‘ಡಾನಾ’ ಅಬ್ಬರಕ್ಕೆ ಒಡಿಶಾ ತತ್ತರ.. 2 ಕಿಲೋಮೀಟರ್​​ ದೂರ ರೋಗಿಯನ್ನು ಹೊತ್ತು ಸಾಗಿದ ಸಿಬ್ಬಂದಿ

ಡಾನಾ ಚಂಡಮಾರುತ ಒಡಿಶಾದಲ್ಲಿ ಒಂದ್ಕಡೆ ಅಬ್ಬರಿಸ್ತಿದ್ರೆ, ಮತ್ತೊಂದೆಡೆ ಅದ್ರಿಂದಾಗಿ ಜನ ಹೊರಬರಲಾರದೇ ಒದ್ದಾಡ್ತಿದ್ದಾರೆ. ಒಡಿಶಾದ ಕೇಂದ್ರಾಪರ ಜಿಲ್ಲೆಯಲ್ಲಿ ಮಹಿಳೆಯೊಬ್ಬರು ಅನಾರೋಗ್ಯದಿಂದ ಬಳಲುತ್ತಿದ್ರು. ಆಕೆಯನ್ನ ಆಸ್ಪತ್ರೆಗೆ ಕರೆದೊಯ್ಯಲು ಆ್ಯಂಬುಲೆನ್ಸ್​ಗೆ ಕರೆ ಮಾಡಿದ್ರು.

ಚಂಡಮಾರುತದಿಂದಾಗಿ ಮರ ಬಿದ್ದಿದ್ರಿಂದ ಅವರ ಮನೆ ಬಳಿಗೆ ಆ್ಯಂಬುಲೆನ್ಸ್​ ಹೋಗುವ ರಸ್ತೆ ಬಂದ್​ ಆಗಿತ್ತು. ಕೆಸರು ಗದ್ದೆಯಾಗಿದ್ದ ರಸ್ತೆಯಲ್ಲಿ ಆಕೆಯನ್ನ ಸ್ಟ್ರೇಚರ್​ ಮೇಲೆ ಕರೆದುಕೊಂಡು ಬರೋದು ಕಷ್ಟವಾಗಿತ್ತು. ಈ ವೇಳೆ ಆ್ಯಂಬುಲೆನ್ಸ್​ ಸಿಬ್ಬಂದಿ ಮಾನಸ್​ ಕುಮಾರ್​ ಮಲ್ಲಿಕ್​ ಎಂಬಾತ ಮಹಿಳಾ ರೋಗಿಯನ್ನ ಆ್ಯಂಬುಲೆನ್ಸ್​ವರೆಗೂ ಹೊತ್ತುಕೊಂಡು ಬಂದಿದ್ದಾರೆ. ಆಕೆಯನ್ನ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿದ್ದು, ಸದ್ಯ ಚೇತರಿಸಿಕೊಳ್ತಿದ್ದಾರೆ.

[caption id="attachment_94024" align="alignnone" width="800"] ಮಾನಸ್​ ಕುಮಾರ್​ ಮಲ್ಲಿಕ್[/caption]

7 ಜನರ ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಿದ ಆಶಾ ಕಾರ್ಯಕರ್ತೆ​

ಮತ್ತೊಂದೆಡೆ ಕಾಷ್ಮುಂಡ ಹಳ್ಳಿಯಲ್ಲಿ ಸೈಕ್ಲೋನ್​ ಹೊಡೆತಕ್ಕೆ ಸಿಲುಕಿದ್ದ ಜನರನ್ನ ಆಶಾ ಕಾರ್ಯಕರ್ತೆಯೊಬ್ಬರು ರಕ್ಷಣೆ ಮಾಡಿದ್ದಾರೆ. 80 ವರ್ಷದ ವೃದ್ಧೆ ಸೇರಿದ್ದಂತೆ ಹಸುಕೂಸನ್ನ ಹೊತ್ಕೊಂಡು ಬಂದು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಿದ್ದಾರೆ. 80 ವರ್ಷದ ವೃದ್ಧೆಯನ್ನು ಸಿಬಾನಿ ಮಂಡಲ್​ ಬೆನ್ನ ಮೇಲೆ ಹೊತ್ತುಕೊಂಡು ಬಂದ ದೃಶ್ಯ ಹರಿದಾಡ್ತಿದ್ದು, ಆಶಾ ಕಾರ್ಯಕರ್ತೆಯ ಈ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತವಾಗ್ತಿದೆ.  ಆ್ಯಂಬುಲೆನ್ಸ್​ ಸಿಬ್ಬಂದಿ ಮಲ್ಲಿಕ್​ ಮತ್ತು ಆಶಾ ಕಾರ್ಯಕರ್ತೆ ಕೆಲಸವನ್ನ ಒಡಿಶಾ ಸಿಎಂ ಶ್ಲಾಘಿಸಿದ್ದು, ಪ್ರಧಾನಮಂತ್ರಿ ಅವಾಜ್​ ಯೋಜನೆಯಡಿ ಮನೆ ಕಟ್ಟಿಕೊಡೋದಾಗಿ ಒಡಿಶಾ ಸರ್ಕಾರ ಘೋಷಿಸಿದೆ.

ಇದನ್ನೂ ಓದಿ: ದೀಪಾವಳಿಗೆ ಊರಿಗೆ ಹೊರಟವರಿಗೆ ಆಘಾತ; ರೈಲು ಹತ್ತುವ ವೇಳೆ ಕಾಲ್ತುಳಿತ.. ಹಲವರಿಗೆ ಗಾಯ, ಇಬ್ಬರ ಸ್ಥಿತಿ ಚಿಂತಾಜನಕ

ಮತ್ತೊಂದೆಡೆ ಸೈಕ್ಲೋನ್​​ನಿಂದಾಗಿ ಒಡಿಶಾದ ಹಲವೆಡೆ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಚಂಡಮಾರುತದಿಂದಾಗಿ ಸುರಿಯುತ್ತಿರೋ ಭಾರೀ ಮಳೆ ಬಾಲಾಸೋರ್​ ಜಿಲ್ಲೆಯ ನಿಲಗಿರಿ ಜಿಲ್ಲೆಯಲ್ಲಿರೋ ಪ್ರಸಿದ್ಧವಾದ ಪಂಚಲಿಂಗೇಶ್ವರ ದೇವಸ್ಥಾನಕ್ಕೆ ಜಲದಿಗ್ಬಂಧನ ಹಾಕಿದೆ. ಹಲವೆಡೆ ಮರಳು ಧರೆಗುರುಳಿದ್ದು, ತೆರವು ಕಾರ್ಯಾಚರಣೆ ಭರದಿಂದ ಸಾಗ್ತಿದೆ. 14 ಜಿಲ್ಲೆಯಲ್ಲಿ 35 ಲಕ್ಷಕ್ಕೂ ಹೆಚ್ಚು ಜನರು ಡಾನಾ ಸೈಕ್ಲೋನ್​ ಮತ್ತು ಚಂಡಮಾರುತದ ಹೊಡೆತಕ್ಕೆ ಸಿಲುಕಿ ನಲುಗಿದ್ದಾರೆ. ಆದ್ರೆ, ಅದೃಶ್ಟವಶಾತ್​ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ರಾಜ್ಯದಲ್ಲಿ 6, 210 ರಿಲೀಫ್​ ಸೆಂಟರ್​ಗಳನ್ ತೆರೆಯಲಾಗಿದ್ದು, ಒಟ್ಟು 8 ಲಕ್ಷದ 10 ಸಾವಿರದ ಎಂಟುನೂರಾ ತೊಂಬತ್ತಾರು ಜನರನ್ನ ಕಾಳಜಿ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದೆ.

ಒಟ್ಟಿನಲ್ಲಿ, ಕಳೆದೆರಡು ದಿನಕ್ಕೆ ಹೋಲಿಸಿದ್ರೆ, ಇವತ್ತು ಚಂಡಮಾರುತದ ಅಬ್ಬರ ಅಷ್ಟಗಿಲ್ಲವಾದ್ರೂ, ಅದ್ರಿಂದಾಗಿರೋ ಅವಾಂತರಗಳ ಸರಿಪಡಿಸುವಿಕೆ ಕಾರ್ಯ ಭರದಿಂದ ಸಾಗ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ