6 ರನ್​ ಇಂದ ಸೆಂಚುರಿ ಮಿಸ್ ಮಾಡಿಕೊಂಡ 17 ವರ್ಷದ ಯಂಗ್ ಬ್ಯಾಟರ್​.. RCBಗೆ ರೋಚಕ ಗೆಲುವು

ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ತಂಡದ ಜೊತೆಗಿನ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ 17 ವರ್ಷದ ಓಪನರ್​ ಆಯುಷ್ ಮ್ಹಾತ್ರೆ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶನ ಮಾಡಿದರೂ ಶತಕ ವಂಚಿತರಾಗಿದ್ದಾರೆ.

ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ನಾಯಕ ಎಂ.ಎಸ್ ಧೋನಿ ಅವರು ಮೊದಲ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಇದರಿಂದ ಆರ್​ಸಿಬಿ ಮೊದಲ ಬ್ಯಾಟಿಂಗ್​ ಮಾಡು ಅವಕಾಶ ಸಿಕ್ಕಿತ್ತು. ಈ ಅವಕಾಶವನ್ನು ಪ್ರತಿ ಕೈ ಚೆಲ್ಲುತ್ತಿದ್ದ ಆರ್​ಸಿಬಿ ಈ ಬಾರಿ ಎರಡು ಕೈಗಳಿಂದ ತಬ್ಬಿಕೊಂಡಿತು. ಇದರಿಂದ ಕೊಹ್ಲಿ, ಬೆಥೆಲ್, ರೊಮಾರಿಯೋ ಶೆಫರ್ಡ್ ಅವರ ಭರ್ಜರಿ ಬ್ಯಾಟಿಂಗ್​ನಿಂದ 20 ಓವರ್​ಗಳಲ್ಲಿ 214 ರನ್​ಗಳ ಗುರಿ​ ನೀಡಿತ್ತು.

ಈ ಗುರಿ ಬೆನ್ನಟ್ಟಿದ್ದ ಚೆನ್ನೈ ಆಟಗಾರರು ಅಮೋಘ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿದ ಆಯುಷ್ ಮ್ಹಾತ್ರೆ ಆರ್​ಸಿಬಿ ಬೌಲರ್​ಗಳನ್ನು ಮನಬಂದಂತೆ ಚಚ್ಚಿದರು. ಚಿನ್ನಸ್ವಾಮಿಯ ಮೂಲೆ ಮೂಲೆಗೂ ಬಾಲ್​ಗಳನ್ನು ಕಳುಹಿಸಿದ ಯುವ ಆಟಗಾರ ಸೆಂಚುರಿ ಬಾರಿಸುವಲ್ಲಿ ಸ್ವಲ್ಪದಲರಲ್ಲೇ ಎಡವಿದರು ಎನ್ನಬಹುದು. ಈ ವೇಳೆ ತಂಡಕ್ಕ ರನ್​ ಅವಶ್ಯಕತೆ ಇದ್ದ ಕಾರಣ ಟೆನ್ಷನ್​​ನಲ್ಲಿ ಹೊಡೆದ ಬಾಲ್ ಆರ್​ಸಿಬಿ ಆಲ್​​ರೌಂಡರ್​ ಕೈ ಸೇರಿತು.

ಇದನ್ನೂ ಓದಿ: ಚೆನ್ನೈ ವಿರುದ್ಧ ರಣರೋಚಕ ಪಂದ್ಯ.. ಕೇವಲ 2 ರನ್​ನಿಂದ ಜಯಭೇರಿ ಬಾರಿಸಿದ RCB

ಇನ್ನು ಕೇವಲ 17 ವರ್ಷ 292 ದಿನಗಳು ತುಂಬಿರುವ ಚೆನ್ನೈ ಯಂಗ್ ಬ್ಯಾಟ್ಸ್​ಮನ್ ಆಯುಷ್ ಮ್ಹಾತ್ರೆ ಬ್ಯಾಟಿಂಗ್​ ನೋಡುಗರಿಗೆ ಹಬ್ಬದೂಟ ನೀಡಿತ್ತು. ಆರ್​ಸಿಬಿ ನೀಡಿದ್ದ ರನ್​ಗಳ ಗುರಿ ಸಮೀಪಕ್ಕೆ ಚೆನ್ನೈ ತಂಡ ಬರಲು ಆಯುಷ್ ಮ್ಹಾತ್ರೆ ಬ್ಯಾಟಿಂಗ್​ ಕಾರಣ. ಈ ಪಂದ್ಯದಲ್ಲಿ ಕೇವಲ 48 ರನ್​ಗಳನ್ನು ಎದುರಿಸಿದ ಆಯುಷ್, 9 ಬೌಂಡರಿ, ದೊಡ್ಡ ದೊಡ್ಡ 5 ಸಿಕ್ಸರ್​ಗಳಿಂದ 94 ರನ್​ಗಳನ್ನು ಗಳಿಸಿದ್ದರು. ಸೆಂಚುರಿ ಹೊಸ್ತಿಲಿನಲ್ಲಿದ್ದ ಯುವ ಬ್ಯಾಟರ್, ಲುಂಗಿ ಎನ್‌ಗಿಡಿ ಬೌಲಿಂಗ್​​ನಲ್ಲಿ ಬಿಗ್ ಶಾಟ್​ ಹೊಡೆದರು. ಆದರೆ ಆ ಬಾಲ್ ನೇರ ಹೋಗಿ ಆಲ್​ರೌಂಡರ್ ಕೃನಾಲ್ ಪಾಂಡ್ಯ ಕೈ ಸೇರಿತು.

ಆರ್​ಸಿಬಿ ವಿರುದ್ಧ ಪಂದ್ಯ ಗೆಲ್ಲಿಸದೇ ಇರುವುದಕ್ಕೆ ಹಾಗೂ ತನ್ನ ಸೆಂಚುರಿ ಕೂಡ ಮಿಸ್ ಆಗಿದ್ದರಿಂದ ಆಯುಷ್ ಬೇಸರದಿಂದ ಹೊರ ನಡೆದರು. ಆಯುಷ್ ಔಟ್ ಆಗಿದ್ದೇ ಚೆನ್ನೈ ಸೋಲಿನ ಸುಳಿಗೆ ಸಿಲುಕಿತು. ಬೌಂಡರಿ ಲೈನ್ ದಾಟುತ್ತಿದ್ದಂತೆ ಚೆನ್ನೈ ತಂಡದ ಸಹ ಆಟಗಾರರು ಆಯುಷ್​​ಗೆ ವೆಲ್​ ಬ್ಯಾಟಿಂಗ್ ಎಂದು ವಿಶ್ ಮಾಡಿ, ನೆಕ್ಸ್ಟ್ ಟೈಮ್ ಬೆಟರ್ ಲಕ್ ಎಂದು ಹೇಳಿದರು. ಈ ಪಂದ್ಯದಲ್ಲಿ ಆರ್​ಸಿಬಿ ಕೇವಲ 2 ರನ್​ಗಳಿಂದ ಗೆದ್ದು ಆಕಾಶ ಉದುರುವಂತೆ ಸಂಭ್ರಮಿಸಿತು. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ