ಆ್ಯಂಡ್ರಾಯ್ಡ್​​ ಸ್ಮಾರ್ಟ್​ಫೋನ್​ ಬಳಕೆದಾರರೇ ಎಚ್ಚರ

ನೆಕ್ರೋ ಟ್ರೋಜನ್​ ವೈರಸ್​ಗಳ ಹಾವಳಿಯಿಂದ ಚಿಂತೆ

ವಾಟ್ಸ್​ಆ್ಯಪ್​ ಮಾತ್ರವಲ್ಲ ಈ ಆ್ಯಪ್​ಗಳಲ್ಲಿಯೂ ಇದೆಯಾ?

ಆ್ಯಂಡ್ರಾಯ್ಡ್​​ ಸ್ಮಾರ್ಟ್​ಫೋನ್​ ಬಳಕೆದಾರರು ಗೂಗಲ್​ ಪ್ಲೇ ಸ್ಟೋರ್​ ಮೂಲಕ ಆ್ಯಪ್​ ಡೌನ್​ಲೋಡ್​ ಮಾಡುತ್ತಾರೆ. ತಮಗೆ ಬೇಕೆನಿಸಿದ ಮತ್ತು ವಿವಿಧ ಆ್ಯಪ್​ಗಳನ್ನು ಸ್ಮಾರ್ಟ್​ಫೋನ್​ಗೆ ಡೌನ್​ಲೋಡ್​ ಮಾಡುತ್ತಾರೆ. ಆದರೀಗ ಸ್ಮಾರ್ಟ್​ಫೋನ್​ ಬಳಕೆದಾರರಿಗೆ ಎಚ್ಚರಿಕೆಯೊಂದು ಬಂದಿದ್ದು. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿರುವ ಹಲವು ಅಪ್ಲಿಕೇಶನ್​ಗಳಲ್ಲಿ ನೆಕ್ರೊ ಟ್ರೋಜನ್​​ ವೈರಸ್​ ಇರುವುದು ಪತ್ತೆಯಾಗಿದೆ. ಇದು ಸ್ಮಾರ್ಟ್​ಫೋನನ್ನು ಹ್ಯಾಕ್​​​ ಮಾಡುವ ಸಂಭವವಿದ್ದು, ಕೂಡಲೇ ಕೆಲವು ಆ್ಯಪ್​ಗಳನ್ನು ಡಿಲೀಟ್​ ಮಾಡಿ ಎಂದು ಭದ್ರತಾ ಸಂಶೋಧಕರು ಹೇಳಿದ್ದಾರೆ.

ನೆಕ್ರೋ ಟ್ರೋಜನ್​ ವೈರಸ್​ಗಳು ಸ್ಮಾರ್ಟ್​ಫೋನ್​​ನಲ್ಲಿರುವ ಡೇಟಾ ಕದಿಯಲು ಮತ್ತು ಅದನ್ನು ಹ್ಯಾಕರ್​ಗಳಿಗೆ​ ರವಾನಿಸುವ ಸಾಧ್ಯತೆಗಳಿವೆ. ಡೇಟಾ ಕಳ್ಳತನದ ಜೊತೆಗೆ ಮಾಲ್​ವೇರ್​​ಗಳನ್ನು ರಹಸ್ಯವಾಗಿರಿಸುವ ಸಾಧ್ಯತೆಯು ಹೆಚ್ಚಿದೆ. ಸದ್ಯ ಗೂಗಲ್​ ಪ್ಲೇ ಸ್ಟೋರ್​ನಲ್ಲಿರುವ ಸ್ಫೋಟಿಫೈ (Spotify) ಮತ್ತು ವಾಟ್ಸ್​ಆ್ಯಪ್​ನಲ್ಲಿ (Whatsapp) ಈ ವೈರಸ್​ ಇರುವುದು ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: ಕಿವಿಯಲ್ಲಿದ್ದಾಗಲೇ ಇಯರ್​ ಬಡ್​​ ಸ್ಫೋಟ.. ಶ್ರವಣ ನಷ್ಟ ಅನುಭವಿಸುತ್ತಿರೋ ಯುವತಿ

ಮೈನ್​ಕ್ರಾಫ್ಟ್​​ನಂತರ ಗೇಮಿಂಗ್​ ಅಪ್ಲಿಕೇಶನ್​​ನಲ್ಲೂ ಟ್ರೋಜನ್​ ವೈರಸ್​​​ ಇರಬಹುದು ಎಂಬ ಆತಂಕವಿದೆ. ಸದ್ಯ ಈ ವೈರಸ್​ ಇರುವ ಅಪ್ಲಿಕೇಶನನ್ನು ಅನ್​ಇನ್​ಸ್ಟಾಲ್​ ಮಾಡಲು ಹೇಳುತ್ತಿದೆ.

ನೆಕ್ರೋ ಟ್ರೋಜನ್​​ ವೈರಸ್​​ 2019ರಲ್ಲಿ ಕಾಣಿಸಿಕೊಂಡಿತು. ಕ್ಯಾಮ್​ ಸ್ಕ್ಯಾನರ್​ ಎಂಬ ಪಿಡಿಎಫ್​​ ರಚನೆಯ ಅಪ್ಲಿಕೇಶನ್​ನಲ್ಲಿ ಇದು ಪತ್ತೆಯಾಯ್ತು. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ 100 ಮಿಲಿಯನ್​ ಡೌನ್​ಲೋಡ್​​ಹೊಂದಿತ್ತು. ಇದನ್ನು ಗಮನಿಸಿ ಭದ್ರತಾ ಸಮಸ್ಯೆಯನ್ನು ಸರಿಪಡಿಲಾಯಿತಾದರು ಮತ್ತೆರಡು ಅಪ್ಲಿಕೇಶನ್​ನ್​ಗೆ ಇದು ರವಾನೆಯಾಗಿತ್ತು. ಬಳಿಕ ರವಾನೆಯಾಗಿದ್ದ Wuta Camera ಮತ್ತು Max Browser ಈವೆರಡು ಆ್ಯಪ್​ ಅನ್ನು ಪ್ಲೇ ಸ್ಟೋರ್​ನಿಂದ ಕಿತ್ತೆಸೆಯಿತು.

ಇದನ್ನೂ ಓದಿ: ಆಭರಣ ಪ್ರಿಯರಿಗೆ ಶಾಕ್​! ಚಿನ್ನದ ಬೆಲೆಯಲ್ಲಿ 0.20ರಷ್ಟು ಏರಿಕೆ

ಸದ್ಯ ಮತ್ತೆ ನೆಕ್ರೋ ಟ್ರೋಜನ್​​ ವೈರಸ್​​ ಕಾಣಿಸಿಕೊಂಡಿದೆ. Spotify, WhatsApp, Minecraft, Stumble Guys, Car Parking Multiplayer, ಮತ್ತು Melon Sandbox ಸೇರಿದಂತೆ ವಿವಿಧ ಅಪ್ಲಿಕೇಶನ್‌ಗಳ ನೆಕ್ರೋ ಟ್ರೋಜನ್ ವೈರಸ್ ಅನ್ನು ಗುರುತಿಸಲಾಗಿದೆ. ಈ ಬಗ್ಗೆ ಎಚ್ಚರಿಕೆಯಿಂದಿರಿ ಎಂದು ಭದ್ರತಾ ಸಂಶೋಧಕರು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ