‘ನಾಗ ಚೈತನ್ಯರಿಂದ 250 ಕೋಟಿ ಜೀವನಾಂಶ ಪಡೆದಿದ್ದೇನೆ’- ಸ್ಫೋಟಕ ಸತ್ಯ ಬಿಚ್ಚಿಟ್ಟ ನಟಿ ಸಮಂತಾ!

ತೆಲುಗು ಸ್ಟಾರ್​ ನಟಿ ಸಮಂತಾ ಮತ್ತು ನಾಗ ಚೈತನ್ಯ ಮದುವೆ ಆಗಿ 4 ವರ್ಷಗಳ ನಂತರ ಡಿವೋರ್ಸ್​ ಮಾಡಿಕೊಂಡರು. 2017ರಲ್ಲಿ ಮದುವೆ ಆದ ಈ ಜೋಡಿ 2021ರಲ್ಲಿ ಬೇರೆಯಾಗಲು ನಿರ್ಧರಿಸಿದರು. ಡಿವೋರ್ಸ್​ ನಂತರ ನಟಿ ಸಮಂತಾ ವಿರುದ್ಧ ಹಲವು ಆರೋಪಗಳು ಕೇಳಿ ಬಂದಿದ್ದವು. ಆ ಒಂದು ಕಾರಣದಿಂದಲೇ ಸಂಬಂಧ ಮುರಿದು ಬಿದ್ದಿತ್ತು ಎಂದು ನೆಟ್ಟಿಗರು ಆರೋಪ ಮಾಡಿದ್ದರು. ನಾಗ ಚೈತನ್ಯ ಬಳಿ ಸ್ಯಾಮ್​​ ಬರೋಬ್ಬರಿ 200 ಕೋಟಿ ಜೀವನಾಂಶಕ್ಕೆ ಪಡೆದಿದ್ದರು ಎಂಬ ಮಾತು ಕೇಳಿ ಬಂದಿತ್ತು. ಈ ಬಗ್ಗೆ ನಟಿ ಸಮಂತಾ ಪ್ರತಿಕ್ರಿಯೆ ನೀಡಿದ್ದಾರೆ.

ಇತ್ತೀಚೆಗೆ ನಡೆದ ಖಾಸಗಿ ಶೋ ಒಂದರಲ್ಲಿ ಭಾಗಿಯಾಗಿದ್ದ ನಟಿ ಸ್ಯಾಮ್​​ಗೆ ಜೀವನಾಂಶದ ಬಗ್ಗೆ ಕೇಳಲಾಯ್ತು. ಇದಕ್ಕೆ ಖಡಕ್​ ಉತ್ತರ ನೀಡಿರೋ ಸಮಂತಾ, ‘ನಾನು 250 ಕೋಟಿ ರೂ ಜೀವನಾಂಶ ತೆಗೆದುಕೊಂಡಿದ್ದೇನೆ. ಹಾಗಾಗಿ ಪ್ರತಿ ದಿನ ಬೆಳಿಗ್ಗೆ ನನ್ನ ಮನೆ ಹೊರಗೆ ಆದಾಯ ತೆರಿಗೆ ಅಧಿಕಾರಿಗಳು ಬರುತ್ತಾರಾ? ಎಂದು ಕಾಯುತ್ತಿದ್ದೇನೆ ಎಂದು ವ್ಯಂಗ್ಯವಾಡಿದ್ರು.

ಸ್ಟಾರ್​ ನಟಿ ಸಮಂತಾಗೆ ಡಿವೋರ್ಸ್​ ನೀಡಿದ್ದ ನಟ ನಾಗ ಚೈತನ್ಯ 2ನೇ ಮದುವೆಗೆ ಸಜ್ಜಾಗಿದ್ದಾರೆ. ಇತ್ತೀಚೆಗಷ್ಟೇ ಬಹುಭಾಷಾ ನಟಿ ಶೋಭಿತಾ ಧುಲಿಪಾಲಾ ಅವರೊಂದಿಗೆ ನಾಗ ಚೈತನ್ಯ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ನಾಗ ಚೈತನ್ಯ ಹಾಗೂ ಶೋಭಿತಾ ಎಂಗೇಜ್ಮೆಂಟ್​​​​ ಬೆನ್ನಲ್ಲೇ ನಟಿ ಸಮಂತಾ ಶಾಕಿಂಗ್​​ ನಿರ್ಧಾರವೊಂದು ತೆಗೆದುಕೊಂಡಿದ್ದಾರಂತೆ. ಈ ನಿರ್ಧಾರದ ಬಗ್ಗೆ ಟಾಲಿವುಡ್ ಅಂಗಳದಲ್ಲಿ ಭಾರೀ ಚರ್ಚೆ ನಡೆಯುತ್ತಿದೆ.

ನಟಿ ಸ್ಯಾಮ್​ ಶಾಕಿಂಗ್​ ನಿರ್ಧಾರ?

ಕಳೆದ ಕೆಲವು ದಿನಗಳಿಂದ ಸ್ಯಾಮ್​ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಮಯೋಸೈಟಿಸ್ ಎಂಬ ಖಾಯಿಲೆಯಿಂದ ಬಳಲುತ್ತಿರೋ ಇವರು ಸಿನಿಮಾದಿಂದ ಸ್ವಲ್ಪ ಬ್ರೇಕ್ ತೆಗೆದುಕೊಂಡಿದ್ದಾರೆ. ಇನ್ನೊಂದು ಕಡೆ ನಾಗ ಚೈತನ್ಯ ಎಂಗೇಜ್ಮೆಂಟ್​ ಮಾಡಿಕೊಂಡಿದ್ದು ಸ್ಯಾಮ್​​ಗೆ ಬೇಸರ ತರಿಸಿದೆ. ಹಾಗಾಗಿ ಲಾಂಗ್ ಬ್ರೇಕ್ ಬಳಿಕ ತೆಲುಗು ಚಿತ್ರರಂಗಕ್ಕೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಡಬೇಕು ಎಂದಿದ್ದ ನಿರ್ಧಾರದಿಂದ ಸ್ಯಾಮ್​ ಹಿಂದೆ ಸರಿದಿದ್ದಾರೆ. ಮುಂದಿನ ದಿನಗಳಲ್ಲಿ ತೆಲುಗು ಚಿತ್ರರಂಗದಿಂದಲೇ ದೂರ ಉಳಿಯಬೇಕು ಅನ್ನೋ ನಿರ್ಧಾರಕ್ಕೆ ಸ್ಯಾಮ್​ ಬಂದಿದ್ದಾರಂತೆ.

ಇದನ್ನೂ ಓದಿ: ನಾಗ​ ಚೈತನ್ಯ ಎಂಗೇಜ್ಮೆಂಟ್​​ನಿಂದ ನೊಂದ ಸಮಂತಾ; ಸ್ಯಾಮ್​​ ತೆಗೆದುಕೊಂಡ ಶಾಕಿಂಗ್​ ನಿರ್ಧಾರವೇನು..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ