11 ಸಿಕ್ಸರ್​, ಬೌಂಡರಿಗಳ ಸುರಿಮಳೆ! 28 ಬಾಲ್​​ನಲ್ಲಿ ಶತಕದ ‘ಅಭಿಷೇಕ’..! ಆದರೂ ಆ ದಾಖಲೆ ಮುರಿಯಲು ಆಗಲಿಲ್ಲ

ಮುಷ್ತಾಕ್ ಅಲಿ ಟ್ರೋಫಿ ಟೂರ್ನಿಯಲ್ಲಿ ಪಂಜಾಬ್ ನಾಯಕ ಅಭಿಷೇಕ್ ಶರ್ಮಾ ಸ್ಫೋಟಕ ಶತಕ ಸಿಡಿಸಿದ್ದಾರೆ. ಕೇವಲ 28 ಎಸೆತಗಳಲ್ಲಿ ಸೆಂಚುರಿ ಸಿಡಿಸಿ ಹೊಸ ದಾಖಲೆ ಬರೆದಿದ್ದಾರೆ. ಆ ಮೂಲಕ ಮುಂಬರುವ ಐಪಿಎಲ್​​ನಲ್ಲಿ ಧಮಾಕಾ ಸೃಷ್ಟಿಯಾಗೋದು ಪಕ್ಕಾ ಆಗಿದೆ.

ಮೇಘಾಲಯ ವಿರುದ್ಧ ಬರೋಬ್ಬರಿ 365.52 ಸ್ಟ್ರೈಕ್ ರೇಟ್​ನಲ್ಲಿ ಬ್ಯಾಟ್ ಬೀಸಿದ ಅಭಿಷೇಕ್ 11 ಸಿಕ್ಸರ್ ಹಾಗೂ 8 ಬೌಂಡರಿ ಸಿಡಿಸಿದ್ದಾರೆ. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಮೇಘಾಲಯ 143 ರನ್​ಗಳ ಟಾರ್ಗೆಟ್ ನೀಡಿತ್ತು. ಅಭಿಷೇಕ್ ಶರ್ಮಾ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಪಂಜಾಬ್ ಕೇವಲ 9.3 ಓವರ್​ಗಳಲ್ಲೇ ಚೇಸ್ ಮಾಡಿ ಪಂದ್ಯ ಗೆದ್ದು ಬೀಗಿದೆ.

ಆ ಮೂಲಕ ಅತೀ ಕಡಿಮೆ ಬಾಲ್​ಗೆ ಶತಕ ಬಾರಿಸಿದ ಎರಡನೇ ಬ್ಯಾಟ್ಸ್​ಮನ್ ಅನ್ನೋ ಹೆಗ್ಗಳಿಗೆ ಅಭಿಷೇಕ್ ಶರ್ಮಾ ಪಡೆದುಕೊಂಡಿದ್ದಾರೆ. ಈ ವರ್ಷ ನಡೆದ Estonia vs Cyprus ಪಂದ್ಯದಲ್ಲಿ ಇಸ್ಟೋರಿಯನ್ ಕ್ರಿಕೆಟರ್ ಸಾಹಿಲ್ ಚೌಹಾಣ್ 27 ಬಾಲ್​ನಲ್ಲಿ ಶತಕ ಬಾರಿಸಿ ದಾಖಲೆ ಬರೆದಿದ್ದರು. ಅದೇ ರೀತಿ ಗುಜರಾತ್ vs ತ್ರಿಪುರಾ ಪಂದ್ಯದಲ್ಲಿ ಉರ್ವಿಲ್ ಪಟೇಲ್ 28 ಬಾಲ್​ಗೆ ಶತಕ ಬಾರಿಸಿದ್ದರು. 28 ಬಾಲ್​ನಲ್ಲಿ ಶತಕ ಬಾರಿಸಿದ ಅಭಿಷೇಕ್​ಗೆ ಸಾಹಿಲ್ ದಾಖಲೆ ಮುರಿಯಲು ಸಾಧ್ಯವಾಗಿಲ್ಲ.

ಮಾರ್ಚ್​​​ನಿಂದ ಐಪಿಎಲ್​ ಹಬ್ಬ ಶುರುವಾಗಲಿದೆ. ಅಭಿಷೇಕ ಶರ್ಮಾ ಫಾರ್ಮ್​ನಲ್ಲಿ ಕಾಣಿಸಿಕೊಂಡಿರೋದು ಎಸ್​ಆರ್​ಹೆಚ್​​ಗೆ ಪ್ಲಸ್ ಪಾಯಿಂಟ್ ಆಗಿದೆ. ಸನ್​​ರೈಸರ್ಸ್​ ಹೈದರಾಬಾದ್ ಆರಂಭಿಕ ಆಟಗಾರ ಅಭಿಷೇಕ್ ಶರ್ಮಾ. ಇವರನ್ನು ಫ್ರಾಂಚೈಸಿ 14 ಕೋಟಿ ನೀಡಿ ರಿಟೈನ್ ಮಾಡಿಕೊಂಡಿದೆ.

ಇದನ್ನು ಓದಿ: IND vs AUS: ಸ್ಟಾರ್ಕ್​ ದಾಳಿಗೆ ತತ್ತರಿಸಿದ ಟೀಂ ಇಂಡಿಯಾ​; ಕೇವಲ 180 ರನ್​ಗೆ ಸರ್ವಪತನ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ