ರೋಹಿತ್ ಪತ್ನಿಗೆ ಕೈಜೋಡಿಸಿ ನಮಸ್ಕರಿಸಿದ IPL ಸ್ಟಾರ್.. ಆಕಾಶ್ ಮಧ್ವಾಲ್ ಸರಳತೆಗೆ ಜನ ಸೆಲ್ಯೂಟ್..!

ತವರಲ್ಲಿ ನಡೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್​ ಸೋಲೋಪ್ಪಿಕೊಂಡಿದೆ. ಮುಂಬೈ ಇಂಡಿಯನ್ಸ್​ ನೀಡಿದ್ದ 218 ರನ್​ಗಳ ಗುರಿ ಮುಟ್ಟಲಾಗದೇ 100 ರನ್​ಗಳ ಅಂತರದಿಂದ ರಾಜಸ್ಥಾನ್ ಪರಾಭವಗೊಂಡಿತು. ಈ ಪಂದ್ಯ ಮುಗಿದ ಮೇಲೆ ಹೃದಯ ಸ್ಪರ್ಶಿ ಸಂಗತಿಯೊಂದು ನಡೆದಿದೆ.

ನಿನ್ನೆ ಜೈಪುರದ ಸವಾಯಿ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ರಾಜಸ್ಥಾನ್ ರಾಯಲ್ಸ್ ಹಾಗೂ ಮುಂಬೈ ಇಂಡಿಯನ್ಸ್​ ನಡುವೆ ಐಪಿಎಲ್ ಪಂದ್ಯ ನಡೆಯಿತು. ಪಂದ್ಯ ಮುಗಿದ ಮೇಲೆ ರಾಯಲ್ಸ್​ ತಂಡದ ಪೇಸ್ ಬೌಲರ್ ಆಗಿರುವ ಆಕಾಶ್ ಮಧ್ವಾಲ್ ರೋಹಿತ್ ಶರ್ಮಾರನ್ನು ಭೇಟಿ ಮಾಡಿದರು.

ರೋಹಿತ್ ಶರ್ಮಾ ಬಳಿ ಬರುತ್ತಿದ್ದಂತೆ ಆಕಾಶ್ ಮಧ್ವಾಲ್ ತನ್ನ 2 ಕೈಜೋಡಿಸಿ ನಮಸ್ಕಾರ ಮಾಡಿದ್ದಾರೆ. ಈ ವೇಳೆ ಇಬ್ಬರೂ ಆಟಗಾರರು ಪಂದ್ಯ ಕುರಿತು ಮಾತನಾಡುತ್ತಿದ್ದರು. ಆಗ ರೋಹಿತ್ ಶರ್ಮಾಗಾಗಿ ಹೆಂಡತಿ ರಿತಿಕಾ ಸಜ್ದೇಹ್ ಗ್ಯಾಲರಿಯಿಂದ ಕೂಗಿದ್ದಾರೆ. ಮೇಲೆ ನೋಡಿದ ರೋಹಿತ್ ಶರ್ಮಾ, ತನ್ನ ಹೆಂಡತಿಯನ್ನು ಆಕಾಶ್ ಮಧ್ವಾಲ್​ಗೆ ತೋರಿಸಿದರು.

ರಿತಿಕಾ ಸಜ್ದೇಹ್ ಅವರನ್ನು ನೋಡುತ್ತಿದ್ದಂತೆ ಆಕಾಶ್ ಮಧ್ವಾಲ್ ಮತ್ತೆ ಎರಡು ಕೈಗಳನ್ನು ಜೋಡಿಸಿ ಗೌರವಯುತವಾಗಿ ನಮಸ್ಕಾರ ಮಾಡಿದರು. ರಾಜಸ್ಥಾನ್ ಹಾಗೂ ಮುಂಬೈ ನಡುವಿನ ಪಂದ್ಯ ಮುಗಿದ ಮೇಲೆ ಈ ದೃಶ್ಯವೂ ಎಲ್ಲ ಅಭಿಮಾನಿಗಳಿಗೆ ತುಂಬಾ ಭಾವನಾತ್ಮಕವಾಗಿ ಕಂಡಿದೆ. ಭಾರತೀಯ ಸಂಸ್ಕೃತಿಯಂತೆ ಆಕಾಶ್ ಮಾಡಿರುವಂತ ನಮಸ್ಕಾರ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು ಜನರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಇದನ್ನೂ ಓದಿ: RCB 7 ಪಂದ್ಯ ಗೆದ್ದರೂ ಪ್ಲೇ ಆಫ್ ಎಂಟ್ರಿ ಸುಲಭ ಇಲ್ಲ.. ಬೆಂಗಳೂರಲ್ಲಿ ಅಗ್ನಿಪರೀಕ್ಷೆನಾ?

ಇನ್ನು ಇದೇ ವೇಳೆ ರೋಹಿತ್ ಶರ್ಮಾರಿಂದ ಆಕಾಶ್ ಮಧ್ವಾಲ್ ತನ್ನ ಜೆರ್ಸಿ ಮೇಲೆ ಆಟೋಗ್ರಾಫ್ ಹಾಕಿಸಿಕೊಂಡು ಸಂತಸ ಪಟ್ಟರು. ಬಳಿಕ ಫೋಟೋಗೂ ಪೋಸ್ ಕೊಟ್ಟರು. ಈ ಹಿಂದೆ ರೋಹಿತ್ ಶರ್ಮಾ ನಾಯಕರಾಗಿದ್ದಾಗ ಆಕಾಶ್ ಮಧ್ವಾಲ್ ಮುಂಬೈ ಇಂಡಿಯನ್ಸ್​ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು. ಅಂದಿನಿಂದ ಇವರ ನಡುವೆ ಭಾವನಾತ್ಮಕವಾದ ಸಂಬಂಧ ಬೆಳೆದಿದೆ ಎಂದು ಹೇಳಲಾಗುತ್ತಿದೆ.

No one can earn this with money 🥺🤍

Rohit Sharma | Akash Madhwal pic.twitter.com/4gRHYrJlDvpic.twitter.com/r28CI8UiUJ

— 𝑲𝒓𝒊𝒔𝒉𝒏𝒂 (@SavageFlyy) May 1, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ