ಅಪಾಯದಲ್ಲಿದೆ ನಿಮ್ಮ ಆಧಾರ್ ಕಾರ್ಡ್.. ಯಾಕೆ ಗೊತ್ತಾ? ಬಚಾವ್ ಆಗೋದು ಹೇಗೆ..?

ದೇಶದಲ್ಲಿರುವ ಅತ್ಯಂತ ಗುರುತಿನ, ಮಹತ್ವದ ಡಾಕ್ಯುಮೆಂಟ್​​ ಅಂದ್ರೆ ಆಧಾರ್ ಕಾರ್ಡ್. ಸ್ಕೂಲ್​​​​​ ಅಡ್ಮಿಷನ್​​ನಿಂದ ಹಿಡಿದು, ಉದ್ಯೋಗಕ್ಕೆ ಸೇರುವುದರಿಂದ ಹಿಡಿದು ಎಲ್ಲೆಲ್ಲೂ ಆಧಾರ್ ಬೇಕು. ನಮ್ಮ ಅಸ್ತಿತ್ವದ ಗುರುತಿನ ಚೀಟಿ ಅಂದರೆ ಅದುವೇ ಆಧಾರ್!

ಈ ಕಾರ್ಡ್​ನಲ್ಲಿರುವ ಯುನಿಕ್ ಐಡಿ ನಂಬರ್ (Unique ID number) ನಿಮ್ಮ ಗುರುತಿನೊಂದಿಗೆ ಭದ್ರತಾ ಕೆಲಸವನ್ನು ಮಾಡುತ್ತದೆ. ಇದೇ ಕಾರ್ಡ್​​ ಅನ್ನು ಐಡಿ ಪ್ರೂಫ್​​ಗಾಗಿ ಎಲ್ಲಾ ಕಡೆ ಬಳಸುತ್ತೇವೆ. ಆಧಾರ್ ಕಾರ್ಡ್​ ಇಲ್ಲದೇ ಸರ್ಕಾರದ ಯಾವುದೇ ಸ್ಕೀಮ್ ಪಡೆಯಲು ಸಾಧ್ಯವಿಲ್ಲ. ಅಷ್ಟರ ಮಟ್ಟಿಗೆ ಆಧಾರ್ ಕಾರ್ಡ್ ಮಹತ್ವ ಹೊಂದಿದೆ.

ಇದನ್ನೂ ಓದಿ:ಬದುಕಿನ ನಯನ ಚೆನ್ನಾಗಿದ್ದರೆ ಮಾತ್ರ ಜೀವನ.. ಈ ಅಭ್ಯಾಸ ನಿಮಗೆ ಇದೆಯಾ? 

ಹೋಟೆಲ್​​ನಂಥ ಸ್ಥಳಗಳಲ್ಲಿ ರೂಮ್ಸ್ ಬುಕ್ ಮಾಡುವಾಗ ಗುರುತಿನ ಐಡಿಯಾಗಿ ಆಧಾರ್ ನೀಡ್ತೀರಿ. ಇದೇ ನಿಮಗೆ ಮುಳುವಾದರೂ ಅಚ್ಚರಿ ಇಲ್ಲ. ಅನಧಿಕೃತ ಸ್ಥಳಗಳಲ್ಲಿ ಗುರುತಿನ ಚೀಟಿ ಎಂದು ಆಧಾರ್ ಕಾರ್ಡ್ ನೀಡೋದು ತುಂಬಾನೇ ಡೇಂಜರ್. ಆಧಾರ್​ನಲ್ಲಿ ನಿಮ್ಮ ವೈಯಕ್ತಿಕ ವಿವರಗಳು ಇರುತ್ತವೆ. ಅದನ್ನು ಕೆಲವರು ದುರುಪಯೋಗ ಪಡಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ. ಕಾರ್ಡ್​​ನಲ್ಲಿರುವ ಮಾಹಿತಿ ಮೂಲಕ ಸುಲಭವಾಗಿ ನಿಮ್ಮ ಬ್ಯಾಂಕ್ ವಿವರಗಳನ್ನು ಪಡೆದುಕೊಳ್ಳುತ್ತಾರೆ. ಹೀಗಾಗಿ ಯಾವತ್ತೂ ಕೂಡ ನಿಮ್ಮ ಒರಿಜಿನಲ್ (Original) ಆಧಾರ್

ಅಪರಿಚಿತರಿಗೆ ನೀಡಬೇಡಿ!
ಒಂದು ವೇಳೆ ಅಪರಿಚಿತರಿಗೆ ಒರಿಜಿನಲ್ ಆಧಾರ್ ಕಾರ್ಡ್​ ನೀಡಿದರೆ ನಿಮ್ಮಿಂದ ದೊಡ್ಡ ತಪ್ಪು ಆಗಿದೆ ಎಂದರ್ಥ. ಹೋಟೆಲ್, ಕ್ಲಬ್, ಫ್ಲೈಟ್, ಟ್ರೈನ್ ಸೇರಿದಂತೆ ವಿವಿಧ ಕಡೆ ಒರಿಜಿನಲ್ ಆಧಾರ್ ನೀಡೋದನ್ನು ತಪ್ಪಿಸಿಕೊಳ್ಳಿ. ಒಂದು ವೇಳೆ ಒರಿಜಿನಲ್ ಕಾರ್ಡ್​ ನೀಡುವ ಪ್ರಮಯ ಬಂದರೆ ಮಾಸ್ಕ್ಡ್ ಆಧಾರ್​ ನೀಡಿ..

ಇದನ್ನೂ ಓದಿ:ಬದುಕಿನ ನಯನ ಚೆನ್ನಾಗಿದ್ದರೆ ಮಾತ್ರ ಜೀವನ.. ಈ ಅಭ್ಯಾಸ ನಿಮಗೆ ಇದೆಯಾ? 

ಮಾಸ್ಕ್ಡ್​​ ಆಧಾರ್ ಕಾರ್ಡ್​ ಎಂದರೇನು?
Masked Aadhar Card ಕಾನ್ಸೆಪ್ಟ್​ ಬಹುತೇಕರಿಗೆ ಗೊತ್ತಿಲ್ಲ. ಇದು ಕೂಡ ನಿಮ್ಮ ಒರಿಜಿನಲ್ ಆಧಾರ್​​ ಕಾಪಿಯಾಗಿದ್ದು, UIDAIನಿಂದ ಗುರುತಿಸಲ್ಪಟ್ಟಿರುತ್ತದೆ. ಅದನ್ನು ನೀವು ಸುಲಭವಾಗಿ ಐಡಿ ಪ್ರೂಫ್ ಆಗಿ ಬಳಸಬಹುದು. ಈ ಕಾರ್ಡ್​​ನಲ್ಲಿ ಆಧಾರ್​​ನ ಮೊದಲ 8 ನಂಬರ್ಸ್ ಬ್ಲರ್ ಆಗಿರುತ್ತವೆ. ಇದರಿಂದ ಯಾರೂ ಮಿಸ್ ಯ್ಯೂಸ್ ಮಾಡಲು ಸಾಧ್ಯವಿಲ್ಲ. ಆನ್​ಲೈನ್​​ ವಂಚಕರಿಂದಲೂ ನೀವು ಮೋಸ ಹೋಗೋದನ್ನು ತಪ್ಪಿಸುತ್ತದೆ.

ಮಾಸ್ಕ್ಡ್​ ಆಧಾರ್ ಡೌನ್​ಲೋಡ್ ಹೇಗೆ?

• ಆನ್​ಲೈನ್​​ನಲ್ಲಿ ನೀವು UIDAI ವೆಬ್​​ಸೈಟ್​ https://uidai.gov.in/.ಗೆ ಹೋಗಬೇಕು
• ವೆಬ್​ಸೈಟ್​ನಲ್ಲಿರುವ My Aadhaar ಆಪ್ಷನ್ ಮೇಲೆ ಕ್ಲಿಕ್ ಮಾಡಿ
• ಅಲ್ಲಿ ನಿಮ್ಮ ಆಧಾರ್ ನಂಬರ್ ಹಾಕಿ.. ತೋರಿಸುವ captcha ಫಿಲ್ ಮಾಡಿ
• ನಂತರ ರಿಜಿಸ್ಟರ್ ಮೊಬೈಲ್​​ಗೆ OTP ಬರುತ್ತದೆ
• ಒಟಿಪಿ ವೆರಿಫಿಕೇಷನ್ ನಂತರ ಡೌನ್​ಲೋಡ್​ ಆಪ್ಷನ್ ತೆರೆದುಕೊಳ್ಳುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ
• ಅಲ್ಲಿ ನೀವು Checkbox ಪಡೆಯುತ್ತೀರಿ, ನಂತರ ಮಾಸ್ಕ್ಡ್​ ಆಧಾರ್ ಕಾರ್ಡ್​ ಬೇಕೇ ಎಂದು ಕೇಳಲಾಗುತ್ತದೆ.
• ಅದರ ಮೇಲೆ ಕ್ಲಿಕ್ ಮಾಡಿ

ಇದನ್ನೂ ಓದಿ:ಈ ಹತ್ತು ಆಹಾರಗಳ ಪದಾರ್ಥಗಳನ್ನು ಅಪ್ಪಿತಪ್ಪಿಯೂ ಹಸಿಯಾಗಿ ತಿನ್ನಬೇಡಿ? ಆರೋಗ್ಯಕ್ಕೆ ತುಂಬಾ ಅಪಾಯ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ