IPL 2025: ಆರ್​ಸಿಬಿ ತಂಡಕ್ಕೆ ಮತ್ತೋರ್ವ ಕನ್ನಡಿಗ ಎಂಟ್ರಿ; ಯಾರು ಈ ಬಿಗ್​ ಹಿಟ್ಟರ್​​?

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಇನ್ನೇನು 6 ತಿಂಗಳು ಮಾತ್ರ ಬಾಕಿ ಇದೆ​. ಈಗಾಗಲೇ ಸ್ಟಾರ್​ ಆಟಗಾರರಿಗೆ ಗಾಳ ಹಾಕಲು ಎಲ್ಲಾ ಐಪಿಎಲ್​ ಫ್ರಾಂಚೈಸಿಗಳು ಸಿದ್ಧತೆ ಆರಂಭಿಸಿವೆ. ಖುಷಿಯ ವಿಚಾರ ಏನಪ್ಪಾ ಅಂದ್ರೆ ಮುಂಬರೋ ಹರಾಜಿನಲ್ಲಿ ಕನ್ನಡಿಗರೇ ಹಾಟ್ ಪಿಕ್​​ ಆಗಲಿದ್ದಾರೆ. ಅದಕ್ಕೆ ಕಾರಣ ಮಹಾರಾಜ ಟಿ20 ಟೂರ್ನಿ.

ಮಹಾರಾಜ ಟ್ರೋಫಿ ಅಂತ್ಯ ಕಂಡಿದೆ. ಮೈಸೂರು ವಾರಿಯರ್ಸ್ ಹೊಸ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಇದೇ ಟೂರ್ನಿಯಲ್ಲಿ ಕೆಲ ಆಟಗಾರರು ಮಾತ್ರ, ಐಪಿಎಲ್​ ಫ್ರಾಂಚೈಸಿಗಳ ಮನ ಗೆದ್ದಿದ್ದಾರೆ. ಟೂರ್ನಿಯುದ್ದಕ್ಕೂ ಇಂಪ್ರೆಸ್ಸಿವ್ ಪರ್ಫಾಮೆನ್ಸ್​ ನೀಡಿರುವ ಇವರು, ವರ್ಷಾಂತ್ಯದಲ್ಲಿ ಮೆಗಾ ಹರಾಜಿನಲ್ಲಿ ಕೋಟಿ ಕೋಟಿ ಬಾಚಿಕೊಳ್ಳುವ ನಿರೀಕ್ಷೆಯಲ್ಲಿದ್ದಾರೆ.

ಮಹಾರಾಜದಲ್ಲಿ ನಿಜಕ್ಕೂ ಅಭಿನವ್ ಮನೋಹರ್​ನ ಮನಮೋಹಕ ಆಟ ಕಣ್ಣಿಗೆ ಹಬ್ಬವೇ ಆಗಿತ್ತು. ಸಿಕ್ಸರ್​ಗಳ ಬೋರ್ಗರೆತದಿಂದ ಸದ್ದು ಮಾಡಿದ ಮನೋಹರ್, ತಾನೆಂತ ಬಿಗ್ ಹಿಟ್ಟರ್ ಅನ್ನೋದನ್ನ ತೋರಿಸಿಕೊಟ್ಟಿದ್ದಾರೆ.

ಬಿಗ್​ ಹಿಟ್ಟರ್​ ಮನೋಹರ್​​!

10 ಪಂದ್ಯಗಳನ್ನಾಡಿದ ಮನೋಹರ್​, 507 ರನ್ ಸಿಡಿಸಿದ್ದಾರೆ. 6 ಅರ್ಧಶತಕ ಬಾರಿಸಿರುವ ಅಭಿನವ್, 196.51ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಈತನ ಸ್ಫೋಟಕ ಬ್ಯಾಟಿಂಗ್​ನಿಂದಲೇ ಫ್ರಾಂಚೈಸಿಗಳ ದಿಲ್ ಗೆದ್ದಿರುವ ಮನೋಹರ್​​ಗೆ, ಗುಜರಾತ್ ಟೈಟನ್ಸ್​​​ ತಂಡದಲ್ಲೇ ಉಳಿಸಿಕೊಂಡರು ಅಚ್ಚರಿ ಇಲ್ಲ. ಅಕಸ್ಮಾತ್​ ಕೈಬಿಟ್ಟರೆ ಕೋಟಿ ಕೋಟಿ ಜೇಬಿಗಿಳಿಸಿಕೊಳ್ಳೋದು ಪಕ್ಕಾ. ಅದರಲ್ಲೂ ಆರ್​​​ಸಿಬಿ ಈತನ ಮೇಲೆ ಹದ್ದಿನ ಕಣ್ಣಿಟ್ಟಿದ್ದು, ಟ್ರೇಡ್​ ಮೂಲಕ ಅಥವಾ ಮೆಗಾ ಹರಾಜಿನಲ್ಲೇ ಖರೀದಿ ಮಾಡಬಹುದು.

ಇದನ್ನೂ ಓದಿ:KL ರಾಹುಲ್​​​ ಅಲ್ಲ; ಈ ಕನ್ನಡಿಗನಿಗೆ ಆರ್​​​ಸಿಬಿಯಿಂದ ಬಿಗ್​ ಆಫರ್​​​; ಸ್ಟಾರ್​ ಕ್ರಿಕೆಟರ್​​ಗೆ ಅದೃಷ್ಟ!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್