ಟೈಟಾನಿಕ್​​​ ದುರಂತದಲ್ಲಿ ಸಾಹಸ ಮೆರೆದಿದ್ದ ಕ್ಯಾಪ್ಟನ್​​; ಇವ್ರ ಗೋಲ್ಡ್​​ ವಾಚ್​​ ದಾಖಲೆ ಬೆಲೆಗೆ ಹರಾಜು

ಟೈಟಾನಿಕ್ ಹಡಗು ದುರಂತ, ಜಗತ್ತು ಎಂದೂ ಕೂಡ ಮರೆಯದ ಒಂದು ಮಹಾ ದುರ್ಘಟನೆ. ಸಮುದ್ರದ ನಡುವೆ ಎರಡು ಹೋಳಾಗಿ ಹೋದ ಹಡಗು ನೂರಾರು ಜನರನ್ನು ಬಲಿ ತೆಗೆದುಕೊಂಡಿತ್ತು. ಹಾಗೆ ನೂರಾರು ಜನರು ಬದುಕುಳಿದುಕೊಂಡಿದ್ದರು ಕೂಡ. ಅದಕ್ಕೆ ಕಾರಣವಾಗಿದ್ದವರು ಕ್ಯಾಪ್ಟನ್ ಆರ್ಥರ್ ರೊಸ್ಟ್ರಾನ್ ಕೂಡ ಒಬ್ಬರು. ಅವರು ಸುಮಾರು 700 ಜನರನ್ನು ಮಹಾ ದುರಂತದಿಂದ ಪಾರು ಮಾಡಿದ್ದರು. ತಮ್ಮ ಸಾಹಸ ಪ್ರವೃತ್ತಿಯಿಂದಲೇ ಬರೋಬ್ಬರಿ 700 ಜನರನ್ನು ರಕ್ಷಿಸಿದ್ದರು.

ಇದನ್ನೂ ಓದಿ:ಹೋಮ್​ವರ್ಕ್​ ಮಾಡಲು AI ಮೊರೆ ಹೋದ ಯುವಕ; ಗೂಗಲ್‌ ಚಾಟ್​​ಬೋಟ್​ ಪ್ರತಿಕ್ರಿಯೆ ನೋಡಿ ಕಂಗಾಲು!

ಜೀವ ಬದುಕಿಸಿಕೊಂಡು ಬಂದ ಮೂವರು ಮಹಿಳೆಯರು ಆರ್ಥರ್​ಗೆ 18 ಕ್ಯಾರೆಟ್​ನ ಬಂಗಾರದ ಟಿಫಿನಿ ಅಂಡ್ ಕಂಪನಿಯ ವಾಚ್​ ಉಡುಗೊರೆಯಾಗಿ ನೀಡಿದ್ದರು. ಈ ವಾಚು ಈಗ ಹರಾಜು ಆಗಿದೆ. ಹರಾಜು ಆದ ಮೊತ್ತ ಕೇಳಿದ್ರೆನೇ ಎಂತವರು ಕೂಡ ಶಾಕ್​ಗೆ ಒಳಗಾಗುತ್ತಾರೆ. ಲಂಡನ್​ನಲ್ಲಿ ಈ ಒಂದು ವಾಚು 1.5ಮಿಲಿಯನ್ ಬ್ರಿಟನ್​ ಪೌಂಡ್​ಗಳಿಗೆ ಅಂದ್ರೆ ಭಾರತದ 16 ಕೋಟಿ 61 ಲಕ್ಷ ರೂಪಾಯಿಗೆ ಹರಾಜು ಆಗಿದೆ. ಹರಾಜುದಾರರಾದ ಹೆನ್ರಿ ಅಲ್ಡ್ರಿಡ್ಜ್ ಅಂಡ್ ಸನ್ಸ್ ಗೋಲ್ಡ್ ವಾಚ್​ ಅನ್ನು ಹರಾಜು ಮಾಡಿದೆ.

ಇದನ್ನೂ ಓದಿ:ಎಂಥಾ ಕಾಲ ಬಂತು.. ಗಿಡದ ಜೊತೆ ಡೇಟಿಂಗ್, ರೊಮ್ಯಾನ್ಸ್; ಈ ಹುಡುಗಿ ಕಥೆ ಕೇಳಿದ್ರೆ ಕಳೆದೇ ಹೋಗ್ತೀರಾ!

ಈ ಒಂದು ವಾಚ್ ದುರಂತದಲ್ಲಿ ಮಡಿದು ಹೋಗಿದ್ದ ಶ್ರೀಮಂತ ವ್ಯಕ್ತಿ ಜೊಕೊಬ್ ಅಸ್ಟೊರ್​ ಎಂಬುವರ ಪತ್ನಿ ರೊಸ್ಟ್ರಾನ್​ಗೆ ನೀಡಿದ್ದರು. ಅವರ ಜೊತೆ ಇನ್ನುಳಿದ ಇಬ್ಬರು ಅದೇ ದುರಂತದಲ್ಲಿ ಮೃತಪಟ್ಟಿದ್ದ ಬ್ಯುಸಿನೆಸ್​ ಮೆನ್​​​ಗಳ ಪತ್ನಿಯರು ಇದ್ದರು. ದುರಂತ ನಡೆದ 7 ದಿನಗಳ ಬಳಿಕ ಆಸ್ಟರ್ ಮೃತದೇಹ ಸಿಕ್ಕಾಗ ಅವರ ದೇಹದ ಮೇಲೆ ಈ ವಾಚ್ ಇತ್ತು ಈ ವಾಚ್​ನ್ನು ಕ್ಯಾಪ್ಟನ್ ಆರ್ಥರ್ ರೊಸ್ಟ್ರಾನ್​ಗೆ ನೀಡಿದ್ದರು. ಅದು ಈಗ 16 ಕೋಟಿ ರೂಪಾಯಿಗೆ ಹರಾಜು ಆಗಿದೆ.

ಈ ದುರಂತ ನಡೆದು 100 ವರ್ಷಗಳ ಮೇಲೇ ಆಗಿದೆ ಇಂದಿಗೂ ಕೂಡ ಟೈಟಾನಿಕ್​ ಹಡಗು ದುರಂತದ ಬಗ್ಗೆ ಹಲವು ಕಥೆಗಳು ಪ್ರಚಲಿತದಲ್ಲಿವೆ. ಬ್ರಿಟನ್​ನ ಪ್ರತಿ ಬೀದಿಯಲ್ಲೂ, ಒಂದು ಮಗು, ಒಂದು ಮಹಿಳೆ, ಒಬ್ಬ ಪುರುಷ ಹೀಗೆ ಎಲ್ಲರಲ್ಲೂ ಅದರ ಬಗ್ಗೆ ಹೇಳಲು ಹಲವು ಕಥೆಗಳಿವೆ. ಅದು ಬ್ರಿಟನ್​ ದೇಶಕ್ಕೆ ಎಂದಿಗೂ ಆರದ ಗಾಯವಾಗಿ ಇಂದಿಗೂ ಕೂಡ ಉಳಿದುಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ