ಸ್ಮಾರ್ಟ್​ಫೋನ್​ಗಳ ಮೇಲೆ ಭರ್ಜರಿ ಆಫರ್

ರಿಯಾಯಿತಿ ದರದಲ್ಲಿ ವಿವಿಧ ಕಂಪನಿಗಳ ಸ್ಮಾರ್ಟ್​ಫೋನ್​ಗಳು

ಕಡಿಮೆ ಬೆಲೆಗೆ ಸಿಗುವ ಬೆಸ್ಟ್​ ಸ್ಮಾರ್ಟ್​ಫೋನ್​ಗಳ ಬಗ್ಗೆ ಮಾಹಿತಿ ಇಲ್ಲಿದೆ

ಅಮೆಜಾನ್ ತನ್ನ ಗ್ರಾಹಕರಿಗಾಗಿ​ ಗ್ರೇಟ್​ ಇಂಡಿಯನ್​ ಫೆಸ್ಟಿವಲ್​ ತೆರೆದಿಟ್ಟಿದೆ. ಇಂದಿನಿಂದ ಸೇಲ್​​ ಪ್ರಾರಂಭವಾಗುತ್ತಿದೆ. ಪ್ರೈಮ್​ ಗ್ರಾಹಕರು ಈಗಾಗಲೇ ಪ್ರವೇಶ ಪಡೆದಿದ್ದು, ರಿಯಾಯಿತಿ ದರದಲ್ಲಿ ಉತ್ಪನ್ನಗಳನ್ನು ಖರೀದಿಸುತ್ತಿದ್ದಾರೆ. ಅದರಂತೆಯೇ ಸ್ಮಾರ್ಟ್​ಫೋನ್​ಗಳ ಮೇಲಿನ ಬೆಲೆಯನ್ನು ಸಹ ಅಮೆಜಾನ್​ ಕಡಿತಗೊಳಿಸಿದ್ದು, ಗ್ರಾಹಕರು ಆಯ್ಕೆಯ ಸ್ಮಾರ್ಟ್​ಫೋನನ್ನು ಕೊಂಡುಕೊಳ್ಳುತ್ತಿದ್ದಾರೆ.

ಹೌದು. ವಿವಿಧ ಕಂಪನಿಯ ಸ್ಮಾರ್ಟ್​ಫೋನ್​ಗಳ ಮೇಲೆ ಅಮೆಜಾನ್​ ಆಫರ್​ ಘೋಷಿಸಿದೆ. ಅದರಲ್ಲಿ ಕೆಲವು ಸ್ಮಾರ್ಟ್​ಫೋನ್​ಗಳನ್ನು 30 ಸಾವಿರಕ್ಕಿಂತಲೂ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದೆ. ಅಂದಹಾಗೆಯೇ ಅಮೆಜಾನ್​ ಗ್ರೇಟ್​​ ಇಂಡಿಯನ್​​ ಫೆಸ್ಟಿವಲ್​​ನಲ್ಲಿ ಕಡಿಮೆ ಬೆಲೆಗೆ ಸಿಗುವ ಬೆಸ್ಟ್​ ಸ್ಮಾರ್ಟ್​ಫೋನ್​ಗಳ ಕುರಿತು ಮಾಹಿತಿ ಇಲ್ಲಿದೆ.

ಒನ್​​ಪ್ಲಸ್​ ನೋರ್ಡ್​​​ 4

5G ನೆಟ್​​ವರ್ಕ್​ನಲ್ಲಿ ಕಾರ್ಯ ನಿರ್ವಹಿಸುವ ಒನ್​​ಪ್ಲಸ್​ ನೋರ್ಡ್​​​ 4 ಸ್ಮಾರ್ಟ್​ಫೋನನ್ನು ಭಾರತದಲ್ಲಿ ಜುಲೈ 16 ರಂದು ಬಿಡುಗಡೆ ಮಾಡಲಾಯಿತು. ಬಿಡುಗಡೆಯ ಸಮಯದಲ್ಲಿ 8GB RAM + 128GB ಸ್ಟೋರೇಜ್ ರೂಪಾಂತರವನ್ನು 29,999 ರೂಗೆ ಮಾರಾಟ ಮಾಡಿತ್ತು. 8GB RAM + 256GB ಸಂಗ್ರಹಣೆಯನ್ನು 32,999 ರೂಪಾಯಿಗೆ ಮತ್ತು 12GB RAM + 256GB ಸಂಗ್ರಹಣೆಯನ್ನು 35,999 ರೂಪಾಯಿಗೆ ಮಾರಾಟ ಮಾಡುತ್ತಿದೆ.

ಇದನ್ನೂ ಓದಿ: Flipkart: ಐಫೋನ್​ 15 ಮೇಲೆ ಭರ್ಜರಿ ಆಫರ್​.. ಇದಕ್ಕಿಂತ ಕಡಿಮೆ ಬೆಲೆಗೆ ಸಿಗೋದೆ ಡೌಟ್​!

ಸದ್ಯ ಅಮೆಜಾನ್​​ ಗ್ರೇಟ್​​ ಇಂಡಿಯನ್​​ ಫೆಸ್ಟಿವಲ್​ನಲ್ಲಿ ಒನ್​​ಪ್ಲಸ್​ ನೋರ್ಡ್​​​ 4 ಸ್ಮಾರ್ಟ್​ಫೋನ್​ ಬೆಲೆ 25,748 ರೂಪಾಯಿಯಾಗಿದೆ. 8GB + 256GB ರೂಪಾಂತರವನ್ನು 27,748 ರೂಪಾಯಿಗೆ ಮಾರಾಟ ಮಾಡುತ್ತಿದೆ. 12GB ರೂಪಾಂತರವನ್ನು 31,748 ರೂಪಾಯಿಗೆ ಮಾರಾಟ ಮಾಡುತ್ತಿದೆ. ಇದರ ಜೊತೆಗೆ ಬ್ಯಾಂಕ್ ಕೊಡುಗೆಗಳನ್ನು ಒಳಗೊಂಡಿದೆ.

ರಿಯಲ್​ಮಿ GT 6T 5G

ರಿಯಲ್​ಮಿ GT 6T 5G ಅನ್ನು ಭಾರತದಲ್ಲಿ ಮೇ 22 ರಂದು ಬಿಡುಗಡೆ ಮಾಡಿತು. 8GB RAM ಮತ್ತು 128GB ಸಾಮರ್ಥ್ಯ ಮೂಲ ಮಾದರಿಯನ್ನು 30,999 ಸಾವಿರಕ್ಕೆ ಪರಿಚಯಿಸಿತು. 8GB+256GB ಮತ್ತು 12GB+256GB ಮೆಮೊರಿ ಮತ್ತು ಸ್ಟೋರೇಜ್ ರೂಪಾಂತರವನ್ನು 32,999 ಮತ್ತು 35,999 ರೂಪಾಯಿಗೆ ಪರಿಚಯಿಸಿತು.

ಇದನ್ನೂ ಓದಿ: Big Billion Days Sale: ಗ್ರಾಹಕರಿಗೆ ಬಂಪರ್ ಆಫರ್‌.. ಹೊಸ ಬೈಕ್, ಫೋನ್‌ಗಳ ಬೆಲೆ ಎಷ್ಟು?

ಸದ್ಯ ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್​​ನಲ್ಲಿ ಮೂಲ ರೂಪಾಂತರವನ್ನು 24,748 ರೂಪಾಯಿಗೆ ಮಾರಾಟ ಮಾಡುತ್ತಿದೆ. 8GB+256GB ರೂಪಾಂತರವನ್ನು 25,748 ರೂಪಾಯಿಗೆ ಮತ್ತು 12GB+256GB ರೂಪಾಂತರವನ್ನು 28,748 ರೂ.ಗೆ ಮಾರಾಟ ಮಾಡುತ್ತಿದೆ. ಜೊತೆಗೆ ಬ್ಯಾಂಕ್ ಕೊಡುಗೆಗಳನ್ನು ನೀಡುತ್ತಿದೆ.

ರೆಡ್​​ಮಿ ನೋಟ್​ 13 ಪ್ರೊ ಪ್ಲಸ್

ರೆಡ್​​ಮಿ ನೋಟ್​ 13 ಪ್ರೊ ಪ್ಲಸ್ ಈ ವರ್ಷ ಜನವರಿ 4 ರಂದು ಭಾರತದಲ್ಲಿ ಬಿಡುಗಡೆಗೊಂಡಿತು. ಬಿಡುಗಡೆಯ ಸಮಯದಲ್ಲಿ 8GB+256GB ಸ್ಟೋರೇಜ್ ಮಾದರಿಯನ್ನು 31,999 ರೂಗೆ ಪರಿಚಯಿಸಿತು. 12GB+256GB ಸಂಗ್ರಹಣ ಸಾಮರ್ಥ್ಯದ ಸ್ಮಾರ್ಟ್​ಫೋನನ್ನ 33,999 ರೂಪಾಯಿಗೆ ಪರಿಚಯಿಸಿತು. ಬಳಿಕ 12GB+512GB ರೂಪಾಂತರವನ್ನು 35,999ಗೆ ಪರಿಚಯಿಸಿತು.

ಆದರೀಗ ಅಮೆಜಾನ್​​ನಲ್ಲಿ ಮೂಲ ರೂಪಾಂತರವನ್ನು 24,999 ರೂಪಾಯಿಗೆ ಮಾರಾಟ ಮಾಡುತ್ತಿದೆ. 12GB+256GB ಸಾಮರ್ಥ್ಯವನ್ನು 26,999 ರೂಪಾಯಿಗೆ ಮತ್ತು 12GB+512GB ರೂಪಾಂತರವನ್ನು 28,999 ರೂಪಾಯಿಗೆ ಮಾರಾಟ ಮಾಡುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ