ಹೆಣ್ಣಿನ ಮೇಲೆ ಕಾಮುಕರ ಕಣ್ಣು.. ಧೈರ್ಯದ ಹೆಣ್ಣುಮಕ್ಕಳಿಗೆ ‘ಐ’ ಹಾಡು ಸಮರ್ಪಿಸಿದ ಆಲ್​ ಓಕೆ

ತಾಯಿ ಅಥವಾ ಹೆಣ್ಣನ್ನು ಪೂಜಿಸುವ ಸಮಾಜ ನಮ್ಮದು. ಆದರೆ ಇತ್ತೀಚಿನ ದಿನಗಳಲ್ಲಿ ಹೆಣ್ಣಿನ ಮೇಲೆ ಅನಾಚಾರಗಳು ನಡೆಯುತ್ತಿವೆ. ಕಾಮುಕರ ಕಣ್ಣು ಹೆಣ್ಣಿನ ಮೇಲರ ಬಿದ್ದು ಅತ್ಯಾ*ಚಾರಕ್ಕೆ ಒಳಗಾಗುತ್ತಿದ್ದಾಳೆ. ಆದರೆ ಇಂತಹ ಕ್ರಿಮಿಗಳು ತಾವು ಕೂಡ ಒಂದು ಹೆಣ್ಣಿನ ಹೊಟ್ಟೆಯಿಂದ ಜನಿಸಿದ್ದಾರೆ ಎಂಬುದನ್ನು ಮರೆತು ನೀಚ ಕೃತ್ಯವೆಸಗುತ್ತಿದ್ದಾರೆ. ಅಂತಹ ದುರುಳರನ್ನು ದೇವಿ ಮಹಿಷಾಸುರನನ್ನು ಸಂಹಾರ ಮಾಡಿದಂತೆ ಸಮಾಜ ಸಂಹಾರ ಮಾಡಬೇಕು ಎಂಬುದನ್ನು ಕನ್ನಡದ ರ‍್ಯಾಪರ್​ ಆಲ್ ​ಓಕೆ ಅದ್ಭುತ ಸಾಲುಗಳನ್ನು ಬರೆದು ತಮ್ಮ ಕಂಠದಾನನಿಂದ ಹಾಡಿದ ಹಾಡನ್ನು ಬಿಡುಗಡೆ ಮಾಡಿದ್ದಾರೆ.

‘ಐ’ ಹೆಸರಿನಲ್ಲಿ ವಿಡಿಯೋ ಹಾಡನ್ನು ಆಲ್​ ಓಕೆ ನಿರ್ಮಿಸಿ ಯುಟ್ಯೂಬ್​ನಲ್ಲಿ ರಿಲೀಸ್​ ಮಾಡಿದ್ದಾರೆ. ಇದರಲ್ಲಿ ನಟಿ ಅಮೃತಾ ಅಯ್ಯಂಗಾರ್​​ ನಟಿಸಿದ್ದು, ಅತ್ಯಾ*ಚಾರಕ್ಕೆ ಒಳಗಾದ ಹೆಣ್ಣು ಮಗಳಂತೆ ಕಾಣಿಸಿಕೊಂಡಿದ್ದಾರೆ. ನಟಿ ಮಾಲಾಶ್ರೀಯವರು ಪೊಲೀಸ್​​ ಪಾತ್ರದಲ್ಲಿ ಗುರುತಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಮಹಾಲಕ್ಷ್ಮಿಯನ್ನು ಪೀಸ್‌, ಪೀಸ್ ಮಾಡಿದ ಹಂತ*ಕ ಮೊಬೈಲ್‌ನ್ನು ಎಲ್ಲಿ ಇಟ್ಟು ಹೋಗಿದ್ದ ಗೊತ್ತಾ?

ಹೆಣ್ಣಿನ ಕುರಿತಾಗಿ ಮಾಹಿತಿ ಹಂಚಿಕೊಂಡಿರುವ ಅಲ್​ ಓಕೆ, ‘ನೋವು, ಶಕ್ತಿ ಮತ್ತು ಮರುಜೀವನದ ಕಥೆಯನ್ನು ಹೊತ್ತಿರುವ ಹಾಡು ಇದಾಗಿದೆ. 'She Will Rise' ಎಂಬುದು ಕೇವಲ ಒಂದು ಜಾಹೀರಾತು ಮಾತ್ರವಲ್ಲ, ಅದು ಒಂದು ಪ್ರತಿಜ್ಞೆ. ಧೈರ್ಯದ ಹೆಣ್ಣುಮಕ್ಕಳಿಗೆ ಈ ಹಾಡು ಸಮರ್ಪಿತವಾಗಿದೆ. ನ್ಯಾಯ ಮತ್ತು ಬದಲಾವಣೆಗೆ ಕಿರುಚುವ ಸ್ವರವಾಗಿದೆ. ಬನ್ನಿ, ಒಟ್ಟಾಗಿ ನಿಲ್ಲೋಣ, ಯಾವುದೇ ಸ್ವರ ಮೌನವಾಗದಂತೆ ನೋಡಿಕೊಳ್ಳೋಣ’ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಅಪ್ಪ ಐ ಲವ್ ಯು ಪಾ.. ಡ್ರೋನ್​ ಪ್ರತಾಪ್ ಜೀವನದಲ್ಲಿ ಹೊಸ ಬೆಳಕು; ಈ ಪುಣ್ಯ ಕಿಚ್ಚನಿಗೆ ಹೋಗಲಿ ಎಂದ ಫ್ಯಾನ್ಸ್​!

ಸದ್ಯ ಹಾಡು ಬಿಡುಗಡೆಗೊಂಡ 2 ಗಂಟೆಯಲ್ಲಿ ಅದ್ಭುತ ವೀವ್ಸ್​ ಪಡೆಯುತ್ತಿದೆ. ಅನೇಕರು ಈ ಹಾಡು ಕೇಳಿ ಸಮಾಜಕ್ಕೆ ಉತ್ತಮ ಸಂದೇಶ ಸಾರಿದ್ದೀರಿ ಎಂದು ಹೊಗಳುತ್ತಿದ್ದಾರೆ. ಜೊತೆಗೆ ಸಾಮಾಜಿಕ ಜಾಲತಾಣದಲ್ಲೂ ವಿಡಿಯೋ ಹಂಚಿಕೊಳ್ಳುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ