ವಿಮಾನ ಪ್ರಯಾಣಿಕನೂ ಅಲ್ಲ, ಹಾಸ್ಟೆಲ್ ವಿದ್ಯಾರ್ಥಿಯೂ ಅಲ್ಲ.. ಬಾಲಕ ಕಣ್ಮುಚ್ಚಿದ್ದು ಹೇಗೆ?

ಅಹಮದಾಬಾದ್​ ಏರ್​ಪೋರ್ಟ್​ನಿಂದ ಆಗಸಕ್ಕೆ ನೆಗೆದಿದ್ದ ವಿಮಾನ, ಅಷ್ಟೇ ವೇಗದಲ್ಲಿ ಧರೆಯತ್ತ ನುಗ್ಗಿ ಬೆಂಕಿಯುಂಡೆ ಆಗಿ ಸ್ಫೋಟಿಸಿತ್ತು. ಆ ಸ್ಫೋಟದ ಕೆಳಗೆ ಇದ್ದಿದ್ದು ವಿದ್ಯಾರ್ಥಿಗಳ ಹಾಸ್ಟೆಲ್​​​. ಊಟದ ತಟ್ಟೆ ಮೇಲೆನೆ ಆ ವಿಧಿ ಘೋರ ಬರಹ ಬರೆದು ಬಿಟ್ಟಿತ್ತು. ಪಕ್ಕದ ಗೂಡಂಗಡಿಯಲ್ಲಿ ಮಲಗಿದ್ದ ಬಾಲಕನೂ ಸಹ ವಿಮಾನ ದುರಂತದಲ್ಲಿ ಉಸಿರು ಚೆಲ್ಲಿದ್ದಾನೆ.

ಮಧ್ಯಾಹ್ನದ ಸಮಯ ನೆತ್ತಿ ಸುಡುವಷ್ಟು ಸೂರ್ಯನ ಶಾಖ ಇತ್ತು. ಅದು Excessive Heat. 1 ಗಂಟೆಗೆ ಊಟಕ್ಕಾಗಿ ಹಾಸ್ಟೆಲ್​ನಲ್ಲಿ ಬೆಲ್​​​ ಬಾರಿಸಿತ್ತು. ಸದ್ದು ಕೇಳಿದವರೇ ಮೆಸ್​ನಲ್ಲಿ ಊಟಕ್ಕಾಗಿ ವಿದ್ಯಾರ್ಥಿಗಳ ದಂಡು ಸೇರಿತ್ತು. ಅದಾಗಿ 17 ನಿಮಿಷಗಳಷ್ಟೆ.. ಎಲ್ಲರೂ ಕಣ್ಮುಚ್ಚಿದ್ದಾರೆ.

ಮೃತಪಟ್ಟ ಎಲ್ಲಾ 24 ವಿದ್ಯಾರ್ಥಿಗಳ ಗುರುತು ಪತ್ತೆ

ಇದೇನಾ ವಿಧಿ ಲಿಖಿತ? ಇದನ್ನ ಮ್ಯಾನ್​​ಮೇಡ್​​ ದುರಂತ ಅನ್ಬೇಕಾ. ಬಿಜೆ ಮೆಡಿಕಲ್​​​​ ಕಾಲೇಜ್​​​ ಹಾಸ್ಟೆಲ್​​ ಮೇಲೆ ಬಿದ್ದು ಧಗಧಗಿಸಿದ ವಿಮಾನದಡಿ, ಭವಿಷ್ಯದ ವೈದ್ಯರು ಬೆಂಕಿಯಲ್ಲಿ ಬೆಂದು ಹೋಗಿದ್ದಾರೆ. ವಿಮಾನ ಪತನದಲ್ಲಿ ಮೆಡಿಕಲ್ ಕಾಲೇಜಿನ 24 ವಿದ್ಯಾರ್ಥಿಗಳು ಇನ್ನಿಲ್ಲವಾಗಿದ್ದಾರೆ.

ಮೃತಪಟ್ಟ ಎಲ್ಲಾ 24 ವಿದ್ಯಾರ್ಥಿಗಳ ಗುರುತು ಪತ್ತೆ ಆಗಿದೆ. ಪೋಸ್ಟ್​ಮಾರ್ಟಮ್ ನಡೆಸಿ ಮೃತದೇಹಗಳನ್ನ ಕುಟುಂಬಸ್ಥರಿಗೆ ಹಸ್ತಾಂತರ ಮಾಡಲಾಗಿದೆ. ಜೀವ ಕಳೆದುಕೊಂಡವರಲ್ಲಿ ಹಲವು ಅಹಮದಾಬಾದ್​​​ನವರೆ, ಇನ್ನೂ ಕೆಲವರು ಗುಜರಾತ್​ನ ಬೇರೆ ಬೇರೆ ಜಿಲ್ಲೆಗಳಿಗೆ ಸೇರಿದದವರು. ಅವರ ಹುಟ್ಟೂರಿಗೆ ಮೃತದೇಹ ಸಾಗಿಸಲು ಆಸ್ಪತ್ರೆ ಮುಂದೆ ಌಂಬುಲೆನ್ಸ್​ಗಳು ಸಾಲುಗಟ್ಟಿ ನಿಂತಿದ್ದವು.

ವಿಮಾನ ದುರಂತದಲ್ಲಿ 14 ವರ್ಷದ ಬಾಲಕ ಆಕಾಶ್​​​​ ದುರ್ಮರಣ

ಆಕಾಶ್ ಎನ್ನುವ ಕೇವಲ 14 ವಯಸ್ಸಿನ ಬಾಲಕ 8ನೇ ತರಗತಿಯ ವಿದ್ಯಾರ್ಥಿ ಆಗಿದ್ದನು. ಏರ್​ ಇಂಡಿಯಾ ವಿಮಾನದ ದುರಂತ ಇವನ ಬಾಳಿನ ಪಯಣವನ್ನೇ ಕಸಿದುಕೊಂಡಿದೆ.

‘ಆಕಾಶ’ದ ದುರಂತ!

• ಬಿಜೆ ಹಾಸ್ಟೆಲ್ ಬಳಿಯ ರಸ್ತೆ ಬದಿಯಲ್ಲಿದೆ ಗೂಡಂಗಡಿ
• ಅಪ್ಪ-ಅಮ್ಮ ಬದುಕಿಗೆ ಕಟ್ಟಿಕೊಂಡ ಸಂಸಾರದ ಬಂಡಿ
• ಹಾಸ್ಟೆಲ್​​ ಜೊತೆ ಅಂಗಡಿ ಮೇಲೂ ಬಿದ್ದಿರೋ ವಿಮಾನ
• ಶಾಖ ತಾಗಿ ಅಂಗಡಿಯಲ್ಲಿದ್ದ ಸಿಲಿಂಡರ್​ ಸಹ ಸ್ಫೋಟ
• ಇದೇ ಅಂಗಡಿಯಲ್ಲಿದ್ದ ಬಾಲಕ ಆಕಾಶ್​, ದುರ್ಮರಣ

ನ್ಯೂಸ್​ಫಸ್ಟ್​​ ಜೊತೆ ಮಾತನಾಡಿದ ಮೃತ ಆಕಾಶ್ ತಂದೆ ಸುರೇಶ್, ಘಟನೆಯ ಮಾಹಿತಿಯನ್ನ ದುಃಖದ ಮಧ್ಯೆ ಎಳೆ ಎಳೆಯಾಗಿ ವಿವರಿಸಿದರು.

ಇದನ್ನೂ ಓದಿ: ಕೊನೆಗೂ ಸಿಕ್ಕಿತು.. ಅಹಮದಾಬಾದ್ ಏರ್ ಇಂಡಿಯಾ ವಿಮಾನದ ಬ್ಲ್ಯಾಕ್​ ಬಾಕ್ಸ್

ನನ್ನ ಮಗ ಟಿಫಿನ್ ಬಾಕ್ಸ್​ ತೆಗೆದುಕೊಂಡು ತಾಯಿ ಬಳಿಗೆ ಬಂದಿದ್ದನು. ಅವರ ತಾಯಿ ಊಟ ಮಾಡುತ್ತಿದ್ದರು. ಈ ವೇಳೆ ಮಗ ಅಲ್ಲೇ ಪಕ್ಕದಲ್ಲೇ ಮಲಗಿಕೊಂಡಿದ್ದನು. ನಾನು ಆಟೋ ತಗೊಂಡು ಹೊರಗಡೆ ಹೋಗಿದ್ದೆ. ಅಲ್ಲಿಂದ ನೋಡಿದಾಗ ದೊಡ್ಡ ಸ್ಫೋಟವಾಯಿತು. ಹೆಂಡತಿಯನ್ನ ಆ್ಯಂಬುಲೆನ್ಸ್​​ಗೆ ಹಾಕಿ ಕಳಿಸಿದೇವು. ಮಗನನ್ನು ಹುಡುಕಿದೇವು. ಎಲ್ಲಿಯೂ ಕಾಣಲಿಲ್ಲ.

ಸುರೇಶ್​, ಮೃತ ಆಕಾಶ್​ ತಂದೆ

ಅಚ್ಚರಿ ಅಂದ್ರೆ ಅದೇ ಅಂಗಡಿ ಬಳಿ ಇದ್ದ ಆಕಾಶ್​​, ದಿಗ್ಗನೆ ಕಾಣಿಸಿದ ಬೆಂಕಿಯ ಹೊಗೆಯಲ್ಲಿ ದಿಕ್ಕೆಟ್ಟು ಓಡಿ ಬಂದು ಜೀವ ಉಳಿಸಿಕೊಂಡಿದ್ದಾರೆ. ಆ ದೃಶ್ಯ ಮಾತ್ರ ದುರಂತದ ಭೀಕರತೆ ಬಿಚ್ಚಿಡುತ್ತಿದೆ. ಆದ್ರೆ, ಆ ತಾಯಿಗೂ ಸುಟ್ಟ ಗಾಯಗಳಾಗಿದ್ದು, ಸಿವಿಲ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಘಟನೆಯಿಂದ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ