IPLನಲ್ಲಿ ಮತ್ತೊಂದು ಹೈಟೆನ್ಷನ್ ಪಂದ್ಯ.. ಲಾಸ್ಟ್ ಓವರ್‌ನಲ್ಲಿ RR ವಿರುದ್ಧ ಕೋಲ್ಕತ್ತಾಗೆ ರೋಚಕ ಜಯ

ಐಪಿಎಲ್‌ ಸೀಸನ್ 18ರ ಮತ್ತೊಂದು ರೋಚಕ ಪಂದ್ಯಕ್ಕೆ ಕೋಲ್ಕತ್ತಾ ಈಡನ್ ಗಾರ್ಡನ್ ಸ್ಟೇಡಿಯಂ ಸಾಕ್ಷಿಯಾಗಿದೆ. ಕೊನೇ ಓವರ್‌ನ ಕೊನೆಯ ಬಾಲ್‌ನಲ್ಲಿ ಕೋಲ್ಕತ್ತಾ 1 ರನ್‌ನಿಂದ ಗೆಲುವು ಸಾಧಿಸಿದೆ. ರೋಚಕ ಹಣಾಹಣಿಯಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ರಾಜಸ್ಥಾನ ರಾಯಲ್ಸ್ ವಿರೋಚಿತ ಸೋಲು ಅನುಭವಿಸಿದೆ.

ಲಾಸ್ಟ್‌ ಓವರ್ ಮ್ಯಾಜಿಕ್‌ನಲ್ಲಿ ರಾಜಸ್ಥಾನ ರಾಯಲ್ಸ್‌ಗೆ ಅದೃಷ್ಟ ಕೈ ಕೊಟ್ಟಿದೆ. ಕೋಲ್ಕತ್ತಾ ತಂಡದ 207 ರನ್‌ಗಳ ಟಾರ್ಗೆಟ್ ಬೆನ್ನತ್ತಿದ ರಾಜಸ್ಥಾನ ಮತ್ತೊಮ್ಮೆ ಬ್ಯಾಟಿಂಗ್‌ನಲ್ಲಿ ವಿಫಲವಾಗಿದೆ. ಯಶಸ್ವಿ ಜೈಸ್ವಾಲ್ 34 ರನ್‌ಗೆ ಔಟಾದ್ರೆ, ಶತಕದ ಬಾಲಕ ವೈಭವ್ ಸೂರ್ಯವಂಶಿ ಕೇವಲ 4 ರನ್‌ಗೆ ತನ್ನ ವಿಕೆಟ್ ಒಪ್ಪಿಸಿದರು.

3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ RR ತಂಡಕ್ಕೆ ಮತ್ತೊಂದು ಆಘಾತ ಎದುರಾಯ್ತು. ನಂತರ ಕ್ರೀಸ್‌ಗೆ ಬಂದ ಮೂವರು ಆಟಗಾರರು ಶೂನ್ಯಕ್ಕೆ ಔಟಾದರು. ಕೊನೆಗೆ RR ನಾಯಕ ರಿಯಾನ್ ಪರಾಗ್ ಅವರು ಏಕಾಂಗಿಯಾಗಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. 8 ಸಿಕ್ಸರ್, 6 ಬೌಂಡರಿ ಸಿಡಿಸಿದ ರಿಯಾನ್ ಪರಾಗ್ ಅವರು 95 ರನ್‌ಗಳಿಗೆ ತನ್ನ ವಿಕೆಟ್ ಒಪ್ಪಿಸಿದರು.

ಇದನ್ನೂ ಓದಿ: 6, 6, 6, 6, 6, 6.. ಕೋಲ್ಕತ್ತಾದಲ್ಲಿ ಆಂಡ್ರೆ ರಸೆಲ್ ಸಿಕ್ಸರ್‌ ಸುರಿಮಳೆ; ರಾಜಸ್ಥಾನಕ್ಕೆ ಬಿಗ್ ಶಾಕ್‌! 

ಕೊನೆಯ ಓವರ್‌ನಲ್ಲಿ ಶುಭಂ ದುಬೆ ಅವರು 2 ಸಿಕ್ಸ್ ಬಾರಿಸಿ RR ತಂಡಕ್ಕೆ ಭರವಸೆ ಮೂಡಿಸಿದರು. ಆದರೆ ಕೊನೆಯ 1 ಎಸೆತಕ್ಕೆ 3 ರನ್ ಬೇಕಾದಾಗ ರಾಜಸ್ಥಾನ ರಾಯಲ್ಸ್‌ ತಂಡ 1 ರನ್ ಅಂತರದಲ್ಲಿ ಸೋಲು ಕಂಡಿದೆ. ಪ್ಲೇ ಆಫ್‌ಗೆ ಹೋಗೋ ಉತ್ಸಾಹದಲ್ಲಿರುವ ಕೋಲ್ಕತ್ತಾ ನೈಟ್ ರೈಡರ್ಸ್‌ಗೆ ಈ ಗೆಲುವು ಬಹಳ ಮುಖ್ಯವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ