ಹೊಸ ಸ್ಟಾರ್ ಉದಯ..13 ಬಾಲ್​​ನಲ್ಲಿ 34 ರನ್ ಚಚ್ಚಿದ ಅನಿಕೇತ್ ವರ್ಮಾ ಯಾರು?

ಸನ್‌ರೈಸರ್ಸ್ ಹೈದರಾಬಾದ್ ಟೀಮ್​ನಲ್ಲಿ ಕೇವಲ ಪವರ್ ಹಿಟ್ಟರ್​ಗಳ ಸಾಲೇ ಇದೆ. ಕ್ರೀಸ್​ಗೆ ಬರುವ ಯಾರೊಬ್ಬ ಬ್ಯಾಟ್ಸ್​ಮನ್​ ಕೂಡ ನಿಧಾನವಾದ ಬ್ಯಾಟಿಂಗ್ ಗೊತ್ತೇ ಇಲ್ಲ. ಬಂದವರೇ ಬೌಲರ್​ಗಳನ್ನು ಎದುರಿಸಲು ಮುಂದಾಗುತ್ತಾರೆ. ಇದರಂತೆ ಲಕ್ನೋ ವಿರುದ್ಧದ ಪಂದ್ಯದಲ್ಲಿ ಎಲ್ಲ ಬ್ಯಾಟಿಂಗ್ ಮುಗಿಯಿತು ಎನ್ನುವಷ್ಟರಲ್ಲೇ 6ನೇ ಸ್ಲಾಟ್​ನಲ್ಲಿ ಕಣಕ್ಕಿಳಿದ ಯಂಗ್ ಪ್ಲೇಯರ್ ಅನಿಕೇತ್ ವರ್ಮಾ, 5 ಬಿಗ್ ಸಿಕ್ಸರ್​ ಸಿಡಿಸಿದ್ದು ಎಲ್ಲರಿಗೂ ಆಶ್ಚರ್ಯ ತಂದಿದೆ. ಇಷ್ಟಕ್ಕೂ ಯಾರು ಈ ಅನಿಕೇತ್ ವರ್ಮಾ?.

ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಟ್ರಾವಿಸ್ ಹೆಡ್, ಇಶನ್ ಕಿಶನ್, ಅಭಿಷೇಕ್ ಔಟಾದ ನಂತರ ಮತ್ಯಾರು ಹೊಡಿಬಡಿ ಬ್ಯಾಟ್ಸ್​ಮನ್ ಇಲ್ಲ ಎನ್ನಲಾಗಿತ್ತು. ಆದರೆ ಕ್ರೀಸ್​ಗೆ ಬಂದ ಆಲ್‌ರೌಂಡರ್ ಅನಿಕೇತ್ ವರ್ಮಾ, ಕೇವಲ 13 ಎಸೆತಗಳಲ್ಲಿ 5 ಸಿಕ್ಸರ್‌ ಸಮೇತ 36 ರನ್ ಸಿಡಿಸಿದರು. ಇವರ ಬ್ಯಾಟ್​ನಿಂದ ಬಂದ ರನ್​ಗಳ ಬಗ್ಗೆ ಇವರು ಯಾರು ಎನ್ನುವ ಕುತೂಹಲ ಅಲ್ಲರಲ್ಲೂ ಮೂಡಿದೆ.

ಅನಿಕೇತ್ ವರ್ಮಾ 22 ವರ್ಷದ ಯಂಗ್ ಪ್ಲೇಯರ್​. ಉತ್ತರ ಪ್ರದೇಶದ ಝಾನ್ಸಿಯವರು. ಇವರು ಐಪಿಎಲ್‌ಗೆ ಪದಾರ್ಪಣೆ ಮಾಡುವ ಮೊದಲು ಮಧ್ಯಪ್ರದೇಶದ ಸೈಯದ್ ಮುಷ್ತಾಕ್ ಟ್ರೋಫಿಯಲ್ಲಿ ಕೇವಲ ಒಂದೇ 1 ಪ್ರಥಮ ದರ್ಜೆ ಟಿ20 ಪಂದ್ಯವನ್ನು ಆಡಿದ್ದರು. ಆದರೆ 23 ವರ್ಷದೊಳಗಿನ ಆಟಗಾರರಲ್ಲಿ ಇವರೇ ರನ್ ಮೆಷಿನ್ ಆಗಿದ್ದರು.

ಇದನ್ನೂ ಓದಿ: ಕೈ ಕೊಟ್ಟ ಕೊಹ್ಲಿ; ಯುವ ಬ್ಯಾಟರ್​ಗಳ ಆರ್ಭಟ.. ಚೆನ್ನೈಗೆ RCB ಬಿಗ್​ ಟಾರ್ಗೆಟ್​

ಬಲಗೈ ಬ್ಯಾಟ್ಸ್‌ಮನ್ ಆಗಿರುವ ಅನಿಕೇತ್ ವರ್ಮಾ, ಬಲಗೈ ಮಧ್ಯಮ ವೇಗದ ಬೌಲಿಂಗ್ ಕೂಡ ಮಾಡಬಲ್ಲರು. ತಂಡದಲ್ಲಿ ಆಲರೌಂಡರ್​ ಪ್ರದರ್ಶನ ನೀಡುವ ಆಟಗಾರ. ಮೊದಲು ಕರ್ನಾಟಕದ ವಿರುದ್ಧ ನಡೆದ ಪಂದ್ಯದಲ್ಲಿ ಮಧ್ಯಪ್ರದೇಶದ ಪರವಾಗಿ ಆಡಿ ಪ್ರಾಮುಖ್ಯತೆ ಪಡೆದರು. ಇದಾದ ಮೇಲೆ ಚೆನ್ನೈನಲ್ಲಿ ನಡೆದ ಬುಚಿ ಬಾಬು ಪಂದ್ಯಾವಳಿಯಲ್ಲಿ ಶತಕ ಸಿಡಿಸುವ ಮೂಲಕ ಕ್ರಿಕೆಟ್​ ಲೋಕದಲ್ಲಿ ಪರಿಚಿತರಾದರು.

ಮಧ್ಯಪ್ರದೇಶ ಪ್ರೀಮಿಯರ್ ಲೀಗ್‌ನಲ್ಲಿ ಅನಿಕೇತ್ ವರ್ಮಾ ಸತತವಾಗಿ 200ಕ್ಕೂ ಹೆಚ್ಚು ಸ್ಟ್ರೈಕ್​ ರೇಟ್ ಹೊಂದಿದ್ದಾರೆ. ಈ ಲೀಗ್​ನಲ್ಲಿ ಅತ್ಯಂತ ವೇಗದ ಅರ್ಧಶತಕ ಹಾಗೂ ಶತಕ ಸಿಡಿಸಿದ ಬ್ಯಾಟರ್ ಎನ್ನುವ ಖ್ಯಾತಿ ಇವರಿಗಿದೆ. ಕೇವಲ 32 ಬಾಲ್​ಗಳಲ್ಲಿ ಶತಕ ಬಾರಿಸಿದ್ದಾರೆ. 5 ಇನ್ನಿಂಗ್ಸ್​ನಲ್ಲಿ 244 ರನ್​ಗಳನ್ನು ಕಲೆ ಹಾಕಿದ್ದರು. ಭೋಪಾಲ್ ಲೆಪರ್ಡ್ಸ್ ಪರ ಆಡುವಾಗ 41 ಎಸೆತಗಳಲ್ಲಿ 13 ಸಿಕ್ಸರ್‌ ಬಾರಿಸಿ 123 ರನ್ ಗಳಿಸಿರುವುದು ಇವರ ಶ್ರೇಷ್ಠ ಸಾಧನೆ ಆಗಿದೆ. ಹೈದ್ರಾಬಾದ್ ಫ್ರಾಂಚೈಸಿಯು ಈ ಬಾರಿಯ ಮೆಗಾ ಆಕ್ಷನ್​ನಲ್ಲಿ ಅನಿಕೇತ್ ವರ್ಮಾ ಅವರನ್ನು ಕೇವಲ 30 ಲಕ್ಷ ರೂಪಾಯಿಗೆ ಖರೀದಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ