ವಿರಾಟ್​ ಕೊಹ್ಲಿ ವಿರುದ್ಧ ಚಿತ್ರ ವಿಚಿತ್ರವಾಗಿ ವರ್ತನೆ ಮಾಡಿದ ಆಸ್ಟ್ರೇಲಿಯಾದ ಜನ.. ಹೀಗೆ ಮಾಡೋದಾ?

ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಬಾರ್ಡರ್​ ಗವಾಸ್ಕರ್ ಟೆಸ್ಟ್ ಸರಣಿಯಲ್ಲಿ ಟೀಮ್ ಇಂಡಿಯಾ ಆಟಗಾರರನ್ನು ಕೆಣಕುತ್ತಿದ್ದಾರೆ. ಆಸಿಸ್​ನ ಮಾಧ್ಯಗಳಷ್ಟೇ ಅಲ್ಲ, ಅಲ್ಲಿನ ಜನರು ಕೂಡ ವಿಚಿತ್ರವಾಗಿ ವರ್ತನೆ ಮಾಡುವ ಮೂಲಕ ಭಾರತದ ಆಟಗಾರರನ್ನು ಹೀಯಾಳಿಸುತ್ತಿದ್ದಾರೆ. ಇದಕ್ಕೆ ನಿದರ್ಶನ ಎಂಬಂತೆ ವಿರಾಟ್​ ಕೊಹ್ಲಿ ಔಟ್ ಆಗಿ ಪೆವಿಲಿಯನ್​ಗೆ ಹೋಗುವಾಗ ಅಲ್ಲಿನ ಜನರು ಮಾಡಿದ ಚೇಷ್ಟೆಯ ವಿಡಿಯೋ ವೈರಲ್ ಆಗಿದೆ.

ವಿರಾಟ್ ಕೊಹ್ಲಿ ಅವರು 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದರು. 86 ಎಸೆತಗಳಲ್ಲಿ 4 ಬೌಂಡರಿ ಸಮೇತ 36 ರನ್​ಗಳಿಂದ ಆಡುವಾಗ ವಿಕೆಟ್​ ಕೀಪರ್ ಅಲೆಕ್ಸ್​ ಕ್ಯಾರಿಗೆ ಕ್ಯಾಚ್ ಕೊಟ್ಟು ಔಟ್ ಆದರು. ವಿರಾಟ್​ ಕೊಹ್ಲಿ ಔಟ್ ಆಗಿ ಬೇಸರಲ್ಲಿ ಪೆವಿಲಿಯನ್​ಗೆ ತಲೆ ತಗ್ಗಿಸಿಕೊಂಡು ಹೋಗುವಾಗ ಈ ವೇಳೆ ಸ್ಟೇಡಿಯಂ ಗ್ಯಾಲರಿಯಲ್ಲಿದ್ದ ಪ್ರೇಕ್ಷಕರು ಚಿತ್ರ ವಿಚಿತ್ರವಾಗಿ ವರ್ತನೆ ಮಾಡಿದ್ದಾರೆ.

ಇದನ್ನೂ ಓದಿ: IND vs AUS; ಭಾರತಕ್ಕೆ ಬಿಗ್ ಶಾಕ್ ಕೊಟ್ಟ ವಿರಾಟ್ ಕೊಹ್ಲಿ.. ನಿರೀಕ್ಷೆ ಹುಸಿಗೊಳಿಸಿದ ಕಿಂಗ್

ಪೆವಿಲಿಯನ್​ ಒಳಗೆ ವಿರಾಟ್ ಕೊಹ್ಲಿ ಹೋಗುವಾಗ ಗ್ಯಾಲರಿಯಲ್ಲಿದ್ದ ಪ್ರೇಕ್ಷಕರು ವಿಚಿತ್ರವಾಗಿ ಕೂಗಿದ್ದಾರೆ. ಈ ವೇಳೆ ಓರ್ವ ಅನವಶ್ಯಕವಾಗಿ ಏನೋ ಹೇಳಿದ್ದಾನೆ. ಒಳಗೆ ಹೋಗುತ್ತಿದ್ದ ಕೊಹ್ಲಿ ತಕ್ಷಣ ವಾಪಸ್ ಬಂದು ಮೇಲೆ ಅವರು ಕೂಗುತ್ತಿರುವುದನ್ನು ನೋಡಿದ್ದಾರೆ. ಆಗ ಇನ್ನಷ್ಟು ಕೂಗಲು ಆರಂಭಿಸಿದ್ದಾರೆ. ಈ ವೇಳೆ ಅಲ್ಲಿದ್ದ ಸಿಬ್ಬಂದಿ ಕೊಹ್ಲಿರನ್ನು ಸಮಾಧಾನ ಪಡಿಸಿ ಒಳಕ್ಕೆ ಕರೆದುಕೊಂಡು ಹೋಗಿದ್ದಾರೆ.

ಭಾರತದ ಆಟಗಾರರಿಗೆ ಅಲ್ಲಿನ ಜನರು ಸಾಕಷ್ಟು ತೊಂದರೆ ಕೊಡುತ್ತಿದ್ದಾರೆ. ಹೀಗಾಗಿ ಮೈದಾನದಲ್ಲಿ ಎಲ್ಲ ಆಟಗಾರರು ಮನಸ್ಥಿತಿ ಸರಿಯಾಗಿಲ್ಲ. ಇದರಿಂದ ಬ್ಯಾಟಿಂಗ್, ಬೌಲಿಂಗ್​ನಲ್ಲಿ ವೈಫಲ್ಯ ಅನುಭವಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಆಸ್ಟ್ರೇಲಿಯಾದ ಮಾಧ್ಯಮದವರು, ಜನರು ಹಾಗೂ ಆಸ್ಟ್ರೇಲಿಯಾ ತಂಡ ಇವರೆಲ್ಲರೂ ಭಾರತ ತಂಡದ ಆಟಗಾರರ ಜೊತೆ ಚೆನ್ನಾಗಿಲ್ಲ. ಶತ್ರುಗಳಂತೆ ವರ್ತನೆ ಮಾಡುತ್ತಿರುವುದು ವೈರಲ್ ಆದ ಕೆಲ ವಿಡಿಯೋಗಳಿಂದ ತಿಳಿದು ಬರುತ್ತದೆ.

The booing Aussie fans should thank god that this Virat Kohli is in his bhajan-kirtan phase.
pic.twitter.com/5mrTQW39Bj

— Johns (@JohnyBravo183)

The booing Aussie fans should thank god that this Virat Kohli is in his bhajan-kirtan phase.
pic.twitter.com/5mrTQW39Bj

— Johns (@JohnyBravo183) December 27, 2024

">December 27, 2024

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ