ನಾಗದೇವತೆ ಸಿನಿಮಾ ಖ್ಯಾತಿಯ ಖಳನಟ

ಹಠಾತ್‌ ನಿಧನದಿಂದ ಚಿತ್ರರಂಗಕ್ಕೆ ಆಘಾತ

ಕಜನ್​ ಖಾನ್ ಸಾವಿಗೆ ಸಂತಾಪ ಸೂಚಿಸಿದ ಸಿನಿ ತಾರೆಯರು

ಕನ್ನಡ, ತಮಿಳು, ಮಲಯಾಳಂ ಸಿನಿಮಾರಂಗದಲ್ಲಿ ಖ್ಯಾತ ಖಳನಟನಾಗಿ ಗುರುತಿಸಿಕೊಂಡಿದ್ದ ಕಜನ್​ ಖಾನ್​​ ಇಹಲೋಕ ತ್ಯಜಿಸಿದ್ದಾರೆ. ನಿನ್ನೆ ಹೃದಯಾಘಾತಕ್ಕೆ ತುತ್ತಾಗಿ ನಿಧನರಾಗಿದ್ದಾರೆ.

ಕಜನ್​ ಖಾನ್​ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದರು. ಅದರಲ್ಲೂ ಹೆಚ್ಚಾಗಿ ಖಳನಟನಾಗಿಯೇ ಗುರುತಿಸಿಕೊಂಡಿದ್ದರು. 1992ರಲ್ಲಿ ‘ಸೆಂತಮಿಜ್​ ಪಾಟ್ಟು’ ಎಂಬ ತಮಿಳು ಸಿನಿಮಾದ ಮೂಲಕ ಬಣ್ಣ ಹಚ್ಚಿದರು. ಆ ಬಳಿಕ 1993 ಮಲಯಾಳಂನತ್ತ ಪಾದಾರ್ಪಣೆ ಮಾಡಿದರು.

ಕನ್ನಡ ಸಿನಿಮಾದಲ್ಲೂ ಕಜನ್​ ಖಾನ್​ ನಟಿಸಿದ್ದಾರೆ. 1999ರಲ್ಲಿ ‘ಹಬ್ಬ’ ಸಿನಿಮಾದ ಮೂಲಕ ಕಾಣಿಸಿಕೊಂಡರು. ಆ ಬಳಿಕ ‘ನಾಗದೇವತೆ’ ಸಿನಿಮಾದಲ್ಲಿ ಖಳನಟನಾಗಿ ಕಾಣಿಸಿಕೊಂಡಿದ್ದಾರೆ.

ಖಳನಟ ಕಜನ್​ ಖಾನ್ ನಿಧನವು ಚಿತ್ರರಂಗಕ್ಕೆ ದೊಡ್ಡ ಆಘಾತ ನೀಡಿದೆ. ಇವರ ಹಠಾತ್​ ನಿಧನವು ಸಿನಿ ತಾರೆಯರ ಬೇಸರಕ್ಕೆ ಕಾರಣವಾಗಿದೆ. ಅನೇಕ ತಾರೆಯರು ಇವರ ಸಾವಿನ ಬಗ್ಗೆ ಸಂತಾಪ ಸೂಚಿಸಿದ್ದಾರೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ