ಬೆಂಗಳೂರು ಇಡ್ಲಿ ಪ್ರಿಯರೇ ಎಚ್ಚರ.. ಡೆಡ್ಲಿ ಕ್ಯಾನ್ಸರ್ ಕಾರಕ ಪತ್ತೆ; ಆಘಾತಕಾರಿ ವರದಿ ಬಿಡುಗಡೆ!

ಬೆಂಗಳೂರು: ಬೆಳಗ್ಗೆ ಎದ್ದು ಇಡ್ಲಿ ತಿನ್ನಲು ಹೋಟೆಲ್‌ಗಳಿಗೆ ಹೋಗುವ ಇಡ್ಲಿ ಪ್ರಿಯರಿಗೆ ಇದು ಶಾಕಿಂಗ್ ನ್ಯೂಸ್. ಆಹಾರ ಇಲಾಖೆ ಡೆಡ್ಲಿ ಇಡ್ಲಿ ಬಗ್ಗೆ ಆಘಾತಕಾರಿ ವರದಿ ಬಿಡುಗಡೆ ಮಾಡಿದೆ. ಆಹಾರ ಇಲಾಖೆಯ ಈ ರಿಪೋರ್ಟ್‌ ಸಿಲಿಕಾನ್ ಸಿಟಿ ಜನರನ್ನ ನಿಜಕ್ಕೂ ಆತಂಕಕ್ಕೀಡು ಮಾಡಿದೆ.

ಇಡ್ಲಿಯಿಂದ ಡೆಡ್ಲಿ ಕ್ಯಾನ್ಸರ್​!
ಇಡ್ಲಿಯಲ್ಲಿ ಕ್ಯಾನ್ಸರ್‌ ಕಾರಕ ಅಂಶಗಳಿದೆ ಎಂದು ಆರೋಗ್ಯ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಅದರಲ್ಲೂ ರಸ್ತೆ ಬದಿ ಪ್ಲಾಸ್ಟಿಕ್​ ಕವರ್​ನಲ್ಲಿ ತಯಾರಾಗ್ತಿರೋ ಇಡ್ಲಿ ಆರೋಗ್ಯಕ್ಕೆ ಹಾನಿಕಾರಕ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಬೆಂಗಳೂರಿನ ಹಲವಡೆ ಇಡ್ಲಿ ಬೇಯಿಸಲು ಹತ್ತಿ ಬಟ್ಟೆ ಬದಲು ಪ್ಲಾಸ್ಟಿಕ್ ಬಳಕೆ ಮಾಡಲಾಗುತ್ತಿದೆ. ಇಡ್ಲಿ ಮಾಡುವಾಗ, ಬಡಿಸುವಾಗ, ಪ್ಯಾಕಿಂಗ್​ನಲ್ಲೂ ಪ್ಲಾಸ್ಟಿಕ್ ಬಳಕೆ ಹೆಚ್ಚಾಗಿದೆ. ಪ್ಲಾಸ್ಟಿಕ್ ಕವರ್ ಬಳಸಿ ಇಡ್ಲಿ ಬೇಯಿಸುವಾಗ ಕಾರ್ಸಿನೋಜೆನಿಕ್ ಹಾನಿಕಾರಕ ವಸ್ತು ಸೇರಿಕೊಳ್ಳುತ್ತದೆ. ಪ್ಲಾಸ್ಟಿಕ್ ಹಾಳೆ ಶಾಖಕ್ಕೆ ಒಡ್ಡಿಕೊಂಡು ಹಾನಿಕಾರಕ ವಸ್ತುವನ್ನು ಹೊರಸೂಸುತ್ತಿದ್ದು, ಇದು ಕ್ಯಾನ್ಸರ್‌ ಕಾರಕವಾಗಿದೆ.

ಆಹಾರ ಹಾಗೂ ಗುಣಮಟ್ಟ ಇಲಾಖೆ ಬೆಂಗಳೂರಿನ ಹಲವಡೆ ಇಡ್ಲಿಗಳ ಸ್ಯಾಂಪಲ್ಸ್ ಕಲೆಕ್ಟ್ ಮಾಡಿದೆ. ನಗರದ ವಿವಿಧ ಭಾಗಗಳಲ್ಲಿ 500 ಇಡ್ಲಿ ಸ್ಯಾಂಪಲ್ಸ್​ಗಳನ್ನು ಸಂಗ್ರಹ ಮಾಡಿದ್ದು, ಅದರಲ್ಲಿ 35ಕ್ಕೂ ಹೆಚ್ಚು ಸ್ಯಾಂಪಲ್ಸ್​ಗಳು ಸುರಕ್ಷಿತವಲ್ಲ ಅನ್ನೋ ಫಲಿತಾಂಶ ಬಂದಿದೆ. ಉಳಿದ ನೂರಾರು ಸ್ಯಾಂಪಲ್ಸ್​ ವರದಿಗೆ ಆಹಾರ ಇಲಾಖೆ ಕಾಯುತ್ತಿದೆ. ಆಹಾರ ಇಲಾಖೆಗೆ ಎಲ್ಲಾ ಸ್ಯಾಂಪಲ್‌ಗಳ ವರದಿ ಬಂದ ಬಳಿಕ ಪ್ಲಾಸ್ಟಿಕ್ ಪೇಪರ್ ಬಳಕೆಯನ್ನೇ ಬ್ಯಾನ್​ ಮಾಡಲು ಪ್ಲಾನ್ ಮಾಡಲಾಗುತ್ತಿದೆ.

ಇದನ್ನೂ ಓದಿ: ಕೂಲ್​ ಡ್ರಿಂಕ್ಸ್ ಕುಡಿಯೋರಿಗೆ ಬಿಗ್​ ಶಾಕ್​​​​​​; ಕ್ಯಾನ್ಸರ್​ ಎಚ್ಚರಿಕೆ ಕೊಟ್ಟ WHO; ಓದಲೇಬೇಕಾದ ಸ್ಟೋರಿ 

ಆರೋಗ್ಯ ಸಚಿವರು ಹೇಳಿದ್ದೇನು?
ಡೆಡ್ಲಿ ಇಡ್ಲಿ ವರದಿಯ ಬಗ್ಗೆ ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಪ್ರತಿಕ್ರಿಯೆ ನೀಡಿದ್ದಾರೆ. ಬೆಂಗಳೂರಿನ 251 ಕಡೆಗಳಲ್ಲಿ ಸ್ಯಾಂಪಲ್ಸ್ ಪಡೆಯಲಾಗಿದೆ. ಇದರಲ್ಲಿ ಕಾರ್ಸಿನೋಜೆನಿಕ್ ಅಂಶ ಪತ್ತೆಯಾಗಿದೆ.
ಈ ಹಿಂದೆ ಬಟ್ಟೆಯನ್ನು ಬಳಕೆ ಮಾಡಲಾಗುತ್ತಿದ್ದು, ಬಾಣಂತಿಯರು, ಗರ್ಭಿಣಿಯರ ಮೇಲೂ ಪರಿಣಾಮ ಬೀಳುತ್ತೆ. ಯಾರೇ ಆದರೂ ಇಂತಹ ಇಡ್ಲಿ ಆಹಾರ ಸೇವನೆ ಮಾಡಬಾರದು. ಈ ಆಹಾರ ಸೇವನೆಯಿಂದ ಅಂಗಾಗಳ ಮೇಲೆ ದುಷ್ಪರಿಣಾಮ ಬೀರುತ್ತೆ. ಅದು ಆಗಬಾರದು. ಈ ಬಗ್ಗೆಯೂ ಸಾರ್ವಜನಿಕರಿಗೆ ಎಚ್ಚರಿಕೆ ವಹಿಸುವಂತೆ ಮನವಿ ಮಾಡಲಾಗುತ್ತಿದೆ ಎಂದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ