ಡ್ರಗ್ಸ್​​ ಕೇಸ್​​ನಲ್ಲಿ ನಟಿ ರಕುಲ್ ಪ್ರೀತ್ ಸಿಂಗ್ ಸಹೋದರ ಅರೆಸ್ಟ್! 2 ಕೋಟಿ ಮೌಲ್ಯದ ಮಾದಕ ವಸ್ತು ಸೀಜ್

ಹೈದರಾಬಾದ್​​​ನಲ್ಲಿ ಮತ್ತೊಂದು ಮತ್ತಿನ ಲೋಕದ ಕೇಸ್​ ಬಯಲಾಗಿದೆ. ಇತ್ತೀಚಿಗೆ ಬೆಂಗಳೂರಿನಲ್ಲಿ ರೇವ್​​ ಪಾರ್ಟಿ ಮಾಡಿ ಹಲವು ಟಾಲಿವುಡ್​​ ಮಂದಿ ಅಂದರ್​​ ಆಗಿದ್ರು. ಇದೀಗ ಡ್ರಗ್ಸ್​​ ಕೇಸ್​​ನಲ್ಲಿ ನಟಿ ರಕುಲ್ ಪ್ರೀತ್ ಸಿಂಗ್ ಬ್ರದರ್​​ ಅರೆಸ್ಟ್​​ ಆಗಿದ್ದು, ಇನ್ನೂ ಕೆಲವರ ಹುಡುಕಾಟ ನಡೆದಿದೆ.

ರಕುಲ್​​​. ಸ್ನಿಗ್ಧ ಸೌಂದರ್ಯ. ಕಣ್ಣಲ್ಲೆ ಕೆಣಕುವ ಕುಡಿ ನೋಟ. ಈ ತಳಕು ಬಳುಕಿನ ಸುಂದರಿ, ಪಡ್ಡೆ ಹುಡುಗರ ನಿದ್ದೆ ಕದ್ದ ಚೋರಿ. ಹಾಲ್ಬಣ್ಣದ ಈ ಬೆಳಕಿನ ಸಿರಿ, ಬಾಲಿವುಡ್​ಗಿಂತ ದಕ್ಷಿಣದ ಸಿನಿ ರಂಗದಲ್ಲಿ ಸೊಂಟ ಬಳುಕಿಸಿದ್ದೆ ಹೆಚ್ಚು. ಖ್ಯಾತಿಯಷ್ಟೇ ಅಪಖ್ಯಾತಿಯ ಸಂಕಟ ಅನುಭವಿಸಿದ್ದಿದೆ.

ಇದನ್ನೂ ಓದಿ: ವಿಪರೀತ ಮಳೆ, ಹಳ್ಳದಂತಾದ ಬಸ್ ನಿಲ್ದಾಣ.. ಶಾಲಾ-ಕಾಲೇಜುಗಳಿಗೆ ರಜೆ ಘೋಷಣೆ

ಎರಡು ಕೋಟಿ ಮೌಲ್ಯದ ಮಾದಕ ವಸ್ತು ಸೀಜ್!

ಹೈದರಾಬಾದ್ ಡ್ರಗ್ಸ್ ಕೇಸ್ ಪ್ರಕರಣದಲ್ಲಿ ರಕುಲ್ ಪ್ರೀತ್ ಸಿಂಗ್ ಸಹೋದರ ಅಮನ್ ಪ್ರೀತ್ ಸಿಂಗ್‌ ಬಂಧನವಾಗಿದೆ. ಇತ್ತೀಚೆಗೆ ಬೆಳಕಿಗೆ ಬಂದ ಡ್ರಗ್ಸ್ ಕೇಸ್​ನಲ್ಲಿ ತೆಲಂಗಾಣ ಆಂಟಿ ನಾರ್ಕೋಟಿಕ್ಸ್ ಬ್ಯೂರೋ ಕಾರ್ಯಾಚರಣೆಯಲ್ಲಿ ಐವರನ್ನ ಬಂಧಿಸಲಾಗಿದೆ. ಬಂಧಿತ ನೈಜೀರಿಯಾ ವ್ಯಕ್ತಿ, ಹೈಪ್ರೋಫೈಲ್​ ಕಸ್ಟಮರ್‌ಗಳಿಗೆ ಕೊಕೇನ್​ ಸಪ್ಲೈ ಮಾಡ್ತಿರೋದನ್ನ ಬಾಯ್ಬಿಟ್ಟಿದ್ದಾನೆ.

ಇದನ್ನೂ ಓದಿ: ಅಯ್ಯಯ್ಯೋ! ಬರೋಬ್ಬರಿ 2 ದಿನ ಲಿಫ್ಟ್​​ನಲ್ಲೇ ಸಿಲುಕಿದ್ದ ವ್ಯಕ್ತಿ.. ಆಮೇಲೇನಾಯ್ತು ಗೊತ್ತಾ?

ರಕುಲ್ ಪ್ರೀತ್ ಸಹೋದರ ಅಮನ್​ ಡ್ರಗ್ ಸೇವನೆ ಖಚಿತ

ಈ ಕೇಸ್​ನಲ್ಲಿ 13 ಮಂದಿ ಡ್ರಗ್ ಸೇವನೆ ಮಾಡಿದವರನ್ನೂ ಬಂಧಿಸಲಾಗಿದೆ. ಅವರಲ್ಲಿ ರಕುಲ್ ಪ್ರೀತ್ ಸಹೋದರ ಅಮನ್​ ಪ್ರೀತ್​ಸಿಂಗ್ ಡ್ರಗ್ ಸೇವನೆ ಮಾಡಿದ್ದು ಖಚಿತವಾಗಿದೆ. ಬಂಧಿತರಿಂದ 200 ಗ್ರಾಂ ಕೊಕೇನ್​​, 2 ಬೈಕ್​, 2 ಪಾಸ್​ಪೋರ್ಟ್, 10 ಮೊಬೈಲ್​​ಗಳನ್ನ ಬಂಧಿತರಿಂದ ವಶ ಪಡಿಸಿಕೊಂಡಿದ್ದಾರೆ. ಕಳೆದ ಆರು ತಿಂಗಳಲ್ಲಿ ಸುಮಾರು 2.6 ಕಿಲೋ ಗ್ರಾಂಗಳಷ್ಟು ಕೊಕೇನ್ ಗ್ರಾಹಕರಿಗೆ ಪೂರೈಸಿದ್ದಾರೆ ಅಂತ ಡಿಸಿಪಿ ತಿಳಿಸಿದ್ದಾರೆ.

ಇದನ್ನೂ ಓದಿ: Meesho ಬಳಸೋರೇ ಎಚ್ಚರ! ಚೂರು ಯಾಮಾರಿದ್ರೂ ಹೋಯ್ತು ದುಡ್ಡು! ಏನಿದು ಸ್ಟೋರಿ?

ಒಟ್ಟಾರೆ, ರಕುಲ್ ಪ್ರೀತ್ ಸಿಂಗ್ ಸಹೋದರನ ಹೆಸರು ಕೇಳಿ ಬರುತ್ತಿದ್ದಂತೆ ತನಿಖೆ ಮತ್ತಷ್ಟು ಚುರುಕು ಗೊಂಡಿದೆ. ಮತ್ಯಾರಾದರೂ ಪ್ರಭಾವಿ ವ್ಯಕ್ತಿಗಳಿದ್ದಾರಾ ಅನ್ನೋದನ್ನ ಕೆದಕಲಾಗ್ತಿದೆ. 2021 ಹಾಗೂ 2022ರಲ್ಲೂ ನಟಿ ರಕುಲ್ ಪ್ರೀತ್ ಸಿಂಗ್ ಹೆಸರು ಡ್ರಗ್ಸ್ ಕೇಸ್‌ನಲ್ಲಿ ಕೇಳಿ ಬಂದಿತ್ತು. ಈ ಸಂಬಂಧ ವಿಚಾರಣೆ ಸಹ ಎದುರಿಸಿದ್ರು. ಆದ್ರೀಗ ಅವರ ಸಹೋದರ ಲಾಕ್​​ ಆಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ