ಯಾರಿದು ಬಾರ್ಮಿ ಆರ್ಮಿ? ಸುಖಾಸುಮ್ಮನೆ ಕೊಹ್ಲಿಯನ್ನ ಕೆಣಕಿದ್ಯಾಕೆ?

ಆನ್​ಫೀಲ್ಡ್​ ಮಾತ್ರವಲ್ಲ. ಆಫ್​ ದ ಫೀಲ್ಡ್​ನಲ್ಲೂ ಕಿಂಗ್​ ಕೊಹ್ಲಿಗೆ ಎದುರಾಳಿಗೆ ಬರವಿಲ್ಲ. ಕೊಹ್ಲಿ ಫ್ಲಾಪ್​ ಆದ್ರೆ ಸಾಕು ಟೀಕೆ ಮಾಡೋಕೆ ತುದಿಗಾಲಲ್ಲಿ ನಿಲ್ಲುವವರಿಗೆ ಲೆಕ್ಕವೇ ಇಲ್ಲ. ಅದ್ರಲ್ಲೂ ಈ ಇಂಗ್ಲೆಂಡ್​​ ತಂಡದ ಫ್ಯಾನ್​ ಕ್ಲಬ್​ ಬಾರ್ಮಿ ಇದ್ಯಲ್ಲ. ಇದು ಸದಾ ಕಾಲು ಕೆರೆದುಕೊಂಡು ಬರುತ್ತೆ. ಆ್ಯಷಸ್​​ ಸರಣಿಯಲ್ಲಿ ತನ್ನ ತಂಡಕ್ಕೆ ಸುಮ್ನೆ ಸಪೋರ್ಟ್​ ಮಾಡಿಕೊಂಡಿರೋದನ್ನ ಬಿಟ್ಟು, ಕೊಹ್ಲಿಯನ್ನ ಕೆಣಕಿದೆ.

ಪ್ರತಿಷ್ಟಿತ ಆ್ಯಷಸ್​ ಟೆಸ್ಟ್​ ಸರಣಿಗೆ ಕ್ರಿಕ್​ ಸ್ಟಾರ್ಟ್​​ ಸಿಕ್ಕಿದೆ. ಬರ್ಮಿಂಗ್​ಹ್ಯಾಮ್​ನಲ್ಲಿ ನಡೀತಾ ಇರೋ ಟೆಸ್ಟ್​ ಪಂದ್ಯದಲ್ಲಿ ಉಭಯ ತಂಡಗಳು ಭರ್ಜರಿ ಫೈಟ್​​ ನಡೆಸ್ತಾ ಇದ್ದು, ಫ್ಯಾನ್ಸ್​ ಸಖತ್​ ಟ್ರೀಟ್​ ಸಿಗ್ತಿದೆ. ಆಸ್ಟ್ರೇಲಿಯಾ - ಇಂಗ್ಲೆಂಡ್​ ನಡುವಿನ ಮಹತ್ವದ ಕದನ ನೋಡೋದ್ರಲ್ಲಿ, ನೆಚ್ಚಿನ ತಂಡಕ್ಕೆ ಸಪೋರ್ಟ್​ ಮಾಡೋದ್ರಲ್ಲಿ ಅಭಿಮಾನಿಗಳ ಪಡೆ ಬ್ಯಸಿಯಾಗಿದೆ. ಆದ್ರೆ, ಇಂಗ್ಲೆಂಡ್​ ತಂಡದ ಬಿಗ್ಗೆಸ್ಟ್​ ಫ್ಯಾನ್ಸ್​ ಕ್ಲಬ್​ ಇರಲಾರದೆ ಇರುವೆ ಬಿಟ್ಟುಕೊಳ್ಳೋ ಕೆಲಸ ಮಾಡಿದೆ.

ಕೊಹ್ಲಿಯನ್ನ ಕೆಣಕಿದ ಬಾರ್ಮಿ ಆರ್ಮಿ.!

‘ಬಾರ್ಮಿ ಆರ್ಮಿ’.! ಇಂಗ್ಲೆಂಡ್​ ಕ್ರಿಕೆಟ್​​​​ ತಂಡದ ಬಿಗ್ಗೆಸ್ಟ್​ ಫ್ಯಾನ್ ಕ್ಲಬ್. ಇಂಗ್ಲೆಂಡ್, ವಿಶ್ವದ ಯಾವುದೇ ಮೂಲ್ಲೆಯಲ್ಲಾದ್ರೂ  ಪಂದ್ಯವಾಡ್ಲಿ. ಅಲ್ಲಿ ಬಾರ್ಮಿ ಆರ್ಮಿಯ ಹಾಜರಿ ಫಿಕ್ಸ್​!.ಮೈದಾನಕ್ಕೆ ಬರೋ ಇರೋ ಇವ್ರು, ತಂಡಕ್ಕೆ ಸಪೋರ್ಟ್​ ಮಾಡೋದಷ್ಟೇ ಅಲ್ಲ.  ಪಂದ್ಯದ ವೇಳೆ ಎದುರಾಳಿ ತಂಡದ ಆಟಗಾರರನ್ನ ಸುಖಾ ಸುಮ್ಮನೆ ಕೆಣಕ್ತಾರೆ. ಸೋಷಿಯಲ್​ ಮೀಡಿಯಾಗಳಲ್ಲೂ ಆಟಗಾರರ ಕಾಲೆಳೆಯೋ ಕೆಲ್ಸ ಮಾಡ್ತಾರೆ. ಇವರ ಕುಚೇಷ್ಟೇ ಯಾವ ಮಟ್ಟಕ್ಕಿದೆ ಅಂದ್ರೆ, ಆಸ್ಟ್ರೇಲಿಯಾ -ಇಂಗ್ಲೆಂಡ್​ ನಡುವೆ ಪಂದ್ಯ ನಡೀತಾ ಇರೋ ಈ ಸಂದರ್ಭದಲ್ಲಿ ಭಾರತದ ವಿರಾಟ್​ ಕೊಹ್ಲಿಯನ್ನ ಕೆಣಕೋವಷ್ಟರಮಟ್ಟಿಗೆ.

ಟೆಸ್ಟ್​ ಕ್ರಿಕೆಟ್​ನಿಂದ ದೂರ ಸರಿದಿದ್ದ ಮೊಯಿನ್​ ಆಲಿ ಇದೀಗ ಕಮ್​ಬ್ಯಾಕ್​ ಮಾಡಿರೋ ಕಥೇ ನಿಮಗೆ ಗೊತ್ತೇ ಇದೆ. ಮಹತ್ವದ ಪಂದ್ಯಕ್ಕೆ ಕಮ್​ಬ್ಯಾಕ್​ ಮಾಡಿರೋ ಮೊಯಿನ್​, ಬೌಲಿಂಗ್​ ಮಿಂಚ್ತಾ ಇದ್ದಾರೆ. ಇಂಗ್ಲೆಂಡ್​​ ತಂಡದ ಫ್ಯಾನ್ ಕ್ಲಬ್​ ಆಗಿ ​ಬಾರ್ಮಿ ಆರ್ಮಿ ಸಂಭ್ರಮಿಸೋದ್ರಲ್ಲಿ ತಪ್ಪಿಲ್ಲ.. ಆದ್ರೆ, ವಿರಾಟ್​ ಕೊಹ್ಲಿಯನ್ನ ಎಳೆತಂದಿರೋದೆ ಈಗ ಭಾರತೀಯ ಅಭಿಮಾನಿಗಳನ್ನ ಕೆರಳಿಸಿದೆ.

ಇದೇ ಮೊದಲಲ್ಲ.. ಬಾರ್ಮಿ ಆರ್ಮಿಯ ಕುಚೇಷ್ಟೆ.!

ವಿರಾಟ್​ ಕೊಹ್ಲಿಯನ್ನ ಕೆಣಕಿದ್ದು, ಭಾರತೀಯ ಅಭಿಮಾನಿಗಳು ಖಡಕ್​ ಕ್ಲಾಸ್​ ತೆಗೆದುಕೊಂಡಿದ್ದ್ದು ಇದೆ ಮೊದಲಲ್ಲ.. ಈ ಹಿಂದೆಯೂ ಕೂಡ ಬಾರ್ಮಿ ಆರ್ಮಿ ಕೊಹ್ಲಿಯನ್ನ ಕೆಣಕಿತ್ತು. 2022ರ ಜುಲೈನಲ್ಲಿ ನಡೆದ ಏಕೈಕ ಟೆಸ್ಟ್​​ನಲ್ಲಿ ಕೊಹ್ಲಿ ಕಳಪೆ ಪ್ರದರ್ಶನ ನೀಡಿದ್ರು. ಈ ವೇಳೆ, ಬಾರ್ಮಿ ಆರ್ಮಿಯವರು, ಗುಡ್​​​​ ಬೈ ವಿರಾಟ್​ ಕೊಹ್ಲಿ ಅನ್ನೋ ಅರ್ಥದ ಪದಗಳನ್ನ ಮೈದಾನದಲ್ಲಿ ಕೂಗಿದ್ರು

ವಿರಾಟ್​​ ಕೊಹ್ಲಿ ಶತಕದ ಬರ ಎದುರಿಸಿದ ದಿನಗಳವು.. ಶತಕವಿಲ್ಲದೇ ಕೊಹ್ಲಿ 1000 ದಿನ ಪೂರೈಸಿದಾಗ ಬಾರ್ಮಿ ಆರ್ಮಿ 1000 DAYS ಎಂದು ಟ್ವೀಟ್​ ಮಾಡಿತ್ತು. ಆಗಲೂ ಕೆರಳಿದ್ದ ಕೊಹ್ಲಿ ಫ್ಯಾನ್ಸ್​ ಖಡಕ್​ ರೀಪ್ಲೆ ಕೊಟ್ಟಿದ್ರು.

ಟೀಕೆಗೆ ಕೊಹ್ಲಿ ಕೊಡ್ತಾರಾ ಖಡಕ್​ ಉತ್ತರ.?

ಬಾರ್ಮಿ ಆರ್ಮಿ ಹಳೆ ಟ್ವೀಟ್​ಗಳನ್ನ ಮಾಡಿದ್ದ ದಿನಕ್ಕೂ ಇಂದಿನ ದಿನಕ್ಕೂ ಸಿಕ್ಕಾಪಟ್ಟೆ ವ್ಯತ್ಯಾಸಯಿದೆ. ಅಂದು ಫಾರ್ಮ್​ ಕಳೆದುಕೊಂಡು ರನ್​ಗಳಿಕೆಗೆ ಪರದಾಡ್ತಿದ್ದ ಕೊಹ್ಲಿ, ಈಗ ಲೀಲಾಜಾಲವಾಗಿ ರನ್​ಗಳಿಸ್ತಿದ್ದಾರೆ.. ಮೂರು ಮಾದರಿಯಲ್ಲಿ ರನ್​ಕೊಳ್ಳೆ ಹೊಡೆದು ಹಳೆ ಖದರ್​ಗೆ ಮರಳಿದ್ದಾರೆ. ವೈಟ್​ಬಾಲ್​ ಕ್ರಿಕೆಟ್​​ ಇರಲಿ, ರೆಡ್​ಬಾಲ್​ ಕ್ರಿಕೆಟ್​ ಇರಲಿ.. ಎಲ್ಲಾ ಮಾದರಿಯಲ್ಲೂ ಶತಕದ ದಾಹ ನೀಗಿದೆ.

ಕೊಹ್ಲಿ ರಿಯಲ್​ ಖದರ್​ಗೆ ಮರಳಿರೋ ಇಂತಾ ಸಮಯದಲ್ಲಿ ಬಾರ್ಮಿ ಆರ್ಮಿ ಸುಖಾ ಸುಮ್ಮನೆ ಕೆಣಕಬಾರದಿತ್ತು. ಸದ್ಯಕ್ಕೇನೋ ಕೊಹ್ಲಿ ವಿಂಡೀಸ್​​ ಪ್ರವಾಸಕ್ಕೆ ಸಿದ್ಧತೆ ನಡೆಸ್ತಿದ್ದಾರೆ. ಆದ್ರೆ, ವಿರಾಟ್​ರ ಈ ವರ್ಷದ ಅಲ್ಟಿಮೇಟ್​ ಗುರಿ ಏಕದಿನ ವಿಶ್ವಕಪ್​ ಪಂದ್ಯವಾಗಿದೆ. ಹೇಳಿ ಕೇಳಿ ಯಾವುದನ್ನೂ ಸುಲಭಕ್ಕೆ ಮರೆಯೋ ಜಾಯಮಾನ ಕೊಹ್ಲಿದಲ್ಲ..  ಹೀಗಾಗಿ ಭಾರತದಲ್ಲಿ ನಡೆಯೋ ಏಕದಿನ ವಿಶ್ವಕಪ್ ವೇಳೆ ಇಂಗ್ಲೆಂಡ್​ ಎದುರಾಳಿಯಾದ್ರೆ, ಏನ್​ ಆಗುತ್ತೋ ದೇವರೆ ಬಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ