ಆರ್​ಸಿಬಿಯಲ್ಲಿ ಮಹತ್ವದ ಬದಲಾವಣೆ.. ಎಬಿಡಿ ಶಿಷ್ಯ BABY AB ತಂಡಕ್ಕೆ ಎಂಟ್ರಿ..!

2025ರ ಐಪಿಎಲ್ ಟ್ರೋಫಿ ಆರಂಭಕ್ಕೆ ಇನ್ನೇನು ಕೆಲವೇ ಕೆಲವು ತಿಂಗಳು ಬಾಕಿ ಉಳಿದಿದ್ದು ಫ್ರಾಂಚೈಸಿಗಳು ಸಿದ್ಧತೆ ಮಾಡಿಕೊಳ್ಳುತ್ತಿವೆ. ಮೆಗಾ ಆಕ್ಷನ್​ನಲ್ಲಿ ಈಗಾಗಲೇ ಆಟಗಾರರನ್ನು ಆಯ್ಕೆ ಮಾಡಿಕೊಂಡಿದ್ದು ಟೂರ್ನಿ ಆರಂಭಕ್ಕಾಗಿ ಫ್ರಾಂಚೈಸಿಗಳು ಕಾದು ಕುಳಿತಿವೆ. ಇದರ ಬೆನ್ನಲ್ಲೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಮೊತ್ತೊಂದು ಬದಲಾವಣೆ ಆಗಿದ್ದು ಟೀಮ್​ಗೆ ಜೂನಿಯರ್ ಎಬಿ ಡಿವಿಲಿಯರ್ಸ್ ಬರುತ್ತಿದ್ದಾರೆ ಎಂದು ಹೇಳಲಾಗಿದೆ.

ಬೆಂಗಳೂರು ಫ್ರಾಂಚೈಸಿ ಖರೀದಿ ಮಾಡಿರುವ ಸೌತ್ ಆಫ್ರಿಕಾದ ವೇಗಿ ಲುಂಗಿ ಎನ್‌ಗಿಡಿ, ಇಂಜುರಿಗೆ ಒಳಗಾದ ಕಾರಣ 2025ರ ಐಪಿಎಲ್​ ಟೂರ್ನಿಯಲ್ಲಿ ಅವರು ಆಡುತ್ತಿಲ್ಲ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಲುಂಗಿ ಎನ್‌ಗಿಡಿ ಬದಲಿಗೆ ಬೇಬಿ ಎಬಿರನ್ನು ಆರ್​ಸಿಬಿ ತಂಡದಲ್ಲಿ ಆಡಿಸುವ ನಿರೀಕ್ಷೆ ಇದೆ. ಸದ್ಯ ಈ ಸಂಬಂಧ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಒಂದು ವೈರಲ್ ಆಗುತ್ತಿದೆ.

ಇದನ್ನೂ ಓದಿ:ಕ್ಯಾಪ್ಟನ್​ ರೋಹಿತ್ ಇಲ್ಲದಿದ್ದಾಗ ಭಾರೀ ಅವಮಾನ.. R ಅಶ್ವಿನ್​ಗೆ ಹೀಗೆ ಮಾಡಬಹುದಿತ್ತಾ?

ಒಂದು ಸಮಯದಲ್ಲಿ ಎಬಿ ಡಿ ವಿಲಿಯರ್ಸ್ ಆರ್​ಸಿಬಿ ತಂಡದಲ್ಲಿ ಬಿಗ್ ಸನ್ಷೆಷನ್ ಮೂಡಿಸಿದ ಬ್ರಿಲಿಯಂಟ್ ಬ್ಯಾಟ್ಸ್​ಮನ್. ಚಿತ್ರ ವಿಚಿತ್ರ ಶಾಟ್​ಗಳನ್ನು ಬಾರಿಸುತ್ತಿದ್ದ ವಿಲಿಯರ್ಸ್ ತನ್ನ ಬ್ಯಾಟಿಂಗ್​​ನಿಂದಲೇ ಕನ್ನಡಿಗರ ಮನ ಗೆದ್ದಿದ್ದರು. ಕ್ರಿಕೆಟ್​ಗೆ ಡಿ ವಿಲಿಯರ್ಸ್ ವಿದಾಯ ಹೇಳಿದ ಮೇಲೆ ಅವರಂತೆ ಸೇಮ್ ಟು ಸೇಮ್ ಆಡುವಂತ ಯಂಗ್ ಪ್ಲೇಯರ್ ಆಫ್ರಿಕಾ ತಂಡದಲ್ಲಿ ಇದ್ದಾರೆ. ಆ ಯಂಗ್ ಪ್ಲೇಯರ್​ ಅನ್ನು ಬೇಬಿ ಎಬಿ ಎಂದು ಕರೆಯಲಾಗುತ್ತಿದೆ.

ಬೇಬಿ ಎಬಿ ನಿಜವಾದ ಹೆಸರು ಡೆವಾಲ್ಡ್ ಬ್ರೆವಿಸ್ ಆಗಿದೆ. ಆದರೆ ಇವರು ಆಡುವ ಶೈಲಿ ಎಲ್ಲ ಡಿವಿಲಿಯರ್ಸ್ ಮಾದರಿ ಇರುವುದರಿಂದ ಎಲ್ಲರೂ ಬ್ರೆವಿಸ್​ನ್ನ ಬೇಬಿ ಎಬಿ ಎಂದು ಕರೆಯಲಾಗುತ್ತಿದೆ. ಅಲ್ಲದೇ ಡಿ ವಿಲಿಯರ್ಸ್​ ಗರಡಿಯಲ್ಲಿ ಬೆಳೆದ ಯುವ ಆಟಗಾರನಾಗಿದ್ದು ಬ್ಯಾಟಿಂಗ್, ಬೌಲಿಂಗ್, ಫೀಲ್ಡಿಂಗ್​ನಲ್ಲಿ ಎಲ್ಲ ಚಾಣಕ್ಷತೆಗಳನ್ನು ಹೇಳಿಕೊಟ್ಟಿದ್ದಾರೆ. ಸದ್ಯ ಡಿ ವಿಲಿಯರ್ಸ್ ಶಿಷ್ಯ ಆರ್​ಸಿಬಿ ಬರುತ್ತಿರುವುದು ಫ್ಯಾನ್ಸ್​ಗೆ ಸಂತಸ ತಂದಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ