ಶಾಸನಬದ್ಧ ಹುದ್ದೆ ನೇಮಕಾತಿಯಲ್ಲಿ ತಾರತಮ್ಯ ಆರೋಪ.. ರಾಜೀನಾಮೆ ನೀಡುವುದಾಗಿ ಪತ್ರ ಬರೆದ 10 ಪ್ರೊಫೆಸರ್ಸ್

ಬೆಂಗಳೂರು ವಿಶ್ವವಿದ್ಯಾಲಯದ ನೇಮಕಾತಿಯಲ್ಲಿ ದಲಿತರಿಗೆ ತಾರತಮ್ಯ ಮಾಡಲಾಗುತ್ತಿದೆ. ಈ ತಾರತಮ್ಯವನ್ನ ಖಂಡಿಸಿ ರಾಜೀನಾಮೆ ನೀಡುವುದಾಗಿ 10 ಪ್ರಾಧ್ಯಾಪಕರು ಕುಲಪತಿಗೆ ಪತ್ರ ಬರೆದಿದ್ದಾರೆ.

ಇದನ್ನೂ ಓದಿ: ಡಾ.ರಾಜ್ ಸ್ಮಾರಕಕ್ಕೆ ಪೂಜೆ ಸಲ್ಲಿಸಿದ ಯಶ್ ತಾಯಿ; ಅಣ್ಣಾವ್ರ ಆಶೀರ್ವಾದ ಪಡೆದು ಹೇಳಿದ್ದೇನು..?

ಕುಲಪತಿಗೆ ಬರೆದಿರುವ ಪತ್ರದಲ್ಲಿ ಉಲ್ಲೇಖಿಸಿದ್ದಂತೆ, ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಕಳೆದ ಸುಮಾರು ವರ್ಷಗಳಿಂದ ದಲಿತ ಶಿಕ್ಷಕರು ಹಲವಾರು ಆಡಳಿತ ಹುದ್ದೆಗಳನ್ನ ನಿರ್ವಹಿಸುತ್ತಾ ಬಂದಿದ್ದಾರೆ. ಆಡಳಿತ ವರ್ಗಕ್ಕೆ ಹೊರೆಯನ್ನು ಕಡಿಮೆಗೊಳಿಸಿ ವಿಶ್ವವಿದ್ಯಾಲಯದ ಸರ್ವತೋಮುಖ ಬೆಳವಣಿಗೆಗೆ ದುಡಿಯುತ್ತಿದ್ದಾರೆ.

ಆದರೆ, ಇತ್ತೀಚಿನ ದಿನಗಳಲ್ಲಿ ವಿಶ್ವವಿದ್ಯಾಲಯದ ಶಾಸನಬದ್ಧ ಹುದ್ದೆಗಳ ನೇಮಕಾತಿ ವಿಷಯದಲ್ಲಿ ವಿಶ್ವವಿದ್ಯಾಲಯದ ಬಹುಸಂಖ್ಯಾತ ದಲಿತರಿಗೆ ತಾರತಮ್ಯ ನೀತಿ ಅನುಸರಿಸುತ್ತಿದೆ. ಹಾಗೆಯೇ, ನಮಗೆ ನೀಡಿದ ಎಲ್ಲಾ ಹೆಚ್ಚುವರಿ ಜವಾಬ್ದಾರಿಯನ್ನು ಕೇವಲ ಉಸ್ತುವಾರಿ ಎಂದು ಆದೇಶ ನೀಡಿ, ಈ ಜವಾಬ್ದಾರಿಗಳಿಗೆ ಈ ಹಿಂದೆ ಅನುಸರಿಸಿದಂತೆ ಸಹಜವಾಗಿ ನಮ್ಮ ನಮ್ಮ ಖಾತೆಗಳಿಗೆ ಸಂದಾಯವಾಗಬೇಕಿದ್ದ EL ಅನ್ನು ತಪ್ಪಿಸುವ ವ್ಯವಸ್ಥೆ ನಡೆದಿದೆ.

ನಮ್ಮ ಮನವಿಗಳಿಗೆ ಆಡಳಿತ ವರ್ಗ ಯಾವುದೇ ರೀತಿಯ ಮನ್ನಣೆ ನೀಡುತ್ತಿಲ್ಲ. ನಮ್ಮ ಬೇಡಿಕೆಗೆ ಕೂಡಲೇ ಮನ್ನಣೆ ನೀಡದಿದ್ದಲ್ಲಿ ಈ ಜವಾಬ್ದಾರಿಗಳಿಗೆ ನಾವು ರಾಜೀನಾಮೆ ಸಲ್ಲಿಸಿದ್ದೇವೆಂದು ಭಾವಿಸಬಹುದಾಗಿದೆ.

ರಾಜೀನಾಮೆ ಸಲ್ಲಿಸುವುದಾಗಿ ಪತ್ರ ಬರೆದ 10 ಪ್ರಾಧ್ಯಾಪಕರ ಪಟ್ಟಿ ಇಲ್ಲಿದೆ..

1. ಪ್ರೊ. ಸೋಮಶೇಖರ್ ಸಿ - ನಿರ್ದೇಶಕರು, ಅಂಬೇಡ್ಕರ್ ಸಂಶೋಧನಾ ಕೇಂದ್ರ
2. ಪ್ರೊ. ವಿಜಯಕುಮಾರ್ ಎಚ್ ದೊಡ್ಡಮನಿ -ಬಾಬು ಜಗಜೀವನರಾಂ ಸಂಶೋಧನಾ ಕೇಂದ್ರ
3. ಪ್ರೊ. ನಾಗೇಶ್ ಪಿ ಸಿ -ನಿರ್ದೇಶಕರು, ವಿದ್ಯಾರ್ಥಿಗಳ ಕಲ್ಯಾಣ
4. ಪ್ರೊ. ಕೃಷ್ಣಮೂರ್ತಿ ಜಿ - ವಿಶೇಷ ಅಧಿಕಾರಿ, ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ ಕೋಶ
5. ಪ್ರೊ. ಸುದೇಶ್ ವಿ ಸಂಯೋಜಕರು, PM-USHA
6. ಪ್ರೊ. ಮುರಳೀಧರ ಬಿ ಎಲ್ - ನಿರ್ದೇಶಕರು, ದೂರ ಮತ್ತು ಆನ್‌ಲೈನ್ ಶಿಕ್ಷಣ ಕೇಂದ್ರ
7. ಪ್ರೊ. ಶಶಿಧರ್ ಎಂ - ನಿರ್ದೇಶಕರು, ಮಾಳವೀಯ ಶಿಕ್ಷಕರ ತರಬೇತಿ ಸಂಸ್ಥೆ
8. ಪ್ರೊ. ರಮೇಶ - ನಿರ್ದೇಶಕರು, ಪ್ರಸಾರಾಂಗ
9. ಡಾ.ಸುರೇಶ್ ಆರ್ - ನಿರ್ದೇಶಕರು, ಸಮಾನ ಅವಕಾಶ ಕೋಶ
10. ಡಾ. ಕುಂಬಿನರಸಯ್ಯ ಎಸ್ - ನಿರ್ದೇಶಕರು, ಬೈಲ್ ಸೆಂಟರ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ