ಇದೇ ವೇಳೆ ಸಪ್ತ ಸಾಗರದಾಚೆ ಎಲ್ಲೋ ಸೈಡ್‌ ಬಿ ಮೂಲಕ ಸಿನಿಪ್ರಿಯರನ್ನು ಗಮನ ಸೆಳೆದಿದ್ದ ನಟಿ ಚೈತ್ರಾ ಜೆ ಆಚಾರ್‌ ಬಗ್ಗೆ ಮಾತಾಡಿದ್ದಾರೆ. ಅದರಲ್ಲೂ ಅವರ ಗ್ಲಾಮರಸ್​ ಲುಕ್​ ಬಗ್ಗೆ ಮಾತಾಡಿದ್ದಾರೆ. ಇನ್ನು, ನಟಿ ಚೈತ್ರಾ ಜೆ ಆಚಾರ್‌ ಅವರ ಬಗ್ಗೆ ಮಾತಾಡಿದ ಅನುಪಮಾ ಗೌಡ ಅವರು, ನಟಿ ಚೈತ್ರಾ ಜೆ ಆಚಾರ್‌ ಅವರನ್ನು ನೋಡಿದಾಗ ನನಗೆ ತುಂಬಾ ಖುಷಿ ಆಗುತ್ತೆ. ಫೋಟೋಶೂಟ್​ನಲ್ಲಿ ಗ್ಲಾಮಸರ್​ ಆಗಿ ಕಾಣುತ್ತಾರೆ. ಅಲ್ಲದೇ ಅವರ ನಟನೆ ವಿಚಾರಕ್ಕೆ ಬಂದರೆ ಅದ್ಭುತ. ನನಗೆ ಆ ತರ ಒಬ್ಬರು ಬೆಳೆಯುತ್ತಾ ಹೋದಾಗ ನನ್ನ ಮನಸ್ಸಿಗೆ ತುಂಬಾ ಖುಷಿ ಆಗುತ್ತೆ. ಅವರ ತರ ನನಗೆ ಮಾಡೋದಕ್ಕೆ ಆಗಲ್ಲ ಆದರೆ ಅವರು ಚೆನ್ನಾಗಿ ಕಾಣುತ್ತಾರೆ ಎಂದು ಹೇಳಿಕೊಂಡಿದ್ದಾರೆ.

ನಟಿ ಅನುಪಮಾ ಗೌಡ ತಾವು ಪಡೆದ ಸಂಭಾವನೆ ವಿಚಾರದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಮೊದ ಮೊದಲು ನಟಿ ಅನುಪಮಾ ಅವರು ರಿಯಾಲಿಟಿ ಶೋವೊಂದರಲ್ಲಿ ಭಾಗಿಯಾಗಿದ್ದಾಗ 30,000 ರೂಪಾಯಿ ಪಡೆದಿದ್ದರಂತೆ. ಬಳಿಕ ಅಣ್ಣತಂಗಿ ಧಾರಾವಾಹಿಯಲ್ಲಿ ಒಂದು ದಿನ ಶೂಟಿಂಗ್‌ಗೆ 2,500 ರೂಪಾಯಿ ಪಡೆಯುತ್ತಿದ್ದಂತೆ. ಆನಂತರ ಅಕ್ಕ ಸೀರಿಯಲ್​ನಲ್ಲಿ 2,000 ರೂಪಾಯಿಗಳನ್ನು ಪಡೆಯುತ್ತಿದ್ದರಂತೆ ಎಂದು ನಟಿ ಈ ಸಂದರ್ಶನದಲ್ಲಿ ತಮ್ಮ ಸಂಭಾವನೆ ಬಗ್ಗೆ ಮಾಹಿತಿ ನೀಡಿದ್ದಾರೆ. ಇದೇ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದೆ. ಈ ವಿಡಿಯೋ ನೀಡಿದ ನೆಟ್ಟಿಗರು ಅವರ ಸಂಭಾವನೇ ಕೇಳಿ ಶಾಕ್​ ಆಗುತ್ತಿದ್ದಾರೆ.