ಬಿಗ್ ಬಾಸ್ ಮನೆಯಿಂದ ಹೊರ ಬರ್ತಿದ್ದಂತೆ ಗೌತಮಿ ಜಾಧವ್‌ಗೆ ಬಿಗ್ ಶಾಕ್‌.. ಕುಟುಂಬದಲ್ಲಿ ಏನಾಯ್ತು?

ಬಿಗ್​ ಬಾಸ್ ರಿಯಾಲಿಟಿ ಶೋ​ ಅದೆಷ್ಟೋ ಮಂದಿಗೆ ಲೈಫ್​ ಕಟ್ಟಿ ಕೊಟ್ಟಿದೆ. ಕೆಲವು ಜನರಿಗೆ ನೆಗೆಟಿವ್​ ಆಗಿರೋದು ಇದೆ. ಶೋ ಮುಗಿಯೋ ಅಷ್ಟರಲ್ಲಿ ಆ ನೆಗಿಟಿವಿಟಿಯಲ್ಲ ಕಳೆದು ಆ ವ್ಯಕ್ತಿಯ ಪಾಸಿಟಿವ್ ಅಂಶಗಳು ಹೈಲೈಟ್​ ಆಗಿವೆ. ವೀಕ್ಷಕರು ಸಿಕ್ಕಾಪಟ್ಟೆ ಇಷ್ಟ ಪಟ್ಟು ಅಪ್ಪಿ ಮುದ್ದಾಡಿದ್ದಾರೆ. ಮೂಗು ಮೂರಿತಿದ್ದವರು ಕರೆದು ಸನ್ಮಾನ ಮಾಡಿದ್ದಾರೆ. ಈ ತರಹದ ಘಟನೆಗಳು ಕಾಮನ್​ ಆದ್ರೆ ಮನೆಯವ್ರೇ ತಿರುಗಿ ಬಿದ್ದಾಗ ಸಾಕಷ್ಟು ಅನುಮಾನಗಳು ಹುಟ್ಟಿಕೊಳ್ಳೋದು ಸಹಜ. ಈ ರೀತಿ ಪೀಠಿಕೆ ಹಾಕೋಕೆ ಕಾರಣ ಗೌತಮಿ ಜಾಧವ್​.

ಬಿಗ್​ಬಾಸ್​ ಸೀಸನ್​ 11 ಯಶಸ್ವಿಯಾಗಿ ಮುಗೀತು. ಆದ್ರೆ ಗೌತಮಿ ಜಾಧವ್​ ಕುಟುಂಬದಲ್ಲಿ ಬಿರುಗಾಳಿ ಎದ್ದಂತೆ ಭಾಸವಾಗುತ್ತಿದೆ. ಈ ರೀತಿಯ ಅನುಮಾನ ಬರೋಕೆ ಕಾರಣ ಮಾವನ ಈ ಪೋಸ್ಟ್​.
ಗೌತಮಿ ಜಾಧವ್ ಮಾವ ಖ್ಯಾತ ಪತ್ರಕರ್ತರಾದ ಗಣೇಶ್​ ಕಾಸರಗೂಡು. ಸಿನಿಮಾ ಬರವಣಿಗೆಯಲ್ಲಿ ಜನಪ್ರಿಯತೆ ಪಡೆದಿದ್ದಾರೆ. ಇವ್ರಿಗೆ ಇಬ್ಬರೂ ಗಂಡ್ಮಕ್ಕಳು ದೊಡ್ಡವ್ರು ಅಭಿಷೇಕ್​. ಚಿಕ್ಕವನು ಅಲೋಕ್​. ಅಭಿ ಅವರ ಪತ್ನಿ ಗೌತಮಿ. ಮೊದಲೆಲ್ಲಾ ಮಗ ಸೊಸೆ ಬಗ್ಗೆ ಗಣೇಶ್ ಕಾಸರಗೋಡು ಮಾತನಾಡ್ತಿದ್ದವ್ರು ಈಗ ಸೊಸೆ ಬಗ್ಗೆ ಅದ್ಯಾಕೋ ಮುನಿಸಿಕೊಂಡಂತಿದೆ. ಗೌತಮಿ ಬಿಗ್​ ಬಾಸ್​ನಿಂದ ಹೊರ ಬಂದಾಗ ಫೇಸ್‌ಬುಕ್​​ನಲ್ಲಿ ಒಂದು ಪೋಸ್ಟ್​ ಶೇರ್​ ಮಾಡಿದ್ರು. ತಾಯಿ ವನದುರ್ಗಮ್ಮ ಅನ್ಯಾಯದ ಬೇಡಿಕೆಯನ್ನ ತಿರಸ್ಕರಿಸ್ತಾಳೆ ಅಂತ ಬರೆದಿದ್ರು. ಈ ಪೋಸ್ಟ್ ಸಿಕ್ಕಾಪಟ್ಟೆ ವೈರಲ್​ ಆಯ್ತು. ಮಾವ ಸೊಸೆಗೆ ಏನಾದ್ರು ಟಾಂಟ್​ ಕೊಡ್ತಿದ್ದಾರಾ ಎಂಬೆಲ್ಲಾ ಮಾತುಗಳು ಹರಿದಾಡಿದ್ದವು.

ಇದಾದ ನಂತರ ಮತ್ತೊಂದು ಪೋಸ್ಟ್​ ಶೇರ್​ ಮಾಡಿದ ಗೌತಮಿ ಮಾವ, ಪತ್ನಿ, ಚಿಕ್ಕ ಮಗ ಹಾಗೂ ಚಿಕ್ಕ ಸೊಸೆ ಜೊತೆಗೆ ಫೋಟೋ ಶೇರ್​ ಮಾಡಿದ ಅವರು, ನಮ್ಮ ಕುಟುಂಬ ಇಷ್ಟೇ ಎಂಬ ರೀತಿಯಲ್ಲಿ ಬರೆದುಕೊಂಡಿದ್ರು. ಇದಕ್ಕೆ ಸಾಕಷ್ಟು ಜನರು ನಿಮ್ಮ ದೊಡ್ಮಗ ಅಭಿಷೇಕ್​ ಹಾಗೂ ಸೊಸೆ ಗೌತಮಿ ಎಲ್ಲಿ? ಗೌತಮಿ ನಿಮ್ಮ ಕುಟುಂಬ ಅಲ್ವಾ? ಅಂತ ಹಲವು ಪ್ರಶ್ನೆಗಳನ್ನ ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿರೋ ಅವರು ಈ ಪ್ರಶ್ನೆ ಅನ್ನು ಹೋಗಿ ಅವರನ್ನೇ ಕೇಳಿ ಎಂದಿದ್ದಾರೆ.

ಈ ಎಲ್ಲಾ ಬೆಳವಣಿಗೆ ನೋಡ್ತಿದ್ರೆ ಗೌತಮಿ ಹಾಗೂ ಪತಿಯ ಕುಟುಂಬದ ನಡುವೆ ಯಾವುದು ಸರಿಯಿಲ್ಲ ಅನ್ನೋದು ಕಂಡು ಬರ್ತಿದೆ. ಈ ಬಗ್ಗೆ ಖಾಸಗಿ ವಾಹಿನಿಯೊಂದು ಪ್ರಶ್ನೆ ಕೇಳಿದ್ದಾಗ, ನಮ್ಮ ಕುಟುಂಬದ ವಿಚಾರ ನಾಲ್ಕು ಗೋಡೆ ಮಧ್ಯೆ ಇದ್ರೆ ಚಂದ ಎಂದು ನಯವಾಗಿಯೇ ಈ ವಿಚಾರವನ್ನ ತಣ್ಣಗಾಗಿಸಿದ್ದಾರೆ ಗೌತಮಿ.

ಇದನ್ನೂ ಓದಿ: BBK11: ಉಗ್ರಂ ಮಂಜು ಸೋಲಿಗೆ ಗೌತಮಿ, ಮೋಕ್ಷಿತಾನೇ ಕಾರಣನಾ? ಶಾಕಿಂಗ್​ ಸಂಗತಿ ಬಿಚ್ಚಿಟ್ಟ ತಂದೆ 

ಇಲ್ಲಿ ಇನ್ನೊಂದು ವಿಚಾರವನ್ನ ಗಮನಿಸಿದ್ರೆ ಪತಿ ಕುಟುಂಬದ ಬಗ್ಗೆ ಗೌತಮಿ ಅವರು ಬಿಗ್​ ಬಾಸ್ ಮನೆಯಲ್ಲಿ ಯಾವತ್ತು ಮಾತನಾಡಿಲ್ಲ. ಸದ್ಯ ಈ ಪೋಸ್ಟ್​ಗಳು ಗೌತಮಿ ಹಾಗೂ ಮಾವನ ಕುಟುಂಬದಲ್ಲಿ ಕಲಹ ಇದೆ ಅನ್ನೋದಕ್ಕೆ ಪುಷ್ಠಿ ಕೊಡ್ತಿವೆ. ಅದ್​ ಏನೇ ಸಮಸ್ಯೆ ಇದ್ರು ಬೇಗ ಬಗೆಹರಿಸಿಕೊಂಡು ಕುಟುಂಬ ಒದಾಂಗಲಿ ಅನ್ನೋದು ಗೌತಮಿ ಫ್ಯಾನ್ಸ್ ಆಶಯ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ