ಮಟ ಮಟ ಮಧ್ಯಾಹ್ನ ರಾಯಲ್ ಎನ್‌ಫೀಲ್ಡ್ ಬೈಕ್‌ ಧಗಧಗ

ಬೈಕ್‌ಗೆ ಬಿದ್ದ ಬೆಂಕಿ ಆರಿಸಲು ಓಡೋಡಿ ಬಂದವರಿಗೆ ಗಂಭೀರ ಗಾಯ

ಪಕ್ಕದಲ್ಲಿದ್ದ ಬೈಕ್‌ಗಳಿಗೂ ಬೆಂಕಿ ಆವರಿಸಿ ದೊಡ್ಡ ಅನಾಹುತ

ನೋಡ, ನೋಡುತ್ತಿದ್ದಂತೆ ರಾಯಲ್ ಎನ್‌ಫೀಲ್ಡ್ ಬೈಕ್ ರಸ್ತೆಯಲ್ಲೇ ಹೊತ್ತಿ ಉರಿದು ಬ್ಲಾಸ್ಟ್‌ ಆಗಿರುವ ಘಟನೆ ಹೈದರಾಬಾದ್‌ನಲ್ಲಿ ನಡೆದಿದೆ. ಬೈಕ್‌ಗೆ ಬೆಂಕಿ ತಗಲುತ್ತಿದ್ದಂತೆ ಆರಿಸಲು ಸ್ಥಳೀಯರು ಹೋಗಿದ್ದಾರೆ. ಆಗ ಹೊತ್ತಿ ಉರಿದ ಬೈಕ್ ಸ್ಫೋಟಕೊಂಡು ಅಕ್ಕ-ಪಕ್ಕದ ಬೈಕ್‌ಗಳಿಗೂ ಬೆಂಕಿ ಬಿದ್ದಿದೆ.

ಇದನ್ನೂ ಓದಿ: ಪವಿತ್ರ ಜಯರಾಮ್ ಸಾವಿಗೆ ಆ್ಯಂಬುಲೆನ್ಸ್​ ಬಾರದಿರೋದೇ ಕಾರಣ -ಅಪಘಾತದ ಬಗ್ಗೆ ಇಂಚಿಂಚು ಮಾಹಿತಿ ಕೊಟ್ಟ ಸ್ನೇಹಿತ 

ಬೈಕ್‌ಗೆ ಬಿದ್ದ ಬೆಂಕಿ ಆರಿಸಲು ಹೋದ ಸ್ಥಳೀಯರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಬೈಕ್‌ಗೆ ಬೆಂಕಿ ಬಿದ್ದು ಹೊತ್ತಿ ಉರಿಯುತ್ತಿರುವ ವಿಡಿಯೋವನ್ನು ಸ್ಥಳೀಯರು ಸೆರೆ ಹಿಡಿದಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಬೆಂಕಿ ಆರಿಸಲು ಪ್ರಯತ್ನ ಪಟ್ಟವರು, ಪೊಲೀಸರು ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

లైవ్ షాకింగ్ వీడియో

మంటలు ఆర్పుతుండగా పేలిన బైక్

హైదరాబాద్ – మొఘల్‌పురా వద్ద బుల్లెట్ బైక్ లో వొచ్చిన మంటలు అదుపుచేయబోయిన స్థానికులు, ఒక్కసారిగా మంటల తీవ్రత పెరగడంతో ఒక పోలీసుతో పాటు పది మందికి పైగా తీవ్రంగా గాయపడ్డారు.. pic.twitter.com/EyVOpnpVWk

— Telugu Scribe (@TeluguScribe) May 12, 2024

ಬೈಕ್‌ಗೆ ಬೆಂಕಿ ಬಿದ್ದಿರುವ ಘಟನೆಯು ಮಧ್ಯಾಹ್ನದ ವೇಳೆ ಮೊಘಲ್‌ಪುರದ ಬಿಬಿ ಬಜಾರ್ ರೋಡ್‌ನಲ್ಲಿ ನಡೆದಿದೆ. ಬೈಕ್‌ಗೆ ಬೆಂಕಿ ಬಿದ್ದ ಕೂಡಲೇ ಸ್ಥಳೀಯರು ನೀರು, ಮರಳು ಹಾಕಿ ಬೆಂಕಿ ಆರಿಸಲು ಕಸರತ್ತು ಮಾಡಿದ್ದಾರೆ. ಆದರೆ ಪಕ್ಕದಲ್ಲಿದ್ದ ಬೈಕ್‌ಗಳಿಗೂ ಬೆಂಕಿ ಆವರಿಸಿ ಅನಾಹುತ ಸಂಭವಿಸಿದೆ. ಈ ಘಟನೆಯಲ್ಲಿ ಪೊಲೀಸ್ ಕಾನ್ಸ್‌ಸ್ಟೇಬಲ್‌ ಸೇರಿ 10 ಮಂದಿ ಗಾಯಗೊಂಡಿದ್ದಾರೆ. ಗಾಯಗೊಂಡವರನ್ನ ಚಿಕಿತ್ಸೆಗಾಗಿ ಪ್ರಿನ್ಸೆಸ್ ಎಸ್ರಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ