ಬಟ್ಟೆ ಕಳ್ಳತನದ ಪ್ರಕರಣ ಸಂಬಂಧ ವರದಿ ಕೇಳಿದ್ದ ಡಿಸಿಪಿ ಗಿರೀಶ್

ವಿಚಾರಣೆ ವೇಳೆ ತಪ್ಪು ಕಂಡು ಬಂದ ಹಿನ್ನೆಲೆಯಲ್ಲಿ ಪಿಎಸ್​ಐ ಸಸ್ಪೆಂಡ್

ವ್ಯಾಪಾರಸ್ಥರ ಗೋದಾಮಿನಲ್ಲಿ 8 ಲಕ್ಷ ರೂ. ಮೌಲ್ಯದ ಬಟ್ಟೆ ಕಳ್ಳತನ

ಬೆಂಗಳೂರು: 8 ಲಕ್ಷ ರೂಪಾಯಿ ಮೌಲ್ಯದ ಬಟ್ಟೆ ಕಳ್ಳತನವಾಗಿದ್ದರೂ FIR ದಾಖಲಿಸದೇ ನಿರ್ಲಕ್ಷ್ಯ ತೋರಿಸಿದ ಆಧಾರದ ಮೇಲೆ ಬ್ಯಾಡರಹಳ್ಳಿ ಪೊಲೀಸ್ ಠಾಣೆ ಪಿಎಸ್​ಐ ಸೋಮಶೇಖರ್​ರನ್ನ ಅಮಾನತು ಮಾಡಲಾಗಿದೆ.

ಈ ಸಂಬಂಧ ಪಶ್ಚಿಮ ವಿಭಾಗ ಡಿಸಿಪಿ ಗಿರೀಶ್ ಅವರು ಪಿಎಸ್​ಐ ಸೋಮಶೇಖರ್​ರನ್ನ ಸಸ್ಪೆಂಡ್ ಮಾಡಿ ಆದೇಶ ಹೊರಡಿಸಿದ್ದಾರೆ. ಮುನಿರೆಡ್ಡಿ ಎಂಬುವರ ಗೋದಾಮಿನಲ್ಲಿ 8 ಲಕ್ಷ ರೂಪಾಯಿ ಮೌಲ್ಯದ ಬಟ್ಟೆ ಕಳ್ಳತನವಾಗಿತ್ತು. ಕಳ್ಳತನವಾಗಿದ್ರೂ ಎಫ್​ಐಆರ್ ದಾಖಲು ಮಾಡದೇ ಕೇವಲ ಎನ್​ಸಿಆರ್ ಮಾತ್ರ ಪಿಎಸ್​ಐ ಸೋಮಶೇಕರ್ ಅವರು ದಾಖಲು ಮಾಡಿದ್ದರು.

ಇದರಿಂದ ಎಫ್​ಐಆರ್ ದಾಖಲು ಮಾಡದೇ ನಿರ್ಲಕ್ಷ್ಯ ತೋರಿದ್ದರು. ಈ ಸಂಬಂಧ ವರದಿ ನೀಡುವಂತೆ ಡಿಸಿಪಿ ಗಿರೀಶ್ ಕೇಳಿದ್ದರು. ಬಳಿಕ ಸೋಮಶೇಖರ್​​ರನ್ನ ವಿಚಾರಣೆ ಮಾಡಲಾಗಿತ್ತು. ನೀಡಿದ ವರದಿಯಲ್ಲಿ ತಪ್ಪು ಕಂಡು ಬಂದಿದೆ. ಈ ವರದಿ ಆಧರಿಸಿಯೇ ಸೋಮಶೇಖರ್​​ರನ್ನ ಹುದ್ದೆಯಿಂದ ಅಮಾನತು ಮಾಡಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ