ನಾಳೆ ಒಂದೇ ದಿನ ಬಾಕಿ.. ಆಧಾರ್​ ಕಾರ್ಡ್​ ಇರೋರು ಓದಲೇಬೇಕಾದ ಸ್ಟೋರಿ..!

ಆಧಾರ್ ಕಾರ್ಡ್ ಇರೋರು ಜನ್ಮ ದಿನಾಂಕ, ಬಯೋಮೆಟ್ರಿಕ್ಸ್, ಅಡ್ರೆಸ್​ ಮತ್ತು ಇತರೆ ನವೀಕರಣಗಳನ್ನು ನಿರ್ದಿಷ್ಟಪಡಿಸಿದ ಗಡುವಿನವರೆಗೆ ಉಚಿತವಾಗಿ ನವೀಕರಿಸಬಹುದು. ಇದೀಗ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ) ನಿಗಧಿಪಡಿಸಿದ ಅವಧಿ ಮುಕ್ತಾಯಕ್ಕೆ ಕೇವಲ ಒಂದು ದಿನ ಮಾತ್ರ ಬಾಕಿ ಇದೆ.

ನೀವು ಏನಾದರೂ ಆಧಾರ್​ ಕಾರ್ಡ್​ನಲ್ಲಿ ಮಿಸ್ಟೇಕ್ಸ್​ಗಳನ್ನು ಸರಿಪಡಿಸಿಕೊಳ್ಳುವುದಿದ್ದರೆ ನಾಳೆಯೊಳಗೆ ಮಾಡಿಕೊಳ್ಳಿ. UIDAI ನೀಡಿದ ಗಡುವು ನಾಳೆಗೆ ಮುಗಿಯುತ್ತಿದೆ. ನಾಡಿದ್ದು ಏನಾದರೂ ಅಪ್​​ಡೇಟ್ಸ್​ ಮಾಡಲು ಮುಂದಾದರೆ 50 ರೂಪಾಯಿ ಶುಲ್ಕ ಪಾವತಿಸಬೇಕಾಗುತ್ತದೆ.
ಆಧಾರ್ ಕಾರ್ಡ್‌ನಲ್ಲಿ ವಿಳಾಸ, ಬಯೋಮೆಟ್ರಿಕ್ಸ್, ಜನ್ಮ ದಿನಾಂಕ, ಉಚಿತ ಅಪ್‌ಡೇಟ್‌ ಅನ್ನು ಮನೆಯಲ್ಲಿಯೇ ಕೂತು ಮಾಡಬಹುದು. UIDAI ಪ್ರಕಾರ.. ಆಧಾರ್ ಹೊಂದಿರೋರು ಡಿಸೆಂಬರ್ 14 ರ ಮಧ್ಯರಾತ್ರಿ 12 ಗಂಟೆಯವರೆಗೆ MyAadhaar ಪೋರ್ಟಲ್ ಮೂಲಕ ತಮ್ಮ ಕಾರ್ಡ್ ಉಚಿತವಾಗಿ ನವೀಕರಿಸಬಹುದು. ಅಲ್ಲದೇ ಆಧಾರ್​ ಸೆಂಟರ್​​ಗಳಿಗೆ ಹೋಗಿ ಅಪ್​ಡೇಟ್ಸ್​ ಮಾಡಿಸಿಕೊಳ್ಳಬಹುದು.

ಇದನ್ನೂ ಓದಿ:ವಿರಾಟ್ ಕೊಹ್ಲಿ, ಸಚಿನ್, MS ಧೋನಿ.. ಇವರಲ್ಲಿ ಯಾರಿಗೆ ಜಾಹೀರಾತುಗಳಲ್ಲಿ ಹೆಚ್ಚು ಡಿಮ್ಯಾಂಡ್​..?

ಆನ್‌ಲೈನ್‌ನಲ್ಲಿ ಆಧಾರ್ ನವೀಕರಿಸಲು ಕ್ರಮಗಳು:

• UIDAI myaadhaar.uidai.gov.in ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ
• ಆಧಾರ್ ಸಂಖ್ಯೆಯೊಂದಿಗೆ ಲಾಗಿನ್ ಮಾಡಿ, ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ
• ‘ಆಧಾರ್ ಅಪ್​ಡೇಟ್ಸ್ ಆಯ್ಕೆಯನ್ನು ಆರಿಸಿ
• ನವೀಕರಣಕ್ಕಾಗಿ ಅಗತ್ಯ ಇರೋ ಮಾಹಿತಿಯನ್ನು ನಮೂದಿಸಿ
• ನವೀಕರಣಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ
• ಮೇಲಿನ ವಿವರಗಳು ಸರಿಯಾಗಿವೆ ಎಂದು ಪ್ರಮಾಣೀಕರಿಸುತ್ತೇನೆ ಮತ್ತು ಚೆಕ್‌ಬಾಕ್ಸ್ ಅನ್ನು ಟಿಕ್ ಮಾಡುವ ಮೂಲಕ ಸಲ್ಲಿಸಿ
• ಕೆಲಸ ಮುಗಿದ ನಂತರ ನೀವು 14 ಅಂಕಿಗಳ ರಶೀದಿ ಸಂಖ್ಯೆಯನ್ನು ಪಡೆಯುತ್ತೀರಿ
• ಈ ಸಂಖ್ಯೆಯಿಂದ ಅಪ್​ಡೇಟ್ಸ್​ನ ಪ್ರೊಸೆಸ್​ ತಿಳಿದುಕೊಳ್ಳಬಹುದು

ಇದನ್ನೂ ಓದಿ:ಮಳೆ ಬರುವ ಹಾಗಿದೆ.. ಬೆಂಗಳೂರಲ್ಲಿ ಇನ್ನೂ ಎಷ್ಟು ದಿನ ಈ ವಾತಾವರಣ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ