13 ಬಾಲ್​ನಲ್ಲಿ 5 ಸಿಕ್ಸರ್​! ಪಂದ್ಯ ಸೋತರೂ SRH ಹುಡುಗನ ಬೊಂಬಾಟ್ ಬ್ಯಾಟಿಂಗ್..!

ಹೋಮ್​​ಗ್ರೌಂಡ್​ ಹೈದ್ರಾಬಾದ್​ನಲ್ಲಿ ಸನ್​ರೈಸರ್ಸ್​ ತಂಡದ ಲೆಕ್ಕಾಚಾರ ತಪ್ಪಾಯ್ತು. ತಂತ್ರಕ್ಕೆ ಪ್ರತಿತಂತ್ರ ಹೆಣೆದ ಲಕ್ನೋ ಪಡೆ ತವರಿನಂಗಳದಲ್ಲೇ ಹೈದ್ರಾಬಾದ್​ಗೆ ಸೋಲಿನ ಶಾಕ್​ ನೀಡಿತು. ನಿಕೊಲಸ್​ ಪೂರನ್​ ಆರ್ಭಟದ ಮುಂದೆ ಪ್ಯಾಟ್​ ಕಮಿನ್ಸ್​ ಪಡೆಯ ಗೆಲುವಿನ ಕನಸು ಕೊಚ್ಚಿ ಹೋಯಿತು.

ಹೋಮ್​ಗ್ರೌಂಡ್​ನಲ್ಲಿ ಟಾಸ್​ ಸೋತರೂ ಮೊದಲು ಬ್ಯಾಟಿಂಗ್​ ಮಾಡೋ ಅವಕಾಶ ಪಡೆದುಕೊಂಡ ಸನ್​ರೈಸರ್ಸ್​​ ಹೈದ್ರಾಬಾದ್​​ ಬಿಗ್​ ಟಾರ್ಗೆಟ್​ ಸೆಟ್​ ಮಾಡೋ ಲೆಕ್ಕಾಚಾರದಲ್ಲೇ ಕಣಕ್ಕಿಳಿಯಿತು. ಆರಂಭದಲ್ಲೇ ಆಘಾತ ಎದುರಾಯ್ತು. ಅಭಿಶೇಕ್​ ಶರ್ಮಾ, ಇಶಾನ್​ ಕಿಶನ್​ ಆಟಕ್ಕೆ ಫುಲ್​ ಸ್ಟಾಫ್​ ಇಟ್ಟ ಶಾರ್ದೂಲ್​ ಠಾಕೂರ್​ ಲಕ್ನೋಗೆ ಆರಂಭಿಕ ಮೇಲುಗೈ ತಂದುಕೊಟ್ರು.

ಇದನ್ನೂ ಓದಿ: ಸಿಎಸ್​​ಕೆ ತಂಡದ ಈ ಬ್ರಹ್ಮಾಸ್ತ್ರ ಎದುರಿಸೋದೇ RCBಗೆ ಇವತ್ತು ದೊಡ್ಡ ಚಾಲೆಂಜ್..!

ವಿಕೆಟ್​ ಉರುಳಿದ್ರೂ ಎಸ್ಆರ್​​ಹೆಚ್​ನ ಇಟೆಂಟ್​ ಬದಲಾಗಲಿಲ್ಲ. ಟ್ರಾವಿಸ್​ ಹೆಡ್​ ತನ್ನ ಅಗ್ರೆಸ್ಸಿವ್​ ಆಟವನ್ನೇ ಮುಂದುವರೆಸಿದ್ರು. 5 ಬೌಂಡರಿ, 3 ಸಿಕ್ಸರ್​ ಚಚ್ಚಿದ ಹೆಡ್​ 28 ಎಸೆತಗಳಲ್ಲಿ 47 ರನ್​ಗಳಿಸಿದ್ರು. ಹೆಡ್​ ಔಟಾದ ಬಳಿಕ ಕಣಕ್ಕಿಳಿದ ಹೆನ್ರಿಚ್​ ಕ್ಲಾಸೆನ್​ 26 ರನ್​ಗಳಿಸಿದ್ರು. ಆಲ್​​ರೌಂಡರ್​​ ನಿತೀಶ್​ ರೆಡ್ಡಿ ಡಿಸೆಂಟ್​ ಆಟವಾಡಿ 32 ರನ್​ಗಳ ಕಾಣಿಕೆ ನೀಡಿದ್ರು. 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಯುವ ಆಟಗಾರ ಅನಿಕೇತ್​​ ವರ್ಮಾ 13 ಬಾಲ್​ನಲ್ಲಿ ಬರೋಬ್ಬರಿ 5 ಸಿಕ್ಸರ್​ ಸಿಡಿಸಿ ಫ್ಯಾನ್ಸ್​ನ ರಂಜಿಸಿದ್ರು. 276ರ ಸ್ಟ್ರೈಕ್​ರೇಟ್​ನಲ್ಲಿ ಘರ್ಜಿಸಿದ ಅನಿಕೇತ್​​​ 36 ರನ್​​ ಚಚ್ಚಿದ್ರು. ಆ ಮೂಲಕ ಅನಿಕೇತ್ ವರ್ಮಾ, ಎಲ್ಲರ ಗಮನ ಸೆಳೆದರು.

ಅಭಿನವ್​​ ಮನೋಹರ್​ ನಿರಾಸೆ ಮೂಡಿಸಿದ್ರೆ ಕ್ಯಾಪ್ಟನ್​ ಪ್ಯಾಟ್​ ಕಮಿನ್ಸ್​​ 4 ಎಸೆತಗಳಲ್ಲೇ 18 ಚಚ್ಚಿದ್ರು. ಹರ್ಷಲ್​ ಪಟೇಲ್​​ ಅಜೇಯ 12 ರನ್​ಗಳಿಸಿದ್ರು. ಅಂತಿಮವಾಗಿ 20 ಓವರ್​​ಗಳ ಅಂತ್ಯಕ್ಕೆ 9 ವಿಕೆಟ್​ ಕಳೆದುಕೊಂಡ ಹೈದ್ರಾಬಾದ್​ 190 ರನ್​ಗಳಿಸಿತು.

ಇದನ್ನೂ ಓದಿ: ತವರಿನಲ್ಲಿ ಹೈದ್ರಾಬಾದ್​ಗೆ ಭಾರೀ ಮುಖಭಂಗ.. ರಿಷಭ್ ಪಂತ್ ಮುಂದೆ ತಲೆ ಬಾಗಿದ ಕಮಿನ್ಸ್​

191 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ ಲಕ್ನೋಗೆ ಗುಡ್​ ಸ್ಟಾರ್ಟ್​ ಸಿಗಲಿಲ್ಲ. ಎಡೆನ್​​ ಮರ್ಕ್ರಮ್ 1 ರನ್​ಗಳಿಸಿ ನಿರ್ಗಮಿಸಿದ್ರು. 2ನೇ ವಿಕೆಟ್​ಗೆ ಜೊತೆಯಾದ ಮಿಚೆಲ್​ ಮಾರ್ಷ್​, ನಿಕೋಲಸ್​​ ಪೂರನ್​​ ಹೈದ್ರಾಬಾದ್​ ಅಂಗಳದಲ್ಲಿ ರನ್​ ಹೊಳೆ ಹರಿಸಿದ್ರು. ಅಬ್ಬರಿಸಿ ಬೊಬ್ಬಿರಿದ ಪೂರನ್​​​ ಬೌಂಡರಿ-ಸಿಕ್ಸರ್​ಗಳ ಸುರಿಮಳೆ ಸುರಿಸಿದ್ರು. ಬರೋಬ್ಬರಿ 269ರ ಸ್ಟ್ರೈಕ್​ರೇಟ್​ನಲ್ಲಿ ಘರ್ಜಿಸಿದ ನಿಕೋಲಸ್​ ಪೂರನ್​​ 6 ಬೌಂಡರಿ, 6 ಸಿಕ್ಸರ್​​ ಚಚ್ಚಿದ್ರು. ಹಾಫ್​​ ಸೆಂಚುರಿ ಸಿಡಿಸಿ ಆರ್ಭಟಿಸಿದ ಪೂರನ್​​ ಜಸ್ಟ್​ 26 ಎಸೆತಗಳಲ್ಲಿ 70 ರನ್​ ಕಲೆ ಹಾಕಿದ್ರು.

ಮೊದಲ ಪಂದ್ಯದಲ್ಲಿ ಮಿಂಚಿದ್ದ ಮಿಚೆಲ್​ ಮಾರ್ಷ್​​ ಹೈದ್ರಾಬಾದ್​ ಎದುರೂ ಸಾಲಿಡ್​ ಆಟವಾಡಿದ್ರು. 7 ಬೌಂಡರಿ, 2 ಸಿಕ್ಸರ್​ ಸಿಡಿಸಿ ಮಿಂಚಿದ ಮಾರ್ಷ್​​ 31 ಎಸೆತಗಳಲ್ಲಿ 52 ರನ್​ಗಳಿಸಿದ್ರು. ರಿಷಭ್​ ಪಂತ್​ ಆಟ 15 ರನ್​ಗಳಿಗೆ ಅಂತ್ಯವಾದ್ರೆ, ಆಯುಷ್​ ಬದೋನಿ ಬ್ಯಾಟ್​ ಸೌಂಡ್​ ಮಾಡಲಿಲ್ಲ. ವಿಕೆಟ್​ ಉರುಳಿದ್ರೂ 6ನೇ ವಿಕೆಟ್​ಗೆ ಜೊತೆಯಾದ ಡೇವಿಡ್​​ ಮಿಲ್ಲರ್​​, ಅಬ್ಧುಲ್​ ಸಮದ್​ ಅಂತಿಮ ಹಂತದಲ್ಲಿ ನಿರಾಯಾಸವಾಗಿ ಬ್ಯಾಟಿಂಗ್​ ನಡೆಸಿ ಲಕ್ನೋ ಪಡೆಯನ್ನ ಗೆಲುವಿನ ದಡ ಸೇರಿಸಿದ್ರು. 5 ವಿಕೆಟ್​ಗಳ ಗೆಲುವಿನೊಂದಿಗೆ ಲಕ್ನೋ ಟೂರ್ನಿಯ ಮೊದಲ ಗೆಲುವು ದಾಖಲಿಸಿತು.

ಇದನ್ನೂ ಓದಿ: ಕ್ಯಾಪ್ಟನ್ ರೋಹಿತ್ ಔಟ್.. ವಿರಾಟ್ ಕೊಹ್ಲಿ ಇನ್; ಟೀಮ್ ಇಂಡಿಯಾದಲ್ಲಿ ಬದಲಾವಣೆ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್