Aero India Showನಲ್ಲಿ ದೈತ್ಯ ಅಮೆರಿಕಾದ F​35S​, ರಷ್ಯಾ SU57; ಏನಿದರ ವಿಶೇಷ? ಭಾರತಕ್ಕೆ ನೀಡಿದ ಆಫರ್​ ಏನು?

ಬೆಂಗಳೂರಿನಲ್ಲಿ ನಡೆಯುತ್ತಿರುವ ಏರೋ ಇಂಡಿಯ ಶೋನಲ್ಲಿ ಅಮೆರಿಕಾದ ಎರಡು F35 ಸ್ಟೀಲ್ತ್​ ಫೈಟರ್​ ಜೆಟ್​​ಗಳು ಲ್ಯಾಂಡ್ ಆಗಿವೆ. ಅದರ ಜೊತೆಗೆ ಶನಿವಾರ ಮೊದಲ ಬಾರಿಗೆ ರಷ್ಯಾದ 5ನೇ ಜನರೇಷನ್​ನಲ್ಲಿ ಫೈಟರ್​ ಎಸ್​-57ಕೂಡ ಹಾರಾಟ ನಡೆಸಿದೆ. ಶನಿವಾರದಂದು ಎರಡು ಎಫ್​-35 ಎಸ್​ ಬೆಂಗಳೂರಿನ ಆಗಸದಲ್ಲಿ ಹಾರಾಟ ನಡೆಸಿವೆ. ಅದರ ಜೊತೆಗೆ ಯುಎಸ್​ನ 32 ಎಫ್​16 ಕೂಡ ಏರೋ ಇಂಡಿಯಾದ ವಿಮಾನ ಪ್ರದರ್ಶನಗಳಲ್ಲಿ ಕಾಣಿಸಿಕೊಂಡಿವೆ.

ಪ್ರಮುಖವಾಗಿ ರಷ್ಯಾದ ಎಸ್​ಯು-57 ಮತ್ತು ಯುಎಸ್​ನ ಎಫ್​-35 ಈ ಐದು ದಿನಗಳಲ್ಲಿ ವೈಮಾನಿಕ ಪ್ರದರ್ಶನಕ್ಕಾಗಿ ತರಲಾಗಿದೆ. ಆದರೆ ಅಮೆರಿಕಾದ ಫೈಟರ್ ಜೆಟ್​ಗಳನ್ನು ಕೇವಲ ಜನರು ನೋಡಲು ಮಾತ್ರ ಪ್ರದರ್ಶನಕ್ಕೆ ಇಡಲಾಗಿದೆ ಎಂದು ಹೇಳಲಾಗಿದೆ.

ಮೂಲಗಳು ಹೇಳುವ ಪ್ರಕಾರ ಅಮೆರಿಕಾದಲ್ಲಿಈ ಫೈಟರ್​ ಜೆಟ್​ಗಳನ್ನು ವೈಮಾನಿಕ ಪ್ರದರ್ಶನ ನಡೆಸಲು ನುರಿತ ಪೈಲೆಟ್​ಗಳಿಲ್ಲ ಎಂದು ತಿಳಿದು ಬಂದಿದೆ. ಹೀಗಾಗಿ ಅವುಗಳನ್ನು ಕೇವಲ ಪ್ರದರ್ಶನಕ್ಕೆ ಮಾತ್ರ ಇಡಲಾಗುವುದು ಎಂದು ಹೇಳಲಾಗಿದೆ. ಇತ್ತ ಎಸ್​ಯು-57 ಈ ವಾರವೇ ಬೆಂಗಳೂರಿಗೆ ಬಂದು ಲ್ಯಾಂಡ್ ಆಗಿದ್ದು. ಮೊದಲ ಬಾರಿ ಬೆಂಗಳೂರಿನಲ್ಲಿ ವೈಮಾನಿಕ ಪ್ರದರ್ಶನ ತೋರಲಿದೆ ಎಂದು ಕೂಡ ಹೇಳಲಾಗಿದೆ.

ರಷ್ಯಾದಿಂದ ಭಾರತಕ್ಕೆ ವಿಶೇಷ ಆಫರ್
ರಷಿಯನ್ ಮೂಲಗಳು ಹೇಳುವ ಪ್ರಕಾರ ಎಸ್​ಯು-57 ಫೈಟರ್ ಜೆಟ್​ನ್ನು ಜೊತೆಯಾಗಿ ಸೇರಿಕೊಂಡು ಪಾಲದಾರಿಕೆಯಲ್ಲಿ ಈ ಯುದ್ಧ ವಿಮಾನಗಳನ್ನು ತಯಾರಿಸಲು ಭಾರತಕ್ಕೆ ಒಂದು ಆಫರ್ ನೀಡಿದೆಯಂತೆ. ಈ ಹಿಂದೆಯೇ ಅಂದ್ರೆ 2007ರಲ್ಲಿ ಭಾರತ ಹಾಗೂ ರಷ್ಯಾ 5ನೇ ಜನರೇಷನ್​ನ ಫೈಟರ್ ಏರ್​​ಕ್ರಾಫ್ಟ್​ಗಳನ್ನು ಜಂಟಿಯಾಗಿ ತಯಾರು ಮಾಡುವ ಒಪ್ಪಂದಕ್ಕೆ ಸಹಿ ಹಾಕಿಕೊಂಡಿದ್ದವು.

2010ರಲ್ಲಿ ಎಫ್​ಜಿಎಫ್​ಎ ಎರಡು ಸೀಟಿನ ಐಎಎಫ್​ ಸ್ಪೇಸಿಫಿಕಷೇನ್ ಇರುವ ಏರ್​ಕ್ರಾಪ್ಟ್​ ತಯಾರಿಕೆಗೆ ಅಂತಿಮವಾಗಿ ಒಪ್ಪಂದ ಮಾಡಲಾಗಿತ್ತು. ಇದು ಒಟ್ಟು 300 ಮಿಲಿಯನ್ ಯುಎಸ್ ಡಾಲರ್​ನ ಯೋಜನೆಯಾಗಿತ್ತು. ಹಲವು ವಿಚಾರಗಳಲ್ಲಿ ಅಂದ್ರೆ ವಿನ್ಯಾಸ, ಸ್ಟೀಲ್ತ್ ಕೆಪ್ಯಾಬಲಿಟಿಸ್​, ಇಂಜಿನ್​ ಟೆಕ್ನಾಲಜಿ ಟ್ರಾನ್ಸ್​ಫರ್ ಸೇರಿದಂತೆ ಭಿನ್ನಾಭಿಪ್ರಾಯಗಳು ಮೂಡಿದ್ದವು. ನಂತರವೂ ರಷ್ಯ ಒಟ್ಟಾಗಿ ಈ ವಿಮಾನ ನಿರ್ಮಾಣವನ್ನು ಜಂಟಿಯಾಗಿ ಉತ್ಪಾದನೆ ಮಾಡುವ ವಿಚಾರವನ್ನು 2018ರಲ್ಲಿ ರಕ್ಷಣಾ ಸಚಿವೆಯಾಗಿದ್ದ ನಿರ್ಮಲಾ ಸೀತಾರಾಮನ್ ಅವರೊಂದಿಗೂ ಕೂಡ ಮಾತನಾಡಲಾಗಿತ್ತು.

ಇದನ್ನೂ ಓದಿ: ನೀವೂ ಏರ್ ಶೋಗೆ ಹೋಗಬಹುದು.. ಒಂದು ಪಾಸ್​ಗೆ ಎಷ್ಟು ರೂಪಾಯಿ ಗೊತ್ತಾ..?

ಸದ್ಯ ಭಾರತ ಫಿಫ್ತ್ ಜನರೇಷನ್​ನ ಫೈಟರ್​ ಜೆಟ್​​ಗಳನ್ನ ಅಂದ್ರೆ ಅತ್ಯಾಧುನಿಕ ಮಿಡಿಯಂ ಕೋಂಬ್ಯಾಟ್ ಏರ್​ಕ್ರಾಪ್ಟ್​​ಗಳ ನಿರ್ಮಾಣದ ವಿಚಾರದಲ್ಲಿ ಕೆಲಸ ನಡೆಸಿದೆ. ಅದರ ಮಾಡೆಲ್​ನನ್ನು ಈಗಾಗಲೇ ಏರೋ ಇಂಡಿಯಾದಲ್ಲಿ ಶೋಗೆ ಇಡಲಾಗಿದೆ. ಈ ಒಂದು ಏರ್​ಕ್ರಾಪ್ಟ್ ಇನ್ನೂ ವಿನ್ಯಾಸದ ಹಂತದಲ್ಲಿದೆ. ಭಾರತೀಯ ವಾಯುಪಡೆ ಒಟ್ಟು 7 ಎಎಮ್​ಸಿಎ ಅಂದ್ರೆ ಅಡ್ವಾನ್ಸ್ಡ್​ ಮಿಡಿಯಂ ಕೊಂಬ್ಯಾಟ್​ ಏರ್​ಕ್ರಾಫ್ಟ್​ಗಳನ್ನು ಏರೋನಾಟಿಕಲ್ ಡವೆಲಪ್ಮೆಂಟ್​ ಎಜೆನ್ಸಿ ಹಾಗೂ ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆ ಮತ್ತು ಹಿಂದೂಸ್ತಾನ ಏರೋನಾಟಿಕ್ಸ್ ಲಿಮಿಟೆಡ್​ ಜೊತೆ ಸೇರಿಕೊಂಡು ನಿರ್ಮಾಣ ಮಾಡಲು ಸಿದ್ಧತೆ ನಡೆಸಿಕೊಂಡಿದೆ.

ಇದನ್ನೂ ಓದಿ:ಏರ್ ಇಂಡಿಯಾ​ ಶೋ ಹೋಗೋರಿಗೆ BMTC ಗುಡ್​ನ್ಯೂಸ್.. ನಿಮ್ಮ ಪ್ರಯಾಣ ಫ್ರೀ ಫ್ರೀ..!

ಈ ಒಂದು ಏರ್​​ಕ್ರಾಪ್ಟ್ ಇನ್ನೂ ಕೂಡ ಡಿಸೈನ್ ಹಂತಲ್ಲಿದೆ. ಇದರ ಇಂಜಿನ್​ ಯಾವುದಿರಬೇಕು ಎಂಬುದರ ಬಗ್ಗೆ ಭಾರತ ವಿಚಾರ ಮಾಡುತ್ತಿದೆ. 110-120ಕೆನ್​ ಇಂಜಿನ್​ನ್ನು ವಿದೇಶಿ ಪಾಲುದಾರರೊಂದಿಗೆ ಅಂದ್ರೆ ಅಮೆರಿಕಾದ ಜಿಐ, ಫ್ರೆಂಚ್​ನ ಸಫ್ರಾನ್​ ಮತ್ತು ಬ್ರಿಟಿಷ್​ ರೋಲ್ಸ್ ರಾಯ್ಸ್ ಜೊತೆ ಸೇರಿ ಅಭಿವೃದ್ಧಿಪಡಿಸುವ ಚಿಂತನೆಯಲ್ಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ