ಅಂದು ಅಮ್ಮನಿಗೆ ಅವಮಾನ ಮಾಡಿದ್ದಕ್ಕೆ ಸೇಡು.. 10 ವರ್ಷ ಕಾಲ ಹುಡುಕಿ ಹೊಡೆದ ಮಗ..!

ಈ ಜಗತ್ತಿನಲ್ಲಿ ತಾಯಿ ಅಂದ್ರೆ ಯಾರಿಗೆ ಇಷ್ಟ ಇಲ್ಲ ಹೇಳಿ.. ತಾಯಿ ಎಂದರೆ ಮಕ್ಕಳಿಗೆ ಎಲ್ಲಕ್ಕಿಂತ ಪ್ರೀತಿ, ಅದರಲ್ಲೂ ಗಂಡು ಮಕ್ಕಳಿಗೆಂತೂ ಪ್ರಾಣಕ್ಕಿಂತಲೂ ಮಿಗಿಲು, 9 ತಿಂಗಳು ಹೊಟ್ಟೆಯಲ್ಲಿ ಹೊತ್ತು ಜನ್ಮ ಕೊಟ್ಟ ತಾಯಿಗೆ ಅವಮಾನವಾದರೆ ಸುಮ್ಮನಿರೋದಕ್ಕೆ ಸಾಧ್ಯಾನಾ? ಖಂಡಿತ ಇಲ್ಲ, ಆದರೆ, ಅವಮಾನಕ್ಕೆ ಸೇಡು ತೀರಿಸಿಕೊಳ್ಳುವ ರೀತಿ ಅತ್ಯಂತ ಘೋರವಾಗಿದ್ದರೆ, ಅದು ಹೇಗಿರಬೇಡ? ಇಲ್ಲೊಬ್ಬ ವ್ಯಕ್ತಿ ತನ್ನ ತಾಯಿಗಾದ ಅವಮಾನಕ್ಕೆ 10 ವರ್ಷಗಳ ನಂತರ ತಾಯಿಗೆ ಅವಮಾನ ಮಾಡಿದ ವ್ಯಕ್ತಿಯನ್ನು ಮುಗಿಸಿ ಸೇಡು ತೀರಿಸಿಕೊಂಡಿದ್ದಾನೆ.

ತಾಯಿಗೆ ಅವಮಾನ.. 10 ವರ್ಷದ ಬಳಿಕ ಆಗಿದ್ದೇನು..?

ಸುಮಾರು 10 ವರ್ಷಗಳ ಹಿಂದೆ ನಡೆದ ಜಗಳವೊಂದರಲ್ಲಿ ಮನೋಜ್ ಸೋನುವಿನ ತಾಯಿಯ ಕಪಾಳಕ್ಕೆ ಹೊಡೆದು ಅಲ್ಲಿಂದ ಪರಾರಿಯಾಗಿದ್ದ. ಮನೋಜ್ 2015ರಲ್ಲಿ ಸೋನುವಿನ ತಾಯಿಗೆ ಹೊಡೆದು ಏಕೈಕ ತಪ್ಪು ಮಾಡಿದ್ದ.. ತನ್ನ ತಾಯಿಗೆ ಆದ ಅವಮಾನದಿಂದ ಅಸಮಾಧಾನಗೊಂಡು ಕೋಪಗೊಂಡ ಸೋನು ಅವನನ್ನು ಹುಡುಕಲು ಹೊರಟ. ಸಮಯ ಕಳೆದುಹೋಯಿತು, ಆದರೆ ಅವನು ಪ್ರಯತ್ನ ಬಿಡಲಿಲ್ಲ. 3 ತಿಂಗಳ ಹಿಂದೆ, ಅವನು ಕೊನೆಗೂ ಅವನನ್ನು ನಗರದ ಮುನ್ಶಿ ಪುಲಿಯಾ ಪ್ರದೇಶದಲ್ಲಿ ನೋಡಿದ್ದ. ಬಳಿಕ ಮನೋಜ್ ಕೊ*ಲೆಗೆ ಸಂಚು ರೂಪಿಸಿದ್ದ.. ಈ ಸಂಚಿನಲ್ಲಿ ಸ್ನೇಹಿತರನ್ನೂ ಸೇರಿಸಿಕೊಂಡಿದ್ದ. ನಿನ್ನೆ ಮನೋಜ್ ತನ್ನ ಅಂಗಡಿಯನ್ನು ಮುಚ್ಚಿ ಒಂಟಿಯಾಗಿ ಹೊರಟ ನಂತರ, ಅವನ ಮೇಲೆ ಕಬ್ಬಿಣದ ರಾಡ್‌ಗಳಿಂದ ದಾಳಿ ಮಾಡಿದ್ದರು. ಚಿಕಿತ್ಸೆಯ ಸಮಯದಲ್ಲಿ ಮನೋಜ್ ಪ್ರಾಣ ಬಿಟ್ಟಿದ್ದಾನೆ. ಆರೋಪಿಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಆರೋಪಿಗಳನ್ನು ಪೊಲಿಸರು ಬಂಧಿಸಿದ್ದಾರೆ.

ಇದನ್ನೂ ಓದಿ: ಮತ್ತೆ ಭಾರೀ ಮಳೆ.. ಈ ಜಿಲ್ಲೆಯ ಐದು ತಾಲೂಕಿನ ಶಾಲೆಗಳಿಗೆ ರಜೆ ಘೋಷಣೆ

ಮನೋಜ್​ ಕೊಲೆ ಕೇಸ್​ ವಿಚಾರಣೆ ವೇಳೆ ಪೊಲೀಸರು, ಸಿಸಿಟಿವಿ ದೃಶ್ಯಗಳು ಪರಿಶೀಲಿಸಿದ್ದಾರೆ. ಆಗ ಕತ್ತಲೆ ಬಣ್ಣದ ಟಿ-ಶರ್ಟ್ ಧರಿಸಿ ಯುವಕನೊಬ್ಬ ಓಡುತ್ತಿರುವುದು ಕಂಡಿದ್ದಾರೆ, ಆತನನ್ನು ಸೋನು ಕಶ್ಯಪ್ ಎಂದು ಗುರುತಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಹುಡುಕಿದಾಗ, ಸೋನು ಅದೇ ಟಿ-ಶರ್ಟ್ ಧರಿಸಿ ಪಾರ್ಟಿಯಲ್ಲಿ ನೃತ್ಯ ಮಾಡುತ್ತಿರುವ ಕಂಡು ಬಂದಿದೆ.. ಹಾಗಾಗಿ, ಅವನನ್ನು ಪ್ರಶ್ನಿಸಿದಾಗ, ಅವನು ತನ್ನ ಅಪರಾಧವನ್ನು ಒಪ್ಪಿಕೊಳ್ಳಲಿಲ್ಲ, ಆದರೆ ಫೋಟೋದಲ್ಲಿ ಕಾಣುವ ಇತರ ಯುವಕರು ಪೊಲೀಸರ ಮುಂದೆ ಸತ್ಯ ಒಪ್ಪಿಕೊಂಡಿದ್ದಾರೆ.

ತನಿಖೆ ಚುರುಕುಗೊಳಿಸಿ ಪಾರ್ಟಿಯಲ್ಲಿದ್ದವರ ಮನೆಗಳನ್ನು ಪತ್ತೆ ಮಾಡಿದ್ದ.. ಪೊಲೀಸ್ರು, ಅವರನ್ನು ವಿಚಾರಸಿದ್ದಾಗ ಅಸಲಿ ಸತ್ಯ ಬೆಳಕಿಗೆ ಬಂದಿದೆ. ಕೂಡಲೇ ಸೋನು ಕಶ್ಯಪ್ ನನ್ನೂ ಬಂಧಿಸಿ ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ್ದಾರೆ. ಒಂದೇ ಒಂದು ಸೇಡು 10 ವರ್ಷಗಳ ಕಾಲ ತಪಸ್ಸು, ತಾಯಿಗೆ ಹೊಡೆದವನ್ನೂ ಹುಡುಕಿಕೊಂಡು ಮಗ..

ಇದನ್ನೂ ಓದಿ:ಇವತ್ತು ಕನ್ನಡಿಗನಿಗೆ ಕೊಕ್ ಪಕ್ಕಾ.. ಪ್ಲೇಯಿಂಗ್​-XI ಆಯ್ಕೆಯೇ ಬಹುದೊಡ್ಡ ತಲೆನೋವು..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ