ಪಾಕ್​ ವಿರುದ್ಧದಷ್ಟೇ ಬಾಂಗ್ಲಾ ಜೊತೆಗಿನ ಪಂದ್ಯಗಳು ರೋಚಕ.. ಟೀಮ್ ಇಂಡಿಯಾದ ಗೆಲುವು ಹೇಗಿವೆ?

ಭಾರತ-ಬಾಂಗ್ಲಾದೇಶದ ನಡುವಿನ ಫೈಟ್​ಗೆ ವೇದಿಕೆ ಸಿದ್ಧವಾಗಿದೆ. ದುಬೈನಲ್ಲಿ ಗೆಲುವಿನೊಂದಿಗೆ ಟೀಮ್ ಇಂಡಿಯಾ ಅಭಿಯಾನ ಆರಂಭಿಸುವ ಲೆಕ್ಕಾಚಾರದಲ್ಲಿದೆ. ಎಲ್ಲರ ಕಣ್ಣಿಗೂ ಟೀಮ್​ ಇಂಡಿಯಾನೇ ಹಾಟ್​ ಫೆವರೀಟ್​. ಹಾಗಂತ ಇದನ್ನ ಒನ್​​ ಸೈಡೆಡ್​ ಗೇಮ್​ ಅನ್ನೋಕೆ ಸಾಧ್ಯವಿಲ್ಲ. ಯಾಕಂದ್ರೆ, ಪಾಕ್​ ವಿರುದ್ಧದ ಪಂದ್ಯದಷ್ಟೇ ರಣ ರೋಚಕ ಇತಿಹಾಸ ಬಾಂಗ್ಲಾ, ಭಾರತದ ರೈವರ್ಲಿಗೆ ಇದೆ.

ಇಂಡೋ-ಪಾಕ್ ಮ್ಯಾಚ್ ಎಂದಾಕ್ಷಣ ವಿಶ್ವ ಕ್ರಿಕೆಟ್​​ನಲ್ಲಿ ನೆಕ್ಸ್ಟ್​​ ಲೆವೆಲ್​ ಕ್ರೇಜ್​ ಹುಟ್ಟಿ ಬಿಡುತ್ತೆ. ಇಡೀ ವಿಶ್ವ ಈ ಪಂದ್ಯವನ್ನ ನೋಡಲು ಕಾದು ಕುಳಿತಿರುತ್ತೆ. ಇಂದು ನಡೆಯೋ ಇಂಡೋ -ಬಾಂಗ್ಲಾ ಫೈಟ್​ ಕೂಡ ಅದಕ್ಕಿಂತ ಏನ್​ ಕಡಿಮೆಯಿಲ್ಲ. ಯಾಕಂದ್ರೆ, ಇಂಡೋ ಪಾಕ್​, ಪಂದ್ಯಗಳಲ್ಲಿ ಸಿಗುವಷ್ಟೇ ಕಿಕ್​, ಇಂಡೋ ಬಾಂಗ್ಲಾ ಬ್ಯಾಟಲ್​ನಲ್ಲಿ ಸಿಗುತ್ತೆ. ಅಭಿಮಾನಿಗಳನ್ನ ತುದಿಗಾಲಲ್ಲಿ ನಿಲ್ಲಿಸುವಂತ ಥ್ರಿಲ್ಲಿಂಗ್​ ಕದನಗಳು, ಸ್ಲೆಡ್ಜಿಂಗ್ ವಾರ್​ಗಳು ರೋಚಕತೆಯನ್ನ ಹುಟ್ಟು ಹಾಕುತ್ತವೆ. ಈ ಹಿಂದೆ ನಡೆದ ರಣರೋಚಕ ಕದನಗಳೇ ಇದಕ್ಕೆ ಸಾಕ್ಷಿ.

2007 ಏಕದಿನ ವಿಶ್ವಕಪ್- ಭಾರತಕ್ಕೆ ಬಾಂಗ್ಲಾ ಶಾಕ್​​​..!

ಅದು 2007ರ ಏಕದಿನ ವಿಶ್ವಕಪ್​ ಟೂರ್ನಿ. ಗೆಲ್ಲಲೇಬೇಕಾಗಿದ್ದ ಪಂದ್ಯದಲ್ಲಿ ಟೀಮ್​ ಇಂಡಿಯಾ, ಬಾಂಗ್ಲಾದೇಶ ಎದುರು ಕಣಕ್ಕಿಳಿದಿತ್ತು. ಗೆಲ್ಲುವ ವಿಶ್ವಾಸದಲ್ಲಿ ಮೈದಾನಕ್ಕಿಳಿದ ಟೀಮ್​ ಇಂಡಿಯಾ ಕೇವಲ 191 ರನ್​ಗಳಿಗೆ ಆಲೌಟ್​ ಆಗಿತ್ತು. ಈ ಗುರಿಯನ್ನ 5 ವಿಕೆಟ್​ ಕಳೆದುಕೊಂಡು ಬೆನ್ನಟ್ಟಿದ ಬಾಂಗ್ಲಾದೇಶ ಐತಿಹಾಸಿಕ ಗೆಲುವು ಸಾಧಿಸಿತ್ತು. ಸೋತ ಟೀಮ್ ಇಂಡಿಯಾದ ವಿಶ್ವಕಪ್ ಕನಸು ಭಗ್ನವಾಗಿ ಲೀಗ್​ನಿಂದ ಹೊರ ಬಿದ್ದಿತ್ತು.

2016 ಟಿ20 ವಿಶ್ವಕಪ್​- ಧೋನಿಯ ಚಕ್ರವ್ಯೂಹ.. ಬಾಂಗ್ಲಾ ಕಂಗಾಲ್​

2016ರ ಟಿ20 ವಿಶ್ವಕಪ್​ನಲ್ಲಿ​ ಸೆಮೀಸ್​ ಪ್ರವೇಶಕ್ಕೆ ಟೀಮ್​ ಇಂಡಿಯಾ ಪಾಲಿನ ಮಸ್ಟ್​ ವಿನ್​ ಗೇಮ್​ ಅದು. ಬಾಂಗ್ಲಾಗೆ ಭಾರತ ತಂಡ 146 ರನ್​ಗಳ ಸಾಧಾರಣ ಟಾರ್ಗೆಟ್​ ನೀಡಿತ್ತು. ಕೊನೆ ಓವರ್​ನಲ್ಲಿ ಬಾಂಗ್ಲಾ ಗೆಲುವಿಗೆ 11 ರನ್​ ಬೇಕಿತ್ತಷ್ಟೇ. ಮೊದಲ 3 ಎಸೆತದಲ್ಲಿ 9 ರನ್​ಗಳಿಸಿದ ಬಾಂಗ್ಲಾ ಗೆದ್ದೇ ಬಿಟ್ವಿ ಅಂತಾ ಬೀಗ್ತಿತ್ತು. ಆದ್ರೆ ಕೊನೆಗೆ ಚಾಣಾಕ್ಷ ಧೋನಿಯ ಚಕ್ರವ್ಯೂಹದಲ್ಲಿ ಸಿಲುಕಿ ಒದ್ದಾಡಿ ಸೋಲಿಗೆ ಶರಣಾಗಿತ್ತು.

2018ರ ನಿದಾಸ್​ ಟ್ರೋಫಿ- ಒಂದು ಎಸೆತ.. 5 ರನ್​.. ಥ್ರಿಲ್ಲಿಂಗ್​​ ಎಂಡ್​

2018ರ ನಿದಾಸ್​ ಟ್ರೋಫಿ ಫೈನಲ್​ ಪಂದ್ಯವನ್ನ ಕ್ರಿಕೆಟ್​ ಪ್ರೇಮಿಗಳು ಮರೆಯೋಕೆ ಸಾಧ್ಯಾನೆ ಇಲ್ಲ. ಎಂತಾ ಥ್ರಿಲ್ಲಿಂಗ್​ ಅಂತ್ಯ ಅದು.. ಒಂದು ಎಸೆತಕ್ಕೆ 5 ರನ್​​ ಬೇಕಿದ್ದಾಗ ದಿನೇಶ್​ ಕಾರ್ತಿಕ್​ ಸಿಕ್ಸರ್​​ ಸಿಡಿಸಿದ ಆ ಕ್ಷಣ ಇಂದಿಗೂ ಫ್ಯಾನ್ಸ್​​ ಕಣ್ಣಿಗೆ ಕಟ್ಟಿದಂತಿದೆ.

2022ರ ಟಿ20 ವಿಶ್ವಕಪ್​ ಫೈಟ್- ರಣರೋಚಕವಾಗಿ ಗೆದ್ದ ಭಾರತ

2022ರ ಟಿ20 ವಿಶ್ವಕಪ್​ನಲ್ಲೂ ಬಾಂಗ್ಲಾ ಟೈಗರ್ಸ್​ ಟೀಮ್​ ಇಂಡಿಯಾಗೆ ಟಫ್​ ಫೈಟ್​ ಕೊಟ್ಟಿದ್ದರು. ಡಿಎಲ್​ಎಸ್​ ನಿಯಮದ ಪ್ರಕಾರ 16 ಓವರ್​ಗಳಲ್ಲಿ 151 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ ಬಾಂಗ್ಲಾ, ಗೆಲುವಿನ ಸನಿಹ ಬಂದೇ ಬಿಟ್ಟಿತ್ತು. ಕೊನೆಯಲ್ಲಿ ಕೇವಲ 5 ರನ್​ ಅಂತರದಲ್ಲಿ ಸೋತು ಹೋಗಿತ್ತು.

ಇದನ್ನೂ ಓದಿ: RCB ಅಭಿಮಾನಿಗಳಿಗೆ ಮತ್ತೊಂದು ಎಕ್ಸೈಟಿಂಗ್ ನ್ಯೂಸ್.. ಕಳೆದ ಬಾರಿಯಂತೆ ಈ ಸಲವೂ..

2023ರ ಏಷ್ಯಾಕಪ್- ಟೀಮ್​ ಇಂಡಿಯಾಗೆ ಸೋಲಿನ ಅಘಾತ..!

2023ರ ಏಷ್ಯಾಕಪ್​ ಪಂದ್ಯದಲ್ಲಿ ಬಾಂಗ್ಲಾ, ಟೀಮ್​ ಇಂಡಿಯಾಗೆ ಸೋಲಿನ ಶಾಕ್​ ನೀಡಿತ್ತು. ಮೊದಲು ಬ್ಯಾಟಿಂಗ್ ನಡೆಸಿದ್ದ ಬಾಂಗ್ಲಾ, 265 ರನ್​ಗಳ ಟಾರ್ಗೆಟ್​ ನೀಡಿತ್ತು. ಈ ಟಾರ್ಗೆಟ್ ಬೆನ್ನಟ್ಟಿದ್ದ ಟೀಮ್​ ಇಂಡಿಯಾ 259 ರನ್​ಗಳಿಗೆ ಸುಸ್ತಾಗಿ ಸೋಲಿನ ಆಘಾತ ಎದುರಿಸಿತು.

ಇದಕ್ಕೆ ಕಾರಣ ಬಾಂಗ್ಲಾ ಪಡೆಯನ್ನ ಲೈಟ್​ ಆಗಿ ಪರಿಗಣಿಸಿದ್ದಾಗಿತ್ತು. ಆದ್ರೀಗ ಈ ಸೋಲು ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಟೀಮ್ ಇಂಡಿಯಾಗೆ ಪಾಠ ಆಗಬೇಕಿದೆ. ಜೊತೆಗೆ ದುಬೈ, ಈ ಕಂಡೀಷನ್ಸ್​ ಬಾಂಗ್ಲಾಗೆ ಹೊಸತಲ್ಲ. ಅನುಭವಿ ಬ್ಯಾಟರ್​​ಗಳು, ಮೋಸ್ಟ್​ ಎಕ್ಸ್​ಪೀರಿಯನ್ಸ್​ ಬೌಲರ್​ಗಳ ಜೊತೆಗೆ ಸ್ಪಿನ್ ಆ್ಯಂಡ್ ಪಾಸ್ಟ್​ ಬೌಲಿಂಗ್​​​​​​​​​​​​​​​​​​​ ಆಲ್​ರೌಂಡರ್​ಗಳ ದಂಡೇ ಬಾಂಗ್ಲಾ ಪಡೆಯಲ್ಲಿದೆ. ಹೀಗಾಗಿ ಸ್ಪಲ್ಪ ಯಾಮಾರಿದ್ರೂ, ಸೋಲು ಅನುಭವಿಸಬೇಕಾಗುತ್ತದೆ ಎಚ್ಚರ.!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ