BBK11: ಯೋಚನೆ ಮಾಡದೆ ಒಂದೇ ಕರೆಗೆ ಬಿಗ್​ಬಾಸ್ ಮನೆಗೆ ಬಂದ ಗೌತಮಿ ಜಾಧವ್​; ಕಾರಣವೇನು?

ಕನ್ನಡದ ಸೀರಿಯಲ್​ ನಟಿ ಗೌತಮಿ ಜಾಧವ್​ ಬಿಗ್​ ಬಾಸ್​ ಮನೆಯಲ್ಲಿ ಒಂದು ರೇಂಜ್​ಗೆ ಸೌಂಡ್ ಮಾಡುತ್ತಿದ್ದಾರೆ. ಇನ್ನೂ ಅವರ ಪರ್ಫಾಮನ್ಸ್​ ಖಡಕ್​ ಆಗಿ ಇರಬೇಕು ಅಂತ ವೀಕ್ಷಕರು ನಿರೀಕ್ಷಿಸುತ್ತಿರೋದು ಸತ್ಯ. ಈ ನಿರೀಕ್ಷೆ ಹಿಂದೆನೂ ಒಂದು​ ಕಾರಣ ಇದೆ. ಅದೇ ಅವರ ಸತ್ಯ ಸೀರಿಯಲ್​.

ಇದನ್ನೂ ಓದಿ:ದೀಪಾವಳಿಗೆ ಸಿಹಿ ತಿಂಡಿ ಖರೀದಿಸುವ ಮುನ್ನ ಇರಲಿ ಎಚ್ಚರ! ಹಬ್ಬದ ಸಂಭ್ರಮವೇ ಕಿತ್ತುಕೊಂಡೀತು ಹುಷಾರ್​..!

ವೀಕ್ಷಕರು ಸುಮಾರು 3 ವರ್ಷಗಳ ಕಾಲ ಗೌತಮಿ ಅವರನ್ನ ಸತ್ಯನ್ನೋ ಖಡಕ್​ ಪಾತ್ರದಲ್ಲಿಯೇ ನೋಡಿದ್ದಾರೆ. ಯಾವುದೇ ಶೋಗೆ ಬಂದ್ರೂ ಅದೇ ಪಾತ್ರದಲ್ಲಿಯೇ ಎಂಟ್ರಿಯಾಗ್ತಿದ್ರು. ಅಲ್ಲೊಂದು ಇಲ್ಲೊಂದು ಸಂದರ್ಶನವೊಂದರಲ್ಲಿ ಬಿಟ್ಟರೇ ಗೌತಮಿ ನಿಜ ಜೀವನಲ್ಲಿ ಹೇಗಿರ್ತಾರೆ ಅನ್ನೋದು ವೀಕ್ಷಕರಿಗೆ ಗೊತ್ತೇ ಇರಲಿಲ್ಲ.

ಇದೇ ಕಾರಣಕ್ಕೆ ಅವರು ಬಿಗ್ ಬಾಸ್​ನಿಂದ ಕರೆ ಬಂದಗಾ ಹೆಚ್ಚು ಯೋಚನೆ ಮಾಡದೇ ಒಪ್ಪಿಕೊಂಡಿದ್ದು. ​ಈ ಬಗ್ಗೆ ಅವರೇ ಶೋಗೆ ಬಂದಾಗ ಹೇಳಿಕೊಂಡಿದ್ದಾರೆ. ಇದೇಲ್ಲಾ ನಿಮಗೆ ಗೊತ್ತೇ ಇದೆ. ಆದ್ರೇ ಸತ್ಯ ಧಾರಾವಾಹಿ ಮಾಡೋವಾಗ ಬಿಗ್​ಬಾಸ್​ ಕಡೆಯಿಂದ ಕರೆ ಬಂದಿತ್ತಂತೆ. 2 ತಿಂಗಳಿಂದ ಯಾರಿಗೂ ಹೇಳದೇ ಏನ್​ ಮೇಡಂ​ ನೆಕ್ಸ್ಟ್​ ಪ್ಲ್ಯಾನ್​ ಅಂತ ಕೇಳಿದವ್ರಿಗೆ ನಗುವಿನಿಂದ ಮಾತು ಮರಿಸ್ತಿದ್ರಂತೆ.

ಸತ್ಯ ತಂಡದೊಂದಿಗೂ ಗೌಪ್ಯತೆ ಕಾಪಾಡಿಕೊಂಡು ಬಂದಿದ್ರು. ಬಿಗ್​ ಬಾಸ್​ ಮನೆಗೆ ಎಂಟ್ರಿ ಆಗೋಕು ಹಿಂದಿನ ದಿನ ಜೂಮ್​ ವಿಡಿಯೋ ಕಾಲ್​ ಮೂಲಕ ಸತ್ಯದಲ್ಲಿದ್ದ ಕ್ಲೂಸ್​ ಫ್ರೆಂಡ್ಸ್​ಗೆ ವಿಷ್ಯ ತಿಳಿಸಿದ್ದರಂತೆ. ಒಟ್ಟಿನಲ್ಲಿ ಸತ್ಯ ಟೀಮ್​ ತುಂಬಾ ಆತ್ಮೀಯವಾಗಿದೆ. ಸೀರಿಯಲ್​ ಮುಗಿದ ಮೇಲೆ​ ಆದ್ರೂ ಅವರ ಬಾಂಡಿಂಗ್​ ಹಾಗೇ ಇರೋದು ಅಭಿಮಾನಿಗಳಿಗೆ ಖುಷಿ ನೀಡಿದೆ. ಅಂದ್ಹಾಗೆ, ಈ ವಿಡಿಯೋನ್ನು ಗೌತಮಿ ಪತಿ ಅಭಿಷೇಕ್​ ಅವರು ಗೌತಮಿ ಸೋಷಿಯಲ್​ ಮೀಡಿಯಾ ಪೇಜ್​ನಲ್ಲಿ ಶೇರ್​ ಮಾಡಿದ್ದಾರೆ. ಸದ್ಯ ಒಂದೇ ಸೀರಿಯಲ್​ ಮೂಲಕ ಸಖತ್ ಫೇಮಸ್ ಆಗಿದ್ದಾರೆ ನಟಿ ಗೌತಮಿ ಜಾಧವ್​.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ