ನಿಶ್ಚಿತಾರ್ಥದಲ್ಲಿ ವೈಷ್ಣವಿ ಗೌಡ ಲಕ ಲಕ ಅಂತಾ ಚೆಂದ ಕಾಣಲು ಕಾರಣ ಇವರೇ..!

ಅದೆಷ್ಟೋ ಹೆಣ್ಣು ಮಕ್ಕಳಿಗೆ ಆಸೆ ಇರುತ್ತೆ. ನಿಶ್ಚಿತಾರ್ಥ, ಮದುವೆ ಹೀಗೆ ಇನ್ನಿತರ ಕಾರ್ಯಕ್ರಮಗಳಲ್ಲಿ ತಾವು ಸುಂದರವಾಗಿ ಕಾಣಿಸಿಕೊಳ್ಳಬೇಕು. ಎಲ್ಲರೂ ನಮ್ಮ ಮೇಕಪ್​ಗೆ ಕಾಂಪ್ಲಿಮೆಂಟ್ ಕೊಡಬೇಕು ಅಂತ ಅಂದುಕೊಳ್ಳುತ್ತಾರೆ. ಅದರಲ್ಲೂ ಸಿನಿಮಾ ನಟಿಯರಿಗೆ ಸಾಕಷ್ಟು ಫ್ಯಾನ್ಸ್​ ಭೇಸ್​ ಇರುತ್ತೆ. ಅವರು ಹೇಗೆ ರೆಡಿ ಆಗ್ತಾರೆ ಅಂತೆಲ್ಲಾ ಅಭಿಮಾನಿಗಳು ಕಾಯುತ್ತಾ ಇರುತ್ತಾರೆ. ಅದರಂತೆ ಮೊದಲೇ ಅಷ್ಟು ಕ್ಯೂಟ್​ ಆಗಿದ್ದ ಕನ್ನಡದ ನಟಿಗೆ ಮತ್ತಷ್ಟು ಹೊಳಪು ಬರುವಂತೆ ಮಾಡಿದ್ದಾರೆ ಮೇಕಪ್ ಆರ್ಟಿಸ್ಟ್.

ಎಷ್ಟು ಚಂದ ಇವಳು ಯಾವ ರಾಣಿ ಮಗಳು.. ಈ ಸಾಲುಗಳು ಕನ್ನಡ ಕಿರುತೆರೆ ನಟಿಯಾಗಿರೋ, ಬಿಗ್​ಬಾಸ್​ ಬೆಡಗಿ ವೈಷ್ಣವಿ ಗೌಡಗೆ ಅರ್ಪಣೆ. ಏಕೆಂದರೆ ಮೊನ್ನೆಯಷ್ಟೇ ನಟಿ ವೈಷ್ಣವಿ ಗೌಡ ಅವರ ಮನೆಯಲ್ಲಿ ಸಂಭ್ರಮ ಮನೆ ಮಾಡಿತ್ತು. ಇಷ್ಟು ದಿನ ಸಿಂಗಲ್​ ಆಗಿದ್ದ ವೈಷ್ಣವಿ ಗೌಡ ಈಗ ಮಿಂಗಲ್​ ಆಗಿದ್ದಾರೆ. ಏಪ್ರಿಲ್ 14ರಂದು ವೈಷ್ಣವಿ ಗೌಡ ಉದ್ಯಮಿ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ:ರೀಲ್ಸ್ ಗೆಳೆಯನಿಗಾಗಿ ರಿಯಲ್‌ ಗಂಡನ ಕತ್ತು ಹಿಸುಕಿ ಸಾಯಿಸಿದ ಮಹಿಳೆ; ಇಂಚಿಂಚೂ ಮಾಹಿತಿ ಬಹಿರಂಗ!

ಇನ್ನೂ, ನಿಶ್ಚಿತಾರ್ಥದ ವೇಳೆ ನಟಿ ಎರಡು ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಒಂದು ಬಾರ್ಬಿ ಡಾಲ್​ ಲುಕ್​, ಇನ್ನೊಂದು ಲೆಹೆಂಗಾ ಡ್ರೆಸ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಎರಡು ಥೀಮ್​ನಲ್ಲಿ ನಟಿಗೆ ಅಷ್ಟು ಚಂದವಾಗಿ ಮೇಕಪ್​ ಮಾಡಲಾಗಿದೆ. ಮೊದಲು ಬಾರ್ಬಿ ಲುಕ್​ನಲ್ಲಿ ನಟಿ ವೈಷ್ಣವಿ ಗೌಡ ಥೇಟ್​ ಅಪ್ಸರೆಯಂತೆ ಕಾಣಿಸಿಕೊಂಡಿದ್ದಾರೆ. ಲೆಹೆಂಗಾ ಡ್ರೆಸ್ ಧರಿಸಿಕೊಂಡು ಮೇಕಪ್​ ಮಾಡಿಸಿಕೊಂಡಿರೋ ನಟಿ ವೈಷ್ಣವಿ ಗೌಡ ಅವರನ್ನು ನೋಡೋದಕ್ಕೆ ಎರಡು ಕಣ್ಣು ಸಾಲುತ್ತಾ ಇರಲಿಲ್ಲ ಅಷ್ಟು ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ.

ನಟಿ ವೈಷ್ಣವಿ ಗೌಡಗೆ ಮೇಕಪ್ ಮಾಡಿದ್ಯಾರು?

ನಟಿ ವೈಷ್ಣವಿ ಗೌಡ ಅವರಿಗೆ ಮೇಕಪ್​ ಮಾಡಿದ್ದು, ಪ್ರಿಯಾಂಕಾ ಹರೀಶ್ ರೆಡ್ಡಿ ಅಂತ. ತಮಗೆ ಮೇಕಪ್​ ಮಾಡಿದ್ದ ಪ್ರಿಯಾಂಕಾ ಹರೀಶ್ ಅವರ ಬಗ್ಗೆ ಮಾತಾಡಿದ ನಟಿ, ಪ್ರಿಯಾಂಕಾ ಹರೀಶ್ ರೆಡ್ಡಿ ಅವರ ಜೊತೆಗೆ ತುಂಬಾ ವರ್ಷಗಳ ಕಾಲ ಕೆಲಸ ಮಾಡಿದ್ದೇವೆ. ನಾನು ಯಾವಾಗಲೂ ಅವರ ಕೆಲಸ ಇಷ್ಟ. ಅದಕ್ಕೆ ಈ ಲುಕ್ಕೇ ಸಾಕ್ಷಿ. ನನ್ನ ಬಿಗ್​ ಡೇ ನಾ ಇನ್ನಷ್ಟೂ ಸ್ಪೆಷಲ್​ ಆಗಿ ಮಾಡಿದ್ದಾರೆ ಅಂತ ಹೇಳಿದ್ದಾರೆ.

View this post on Instagram

A post shared by Priyanka Harishreddy (@priyankaharishreddy_artistry)

ಯಾರು ಈ ಪ್ರಿಯಾಂಕಾ ಹರೀಶ್ ರೆಡ್ಡಿ?

ಪ್ರಿಯಾಂಕಾ ಹರೀಶ್ ರೆಡ್ಡಿ ಅವರು ಪ್ರಫೆಷನಲ್ ಮೇಕಪ್ ಆರ್ಟಿಸ್ಟ್ ಆಗಿದ್ದಾರೆ. ಈ ವೃತಿಯಲ್ಲಿ ಅವರಿಗೆ 9 ವರ್ಷಗಳ ಅನುಭವ ಇದೆ. ಈಗಾಗಲೇ ಇವರು ಮೇಕಪ್ ಕೋರ್ಸ್ ಅನ್ನು ಹೈದರಾಬಾದ್ ಮತ್ತು ಬೆಂಗಳೂರಿನಲ್ಲಿ ನಡೆಸುತ್ತಿದ್ದಾರೆ. ಪ್ರಿಯಾಂಕಾ ಹರೀಶ್ ಅವರು ನಟಿ ಅದಿತಿ ಪ್ರಭುದೇವ, ಶಾನ್ವಿ ಶ್ರೀವಾಸ್ತವ, ರೀಷ್ಮಾ ನಾಣಯ್ಯ ಸೇರಿದಂತೆ ಸಾಕಷ್ಟು ಸ್ಟಾರ್​ ನಟಿಯರಿಗೆ ಮೇಕಪ್ ಮಾಡಿದ್ದಾರೆ. ಇವರು ಇನ್​ಸ್ಟಾಗ್ರಾಮ್​ನಲ್ಲಿ 1.4 ಮಿಲಿಯನ್​ ಫಾಲೋವರ್ಸ್​ ಅನ್ನು ಹೊಂದಿದ್ದಾರೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ