ಟೀಮ್​ ಇಂಡಿಯಾ ಬೌಲಿಂಗ್​ಗೆ ಬೆಚ್ಚಿಬಿದ್ದ ಬಾಂಗ್ಲಾದೇಶ ಬ್ಯಾಟರ್ಸ್​​; 127 ರನ್​ಗೆ ಆಲೌಟ್​

ಟೀಮ್​ ಇಂಡಿಯಾ ಮತ್ತು ಬಾಂಗ್ಲಾದೇಶದ ನಡುವೆ ಮೊದಲ ಟಿ20 ಪಂದ್ಯ ನಡೆಯುತ್ತಿದೆ. ಗ್ವಾಲಿಯರ್​ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​​ನಲ್ಲಿ ನಡೆಯುತ್ತಿರೋ ಈ ಮಹತ್ವದ ಪಂದ್ಯದಲ್ಲಿ ಟಾಸ್​ ಗೆದ್ದ ಟೀಮ್​ ಇಂಡಿಯಾ ಬೌಲಿಂಗ್​ ಆಯ್ಕೆ ಮಾಡಿಕೊಂಡಿದೆ. ಹಾಗಾಗಿ ಬಾಂಗ್ಲಾದೇಶ ಫಸ್ಟ್​ ಬ್ಯಾಟಿಂಗ್​ಗೆ ಮಾಡಿದೆ.

ಟಾಸ್​ ಸೋತ್ರೂ ಫಸ್ಟ್​ ಬ್ಯಾಟಿಂಗ್​ ಮಾಡಿದ ಬಾಂಗ್ಲಾದೇಶ 19.5 ಓವರ್​​ನಲ್ಲಿ ಕೇವಲ 127 ರನ್​ಗೆ ಆಲೌಟ್​ ಆಗಿದೆ. ಈ ಮೂಲಕ ಟೀಮ್​ ಇಂಡಿಯಾ ಸಾಧಾರಣ ಮೊತ್ತದ ಗುರಿಯನ್ನು ನೀಡಿದೆ. ಬಾಂಗ್ಲಾದೇಶದ ತಂಡವನ್ನು ಟೀಮ್​ ಇಂಡಿಯಾದ ಬೌಲರ್ಸ್​​​ ಕಟ್ಟಿ ಹಾಕಿದ್ರು.

ಬಾಂಗ್ಲಾದೇಶದ ಓಪನರ್​ ಆಗಿ ಬಂದ ಪರ್ವೇಜ್ ಹೊಸೈನ್ ಎಮನ್ ಕೇವಲ 8 ರನ್​​ಗೆ ವಿಕೆಟ್​ ಒಪ್ಪಿಸಿ ಕೈಕೊಟ್ಟರು. ವಿಕೆಟ್​ ಕೀಪರ್​​ ಲಿಟ್ಟನ್ ದಾಸ್ ಕೂಡ 4 ರನ್​ಗೆ ಔಟಾಗಿ ಹೇಳಿಕೊಳ್ಳುವಷ್ಟು ಪ್ರದರ್ಶನ ನೀಡಲಿಲ್ಲ. ಕ್ಯಾಪ್ಟನ್​ ನಜ್ಮುಲ್ ಹೊಸೈನ್ ಶಾಂಟೊ ಕ್ರೀಸ್​ನಲ್ಲೇ ನಿಂತು ಬ್ಯಾಟ್​ ಬೀಸಿ 27 ರನ್​ ಕಲೆ ಹಾಕಿದ್ರು. ಇವರಿಗೆ ಸಾಥ್​ ಕೊಟ್ಟ ಮೆಹಿದಿ ಹಸನ್ 35 ರನ್​​ ಗಳಿಸಿದ್ರು. ಉಳಿದವ್ರು ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಬ್ಯಾಟ್​ ಮಾಡದ ಪರಿಣಾಮ ಬಾಂಗ್ಲಾದೇಶ ಕಡಿಮೆ ಮೊತ್ತಕ್ಕೆ ಆಲೌಟ್​ ಆಗಿದೆ.

ಭಾರತದ ಪರ ಅರ್ಷ್​​​ದೀಪ್​ ಸಿಂಗ್, ವರುಣ್​​ ಚಕ್ರವರ್ತಿ ತಲಾ 3 ವಿಕೆಟ್​​ ತೆಗೆದರು. ಜತೆಗೆ ಹಾರ್ದಿಕ್​ ಪಾಂಡ್ಯ, ಮಯಾಂಕ್​ ಯಾದವ್​, ವಾಷಿಂಗ್ಟನ್​ ಸುಂದರ್​ ತಲಾ 1 ವಿಕೆಟ್​​​ ಪಡೆದು ಬಾಂಗ್ಲಾದೇಶದ ಬ್ಯಾಟರ್ಸ್​ ಬೆವರಿಳಿಸಿದ್ರು.

ಇದನ್ನೂ ಓದಿ: T20 ವಿಶ್ವಕಪ್​​ ಜಿದ್ದಾ ಜಿದ್ದಿಯಲ್ಲಿ ಪಾಕ್​​ ವಿರುದ್ಧ ಗೆದ್ದು ಬೀಗಿದ ಭಾರತ; ಸೆಮೀಸ್​ ಕನಸು ಜೀವಂತ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ