿರುವ ರೈಲ್ವೆ ಬ್ರಿಡ್ಜ್ ಇದು. ಜಮ್ಮು‌ ಕಾಶ್ಮೀರದ ರಾಮಬಾನ್ – ರೀಸಯ್ ನಡುವೆ ಸಂಪರ್ಕಿಸಲು ಈ ರೈಲ್ವೆ ಮಾರ್ಗ ನಿರ್ಮಾಣ ಮಾಡಲಾಗಿದೆ.

ಇದನ್ನೂ ಓದಿ: ದೀಪಿಕಾ ಕಪ್ಪು ಬಣ್ಣದ ಗೌನ್​ ಧರಿಸಿದ್ದೇಕೆ? ಏನಿದರ ಸ್ಪೆಷಲ್‌? ಬೆಲೆ ಎಷ್ಟು ಅಂತ ಗೊತ್ತಾದ್ರೆ ಶಾಕ್ ಆಗ್ತೀರಾ! 

ಅತಿ‌ ಎತ್ತರದ ರೈಲ್ವೆ ಬ್ರಿಡ್ಜ್ ಚಿನಾಬ್ ನದಿಯಿಂದ ಬರೋಬ್ಬರಿ 1,178 ಅಡಿ ಎತ್ತರದಲ್ಲಿದೆ. ಸದ್ಯ ಈ ರೈಲ್ವೆ ಬ್ರಿಡ್ಜ್ ಕಾಮಗಾರಿ ಪೂರ್ಣವಾಗಿದ್ದು, ಬ್ರಿಡ್ಜ್ ಮೇಲೆ ರೈಲಿನ ಮೊದಲ ಸಂಚಾರ ಮಾಡಲಾಗಿದೆ. ಪ್ರಾಯೋಗಿಕ ಸಂಚಾರ ಯಶಸ್ವಿಯಾಗಿದ್ದು, ಭಾರತೀಯ ರೈಲ್ವೆ ಇಲಾಖೆ ವಿಡಿಯೋವನ್ನು ಹಂಚಿಕೊಂಡಿದೆ.

ಚಿನಾಬ್ ನದಿಯ ಮೇಲ್ಭಾಗದಲ್ಲಿ ಮೊಟ್ಟ ಮೊದಲಿಗೆ ರೈಲು ಸಂಚಾರ ಮಾಡಿದ್ದು, ಇದು ಭಾರತದ ಇಂಜಿನಿಯರಿಂಗ್ ಚಮತ್ಕಾರ ಎಂದು ರೈಲ್ವೆ ಇಲಾಖೆ ಬಣ್ಣಿಸಿದೆ. ಜಮ್ಮು ಕಾಶ್ಮೀರ ಸದಾ ಭೂಕಂಪ ಪೀಡಿತ ಪ್ರದೇಶವಾಗಿದೆ. ಆದರೆ ಪ್ರಬಲ ಭೂಕಂಪ ಸಂಭವಿಸಿದರೂ ಈ ರೈಲ್ವೆ ಬ್ರಿಡ್ಜ್‌ಗೆ ಯಾವುದೇ ತೊಂದರೆ ಆಗಲ್ಲ ಅನ್ನೋದು ಮತ್ತೊಂದು ಹೆಮ್ಮೆಯ ಸಂಗತಿಯಾಗಿದೆ.

#JammuAndKashmir : Indian Railway conducts a trial run on the newly constructed world’s highest railway bridge-Chenab Rail Bridge, built between #Sangaldan in #Ramban district and #Reasi. Rail services on the line will start soon. @RailMinIndia @airnewsalerts

Report : @devjmu pic.twitter.com/LZJQXCympO

— Akashvani News Jammu (@radionews_jammu) June 20, 2024

ಮೊದಲ ಪ್ರಾಯೋಗಿಕ ಸಂಚಾರದಿಂದ ಭಾರತೀಯ ರೈಲ್ವೆ ಸಿಬ್ಬಂದಿಗಳು ಸಂಭ್ರಮಾಚರಣೆ ಮಾಡಿದ್ದಾರೆ. ಶೀಘ್ರದಲ್ಲೇ ಜಮ್ಮು‌ ಕಾಶ್ಮೀರದ ರಾಮಬಾನ್ – ರೀಸಯ್ ನಡುವೆ ರೈಲು ಸಂಚಾರ ಆರಂಭವಾಗುವ ಸಾಧ್ಯತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ