ಗುಜರಾತ್​​ ಕಚ್​ ಜಿಲ್ಲೆಯಲ್ಲಿದೆ ಏಷ್ಯಾದ ಅತ್ಯಂತ ಶ್ರೀಮಂತ ಗ್ರಾಮ

ಪುಟ್ಟ ಹಳ್ಳಿಯೊಂದರಲ್ಲಿ ಇವೆ ಒಟ್ಟು 17 ರಾಷ್ಟ್ರೀಯ ಬ್ಯಾಂಕ್​ಗಳು

ಈ ಗ್ರಾಮ ಇಷ್ಟೊಂದು ಶ್ರೀಮಂತವಾಗಿರಲು ಕಾರಣಗಳೇನು ಗೊತ್ತಾ?

ಅಹ್ಮದಾಬಾದ್: ಹಳ್ಳಿಗಳು, ಗ್ರಾಮಗಳ ಅಭಿವೃದ್ಧಿಯಿಂದ ಮಾತ್ರ ದೇಶದ ಅಭಿವೃದ್ಧಿ ಸಾಧ್ಯ ಅನ್ನೋ ಮಾತಿದೆ. ಕಲ್ಯಾಣ ರಾಷ್ಟ್ರಕ್ಕಾಗಿ ಹಳ್ಳಿಗಳ ಕಲ್ಯಾಣ ಅನಿವಾರ್ಯ. ಹಳ್ಳಿಗಳ ಆರ್ಥಿಕ ಸ್ಥಿತಿ, ಕೊಳ್ಳುವ ಯೋಗ್ಯತೆ ಸುಧಾರಿಸಿದಾಗ ಮಾತ್ರ ಸರ್ವದೇಶದ ಕಲ್ಯಾಣ ಸಾಧ್ಯ. ಅದಕ್ಕೆ ನಿದರ್ಶನವಾಗಿ ನಿಂತಿದೆ ಗುಜರಾತ್​ನ ಈ ಹಳ್ಳಿ.

ಒಂದು ದೇಶದಲ್ಲಿ ಅತಿ ಹೆಚ್ಚು ಶ್ರೀಮಂತ ನಗರಗಳನ್ನು ಗುರುತಿಸುವುದು ಸಾಮಾನ್ಯ. ಅದರ ಆದಾಯವನ್ನು, ಅದು ದೇಶಕ್ಕೆ ಕೊಡುವ ಜಿಡಿಪಿ ಹಾಗೂ ಕಟ್ಟುವ ತೆರಿಗೆ ಮೇಲೆ ಅವುಗಳ ಶ್ರೀಮಂತಿಕೆಯನ್ನು ಅಳೆಯಲಾಗುತ್ತದೆ. ಆದ್ರೆ ಗುಜರಾತ್​ನಲ್ಲಿರುವ ಈ ಒಂದು ಗ್ರಾಮ ಬರೀ ದೇಶದಲ್ಲಿಯೇ ಅಲ್ಲ, ಇಡೀ ಏಷ್ಯಾ ಖಂಡದಲ್ಲಯೇ ಅತ್ಯಂತ ಶ್ರೀಮಂತ ಗ್ರಾಮವೆಂದು ಗುರುತಿಸಿಕೊಂಡಿದೆ.

ಗುಜರಾತ್​ನ ಕಚ್ ಜಿಲ್ಲೆಯ ಭುಜ್ ಪ್ರದೇಶಕ್ಕೆ ಅಂಟಿಕೊಂಡಿರುವ ಮಧಾಪುರ್ ಎಂಬ ಅತ್ಯಂತ ಪುಟ್ಟ ಹಳ್ಳಿ, ಈಗ ಜಾಗತಿಕವಾಗಿ ಸುದ್ದಿಯಾಗಿದೆ. ಈ ಒಂದು ಗ್ರಾಮ ಏಷ್ಯಾದಲ್ಲಿಯೇ ಅತ್ಯಂತ ಶ್ರೀಮಂತ ಗ್ರಾಮ ಎಂದು ಗುರುತಿಸಿಕೊಂಡಿದೆ. ಅದಕ್ಕೆ ಕಾರಣ ಆ ಹಳ್ಳಿ ಗಳಿಸಿದ ಆಸ್ತಿ. ಈ ಹಳ್ಳಿಯ ಜನರು ಎಫ್​ ಡಿ ಅಂದ್ರೆ ಬ್ಯಾಂಕಿನಲ್ಲಿಟ್ಟ ಒಟ್ಟು ಫಿಕ್ಸ್​ ಡೆಪಾಸಿಟ್ ಮೊತ್ತ. ಅದು ಒಂದಲ್ಲ ಎರಡಲ್ಲ, ಬರೋಬ್ಬರಿ 7 ಸಾವಿರ ಕೋಟಿ ರೂಪಾಯಿ ಅಂದ್ರೆ ನೀವು ನಂಬಲೇಬೇಕು.

ಇದನ್ನೂ ಓದಿ:Breaking: ನದಿಗೆ ಬಿದ್ದ 40 ಪ್ರಯಾಣಿಕರಿದ್ದ ಬಸ್; ಭಾರೀ ದುರಂತದ ಆತಂಕ

ಗುಜರಾತ್ ದೇಶದ ನಂಬರ್ ಒನ್ ವ್ಯಾಪಾರಿ ಕೇಂದ್ರ. ಇದು ದೇಶಕ್ಕೆ ಅನೇಕ ಉದ್ಯಮಿಗಳನ್ನು ಕೊಟ್ಟಿದೆ. ಆದ್ರೆ ಅದು ಕೇವಲ ನಗರಕ್ಕೆ ಸೀಮಿತವಾಗಿ. ಆದ್ರೆ ಗುಜರಾತ್​ನ ಮಧಾಪುರ್ ಎಂಬ ಹಳ್ಳಿಯಿದೆಯಲ್ಲ ಇದು ಕಚ್​​ ಜಿಲ್ಲೆಯ ಬುಜ್​ ಪ್ರದೇಶಕ್ಕೆ ಅಂಟಿಕೊಂಡಿರುವ ಒಂದು ಹಳ್ಳಿ, ಒಟ್ಟಾರೆಯಾಗಿ 7 ಸಾವಿರ ಕೋಟಿ ರೂಪಾಯಿಗಳನ್ನು ಫಿಕ್ಸ್ ಡಿಪಾಸಿಟ್ ಹೊಂದಿದ ಕಾರಣ ಇದು ಏಷ್ಯಾದ ಅತ್ಯಂತ ಶ್ರೀಮಂತ ಹಳ್ಳಿ ಎಂದು ಗುರುತಿಸಿಕೊಂಡಿದೆ. ಮಧಾಪುರ್​ ಪಟೇಲ್ ಸಮುದಾಯ ಹೆಚ್ಚು ಇರುವ ಒಂದು ಹಳ್ಳಿ ಇಲ್ಲಿಯ ಜನಸಂಖ್ಯೆ ಜಸ್ಟ್ 32 ಸಾವಿರ. ಈ ಗ್ರಾಮದಲ್ಲಿ HDFC, SBI ,PNB, AXIS ಬ್ಯಾಂಕ್​ಗಳು ಸೇರಿದಂತೆ ಒಟ್ಟು 17 ಬ್ಯಾಂಕ್​ಗಳಿವೆ. ಒಂದು ಹಳ್ಳಿಯಲ್ಲಿ ಇಷ್ಟೊಂದು ಬ್ಯಾಂಕ್​ಗಳಿರುವುದು ಅತಿ ವಿರಳ ಆದ್ರೆ ಮಧಾಪುರದ ಜನರ ಉಳಿತಾಯ ಜ್ಞಾನ ಈ ಗ್ರಾಮದಲ್ಲಿ ಇಷ್ಟೊಂದು ಬ್ಯಾಂಕ್​ಗಳು ತಲೆಯೆತ್ತುವುದಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: IPS ಅಧಿಕಾರಿಗೆ ಸಂಬಳ ಎಷ್ಟು.. ಯಾವ ಪೋಸ್ಟ್​​ಗೆ ಹೆಚ್ಚು ಸ್ಯಾಲರಿ ನೀಡುತ್ತೆ ಸರ್ಕಾರ?

ಅದು ಮಾತ್ರವಲ್ಲ ಈ ಹಳ್ಳಿಯಲ್ಲಿ ಅತಿ ಹೆಚ್ಚು ಅನಿವಾಸಿ ಭಾರತೀಯರು ಇದ್ದಾರೆ. ಅವರು ಕೋಟಿ ಲೆಕ್ಕದಲ್ಲಿ ಪ್ರತಿವರ್ಷ ಬ್ಯಾಂಕ್​ಗಳ ಜೊತೆ ವ್ಯವಹಾರ ಮಾಡುತ್ತಾರೆ. ಹೀಗಾಗಿ ಇಲ್ಲಿ ದೊಡ್ಡ ದೊಡ್ಡ ಬ್ಯಾಂಕ್​ಗಳ ಶಾಖೆಗಳು ತೆರೆದುಕೊಂಡಿವೆ, ಈ ಊರಿನಲ್ಲಿ ಒಟ್ಟು 20 ಸಾವಿರ ಮನೆಗಳಿದ್ದು ಅದರಲ್ಲಿ 1200 ಕುಟುಂಬಗಳು ಪಾಶ್ಚಾತ್ಯ ರಾಷ್ಟ್ರ ಹಾಗೂ ಆಫ್ರಿಕನ್ ರಾಷ್ಟ್ರಗಳಲ್ಲಿ ವಾಸ ಮಾಡುತ್ತಾರೆ.

ಹೀಗಾಗಿ ಇಲ್ಲಿ ಎಫ್​ಡಿ ದುಡ್ಡು ಸಾಗರದಂತೆ ಹರಿದು ಬರುತ್ತದೆ. ಆಫ್ರಿಕಾದ ದೇಶಗಳಲ್ಲಿ ಕಟ್ಟಡ ನಿರ್ಮಾಣದಂತ ಕಾರ್ಯಗಳಲ್ಲಿ ಗುಜರಾತಿಗಳ ಹಿಡಿತವಿದೆ. ಅದೇ ರೀತಿ ನ್ಯೂಜಿಲೆಂಡ್ ಯುಕೆ ಆಸ್ಟ್ರೇಲಿಯಾದಂತ ರಾಷ್ಟ್ರಗಳಲ್ಲಿಯೂ ಗುಜರಾತಿ ವ್ಯಾಪಾರಿಗಳಿದ್ದಾರೆ. ಅವೆರಲ್ಲರೂ ತಮ್ಮ ಗ್ರಾಮದೊಂದಿಗೆ ಇಂದಿಗೂ ವ್ಯವಹಾರಿಕವಾಗಿ ಸಂಪರ್ಕ ಹೊಂದಿದ್ದಾರೆ ಹೀಗಾಗಿ ಇಲ್ಲಿಯ ಬ್ಯಾಂಕ್​ಗಳಲ್ಲಿ ಫಿಕ್ಸ್ಡ್​ ಡಿಪಾಸಿಟ್​ ದುಡ್ಡು 7 ಸಾವಿರ ಕೋಟಿ ರೂಪಾಯಿಯಷ್ಟಿದೆ. ಇದರಿಂದಾಗಿಯೇ ಈ ಗ್ರಾಮ ಏಷ್ಯಾದ ಅತ್ಯಂತ ಶ್ರೀಮಂತ ಗ್ರಾಮ ಎಂದು ಕರೆಸಿಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ