40 ಬಾಲ್‌ಗೆ 100 ಸಂಭ್ರಮ.. ಅಭಿಷೇಕ್ ಶರ್ಮಾ ಚೀಟಿಯಲ್ಲಿ ಬರೆದಿದ್ದೇನು? ಏನಿದರ ವಿಶೇಷ ಗೊತ್ತಾ?

ಏನ್ ಬ್ಯಾಟಿಂಗ್ ಗುರು.. ಬೌಂಡರಿ, ಸಿಕ್ಸರ್​​​ಗಳ ಬೋರ್ಗೆರೆತ. ಬೌಲರ್​ಗಳ ಮಾರಣಹೋಮ. ಸಿಕ್ಸರ್ ಬೌಂಡರಿಗಳ ರನ್​ ಅಭಿಷೇಕ್​ದಲ್ಲಿ ಬರೋಬ್ಬರಿ ಸಿಡಿದಿದ್ದು 44 ಬೌಂಡರಿ. 30 ಸಿಕ್ಸರ್​ಗಳು. ಈ ಸ್ಫೋಟಕ ಬ್ಯಾಟಿಂಗ್​ಗೆ ಸನ್ ರೈಸರ್ಸ್​, 9 ಎಸೆತಗಳು ಬಾಕಿ ಇರುವಂತೆಯೇ ಗೆಲುವಿನ ದಡ ಸೇರಿತ್ತು.

ನಿನ್ನೆ ಹೈದರಾಬಾದ್‌ನಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಪಂಜಾಬ್​ಗೆ ಒಳ್ಳೆ ಆರಂಭವೇ ಸಿಕ್ಕಿತು. ಆರಂಭಿಕರಾದ ಪ್ರಭು ಸಿಮ್ರಾನ್ ಸಿಂಗ್, ಪ್ರಿಯಾಂಶ್ ಆರ್ಯ ಮೊದಲ ವಿಕೆಟ್‌ಗೆ ಕೇವಲ 3 ಓವರ್​ಗಳಲ್ಲಿ 66 ರನ್‌ಗಳ ಕೊಳ್ಳೆ ಹೊಡೆದರು.

ಪ್ರಿಯಾಂಶ್​ ಆರ್ಯ 13 ಎಸೆತಗಳಲ್ಲಿ 2 ಬೌಂಡರಿ, 4 ಸಿಕ್ಸರ್​ಗಳ ಸಹಿತ 36 ರನ್ ಗಳಿಸಿ ಔಟಾದರೆ, ಪ್ರಭಸಿಮ್ರನ್ ಸಿಂಗ್ 23 ಎಸೆತಗಳಲ್ಲಿ ಬೌಂಡರಿ, 1 ಸಿಕ್ಸರ್​ ಸಹಿತ 42 ರನ್ ಗಳಿಸಿ ಔಟಾದರು. ನಂತರ ಬಂದ ಶ್ರೇಯಸ್ ಅಯ್ಯರ್, ಸನ್ ರೈಸರ್ಸ್ ಬೌಲರ್​ಗಳನ್ನ ಚೆಂಡಾಡಿದರು. ಅಷ್ಟ ದಿಕ್ಕುಗಳಿಗೂ ಚೆಂಡಿನ ದರ್ಶನ ಮಾಡಿಸಿದ ಶ್ರೇಯಸ್ ಅಯ್ಯರ್, ನೆಹಾಲ್ ವಡೇರಾ ಜೊತೆಗೂಡಿ 73 ರನ್​ಗಳ ಜೊತೆಯಾಟವಾಡಿದ್ರು. ಆದ್ರೆ, 22 ಎಸೆತಗಳಲ್ಲಿ 2 ಬೌಂಡರಿ, 1 ಸಿಕ್ಸರ್ ಸಹಿತ 27 ಸಿಡಿಸಿ ನೆಹಾಲ್ ಔಟಾದರು.

ಇನ್ನು, ಕೊನೆಯಲ್ಲಿ ಅಬ್ಬರಿಸಿದ ಮಾರ್ಕಸ್ ಸ್ಟೋಯ್ನಿಸ್ ಕೇವಲ 11 ಎಸೆತಗಳಲ್ಲಿ 1 ಬೌಂಡರಿ, 4 ಸಿಕ್ಸರ್​ ಸಹಿತ ಅಜೇಯ 34 ರನ್​ಗಳಿಸಿ ತಂಡದ ಮೊತ್ತವನ್ನ 245ಕ್ಕೆ ಕೊಂಡೊಯ್ದರು.

246 ರನ್​​ಗಳ ಟಾರ್ಗೆಟ್ ಬೆನ್ನಟ್ಟಿದ್ದ ಟ್ರಾವಿಸ್ ಹೆಡ್, ಅಭಿಷೇಕ್ ಶರ್ಮಾ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದರು. ಅಕ್ಷರಶಃ ಬೌಲರ್​ಗಳ ಮಾರಣಹೋಮ ನಡೆಸಿದ ಈ ಜೋಡಿ, 6 ಓವರ್​ಗಳ ಮುಕ್ತಾಯಕ್ಕೆ ಬರೋಬ್ಬರಿ 83 ರನ್ ಕಲೆಹಾಕಿತು.

19 ಎಸೆತಗಳಲ್ಲೇ ಅರ್ಧಶತಕ ಸಿಡಿಸಿದ ಅಭಿಷೇಕ್, ನಂತರ ಮತ್ತಷ್ಟು ಅಬ್ಬರಿಸಿದ್ರು. ಮತ್ತೊಂದು ತುದಿಯಲ್ಲಿ ಉತ್ತಮ ಸಾಥ್ ನೀಡಿದ ಟ್ರಾವಿಸ್ ಹೆಡ್, 37 ಎಸೆತಗಳಲ್ಲಿ 66 ರನ್ ಸಿಡಿಸಿ ವಿಕೆಟ್ ಒಪ್ಪಿಸಿದರು.

40 ಎಸೆತಗಳಲ್ಲೇ ಶತಕ ಪೂರ್ಣಗೊಳಿಸಿದ ಅಭಿಷೇಕ್ ಶರ್ಮಾ, ಇದು ಆರೆಂಜ್ ಆರ್ಮಿಗಾಗಿ.. (This one is for the Orange Army) ಎಂದು ಬರೆದಿದ್ದ ಪತ್ರ ತೋರಿಸಿ, ಸಂಭ್ರಮಿಸಿದ ಪರಿ ವಿಶೇಷವಾಗಿತ್ತು. ಅಭಿಷೇಕ್ ಶರ್ಮಾ ಅವರು ಈ ಚೀಟಿಯನ್ನು ಕಳೆದ 6 ಪಂದ್ಯಗಳಿಂದ ತನ್ನ ಜೇಬಿನಲ್ಲೇ ಇಟ್ಟುಕೊಂಡಿದ್ದರಂತೆ. ಸತತ ಬ್ಯಾಟಿಂಗ್ ವೈಫಲ್ಯದಿಂದ ಕಂಗೆಟ್ಟಿದ್ದ ಅಭಿಷೇಕ್ ಶರ್ಮಾ ನಿನ್ನೆ ಜೇಬಿನಲ್ಲಿದ್ದ ಪತ್ರ ತೋರಿಸಿ ಸಂಭ್ರಮಿಸಿದ್ದಾರೆ.

Travis Head said, "the note has been in the pocket of Abhishek Sharma for 6 games, glad it came out tonight".

~ Abhishek Sharma was trying hard since 6 matches and eventually got the reward today 👏🏻 A brilliant 141 (55) with 10 Sixes 💥#SRHvsPBKSpic.twitter.com/qVrLWFgHvR

— Richard Kettleborough (@RichKettle07)

Travis Head said, "the note has been in the pocket of Abhishek Sharma for 6 games, glad it came out tonight".

~ Abhishek Sharma was trying hard since 6 matches and eventually got the reward today 👏🏻 A brilliant 141 (55) with 10 Sixes 💥#SRHvsPBKSpic.twitter.com/qVrLWFgHvR

— Richard Kettleborough (@RichKettle07) April 12, 2025

">April 12, 2025

ಇದನ್ನೂ ಓದಿ: ಅಭಿಷೇಕ್ ಶರ್ಮಾ ಬೌಂಡರಿ, ಸಿಕ್ಸರ್ ಸುರಿಮಳೆ.. RCB ಆಟಗಾರನ ರೆಕಾರ್ಡ್‌ ಇದಕ್ಕಿಂತಲೂ ಗ್ರೇಟ್‌! 

55 ಎಸೆತಗಳಲ್ಲಿ 14 ಬೌಂಡರಿ, 10 ಸಿಕ್ಸರ್​ ಒಳಗೊಂಡ 141 ರನ್ ಚಚ್ಚಿದ ಅಭಿಷೇಕ್ ಶರ್ಮಾ, ಆರ್ಶ್​ದೀಪ್ ಸಿಂಗ್ ಓವರ್​ನಲ್ಲಿ ಕ್ಯಾಚ್ ನೀಡಿ ನಿರ್ಗಮಿಸಿದರು.
ಕೊನೆ ಹಂತದಲ್ಲಿ ಕ್ಲಾಸೆನ್​ 21 ರನ್, ಇಶಾನ್ 9 ರನ್ ಗಳಿಸುವುದರೊಂದಿಗೆ ಗೆಲುವಿನ ದಡ ಸೇರಿಸಿದರು. ಆ ಮೂಲಕ ಸತತ ಸೋಲುಗಳಿಂದ ಬಳಲಿದ್ದ ಸನ್ ರೈಸರ್ಸ್, ಗೆಲುವಿನ ಟ್ರ್ಯಾಕ್​​ಗೆ ಮರಳಿತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ