ಬೇಸಿಕ್ ಮೊಬೈಲ್ ಬಳಸೋರಿಗೆ ಗುಡ್​ನ್ಯೂಸ್

ಟೆಲಿಕಾಮ್ ಕಂಪನಿಗಳ ಮುಂದೆ ಹೊಸ ಪ್ರಸ್ತಾವನೆ

ಕೇವಲ ಮಾತಾಡೋಕೆ ಬರಲಿದೆ ಪ್ರತ್ಯೇಕ ರೀಚಾರ್ಜ್

ಮೊಬೈಲ್​​ಗೆ ರೀಚಾರ್ಜ್ ಮಾಡಿ ಮಾಡಿ ಸಾಕಾಗಿ ಹೋಯ್ತು. 10, 20 ರೂಪಾಯಿ ಆಗಿದ್ದರೆ ಮಾಡಬಹುದಾಗಿತ್ತು, ಮೂನ್ನೂರು, ನಾಲ್ಕು ನೂರು ರೂಪಾಯಿಗಳನ್ನು ಎಲ್ಲಿಂದ ತರೋದು ಎಂದು ಚಿಂತೆಯಲ್ಲಿದ್ದವರಿಗೆ ಸದ್ಯದಲ್ಲೇ ಗುಡ್​​ನ್ಯೂಸ್ ಸಿಗಲಿದೆ.

ದೇಶದ ಟೆಲಿಕಾಂ ನಿಯಂತ್ರಕ ಟ್ರಾಯ್ ಟೆಲಿಕಾಂ ಕಂಪನಿಗಳ ಮುಂದೆ ಹೊಸ ಪ್ರಸ್ತಾವನೆ ಇಟ್ಟಿದೆ. ಬಡವರ ಅನುಕೂಲಕ್ಕಾಗಿ ಡೇಟಾ ಇಲ್ಲದೆ ಪ್ಲಾನ್​ಗಳನ್ನು ಪ್ರಾರಂಭಿಸುವಂತೆ ಕಂಪನಿಗಳಿಗೆ ಕೇಳಿಕೊಂಡಿದೆ. ಒಂದು ವೇಳೆ ಇದು ಕಾರ್ಯರೂಪಕ್ಕೆ ಬಂದರೆ ಗ್ರಾಹಕರ ಮೇಲಿನ ರೀಚಾರ್ಜ್​ ಹೊರೆ ಕಡಿಮೆ ಆಗಲಿದೆ.

TRAI ಪ್ರಸ್ತಾಪ ಏನು..?
ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (TRAI) ನೀಡಿರುವ ಮಾಹಿತಿ ಪ್ರಕಾರ.. ಡೇಟಾ, ಧ್ವನಿ, SMS ಮತ್ತು OTT ಸೇವೆಗಳನ್ನು ಒಳಗೊಂಡಿರುವ ಬಂಡಲ್‌ಗಳಲ್ಲಿ ಪ್ಲಾನ್​ಗಳು ಮಾರುಕಟ್ಟೆಗೆ ಬರುತ್ತಿವೆ. ಈ ಬಂಡಲ್ ಆಫರ್‌ಗಳು ಹೆಚ್ಚಿನ ಸಂಖ್ಯೆಯ ಚಂದಾದಾರರನ್ನು ಪೂರೈಸುವುದಿಲ್ಲ. ಏಕೆಂದರೆ ಎಲ್ಲಾ ಚಂದಾದಾರರು ಎಲ್ಲಾ ಸೇವೆಗಳನ್ನು ಬಳಸುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ತಾವು ಬಳಸದ ಸೇವೆಗಳಿಗೂ ಹಣ ನೀಡಬೇಕಾಗುತ್ತದೆ ಎಂಬ ಬೇಸರ ಗ್ರಾಹಕರಲ್ಲಿದೆ.

ಇದನ್ನೂ ಓದಿ:ಬ್ಯಾಂಕ್ ಕೆಲಸ ಐದು ದಿನದಲ್ಲಿ ಮುಗಿಸಿಕೊಳ್ಳಿ.. ಆಗಸ್ಟ್​ನಲ್ಲಿ ಬ್ಯಾಂಕ್​ಗಳಿಗೆ ಭರ್ಜರಿ ರಜೆ..!

ವಾಸ್ತವವಾಗಿ ಇಂದಿಗೂ ಸ್ಮಾರ್ಟ್​ ಫೋನ್ ಬಳಸದ ಮೊಬೈಲ್ ಬಳಕೆದಾರರು ಇದ್ದಾರೆ. ಸಾಧಾರಣ ಫೋನ್ ಬಳಸುವ ಜನ OTT ಸೇವೆಗಳನ್ನು ಬಳಸುವುದಿಲ್ಲ, ಅವರಿಗೆ ಡೇಟಾ ಅಗತ್ಯ ಇಲ್ಲ. ಇವರಿಗೆ ಬೇರೆ ಆಯ್ಕೆಗಳಿಲ್ಲದ ಕಾರಣ ಬಂಡಲ್ ಆಫರ್ ಆರಿಸಿಕೊಳ್ಳಬೇಕಾಗುತ್ತದೆ. ಅಂತಹ ಬಳಕೆದಾರರು ಇದರ ಪ್ರಯೋಜನ ಪಡೆಯುತ್ತಾರೆ ಎಂದು ಟ್ರಾಯ್ ಹೇಳಿದೆ.

ಪ್ರಸ್ತುತ ಪ್ರಮುಖ ಮೂರು ಟೆಲಿಕಾಂ ಕಂಪನಿಗಳು ಮೊಬೈಲ್ ಬಳಕೆದಾರರಿಗೆ ಬಂಡಲ್ ಯೋಜನೆಗಳನ್ನು ನೀಡುತ್ತಿವೆ. ಅಗ್ಗದ ಪ್ಲಾನ್‌ಗಳಲ್ಲಿಯೂ ಡೇಟಾವನ್ನು ಒದಗಿಸುತ್ತಿವೆ. ಬೇಸಿಕ್ ಮೊಬೈಲ್ ಬಳಸೋರಿಗೆ ಅದರ ಅಗತ್ಯವೇ ಇರೋದಿಲ್ಲ. ಒಂದು ವೇಳೆ TRAIನ ಈ ಪ್ರಸ್ತಾವನೆಯನ್ನು ಟೆಲಿಕಾಮ್ ಕಂಪನಿಗಳು ಜಾರಿಗೆ ತಂದರೆ ಗ್ರಾಹಕರು ಲಾಭ ಪಡೆಯಲಿದ್ದಾರೆ.

ಇದನ್ನೂ ಓದಿ:ಲಂಕಾ ವಿರುದ್ಧ ಮೊದಲ ಟಿ20 ಪಂದ್ಯ.. ಟೀಂ ಇಂಡಿಯಾದ ಪ್ಲೇಯಿಂಗ್ 11..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ