BBK11: ಬಿಗ್ ಬಾಸ್‌ ಮನೆಯಿಂದ ಆಚೆ ಬಾ.. ಗೋಲ್ಡ್ ಸುರೇಶ್‌ಗೆ ವರ್ತೂರು ನೇರ ಸವಾಲು; ಕಾರಣವೇನು?

ಬಿಗ್​ ಬಾಸ್​ ಸೀಸನ್​ 10 ಸೂಪರ್​ ಡೂಪರ್ ಹಿಟ್​. ಹ್ಯಾಪಿ ಬಿಗ್​ ಬಾಸ್​ ಅಂತ ಶುರುವಾದ ಶೋ ನೆಕ್ಸ್ಟ್​ ಲೆವಲ್​​ನಲ್ಲಿ ಹೈಪ್​ ಕ್ರಿಯೇಟ್​ ಮಾಡಿತ್ತು. ಈ ಯಶಸ್ಸಿಗೆ ಸ್ಪರ್ಧಿಗಳ ಆಯ್ಕೆ ಕೂಡ ಕಾರಣ. ಪ್ರತಿಯೊಂದು ಕ್ಯಾಟಗರಿಯಲ್ಲೂ ದಿ ಬೆಸ್ಟ್​ ವ್ಯಕ್ತಿತ್ವಗಳನ್ನ ಬಿಗ್​ ಮನೆಗೆ ತರಲಾಗಿತ್ತು.

ಬಿಗ್‌ ಬಾಸ್‌ ಸೀಸನ್​ 10ರ ಸ್ಪರ್ಧಿಗಳು ಅಷ್ಟೇ. ನಿರೀಕ್ಷೆಯಂತೆ ತಮ್ಮ ವ್ಯಕ್ತಿತ್ವಗಳನ್ನ ಬಿಟ್ಟುಕೊಡದೇ ಸೌಂಡ್​ ಮಾಡಿದ್ರು. ಮೋಸ್ಟ್​ ಪಾಪ್ಯೂಲರ್​ ಶೋ ಅನ್ನೋ ದಾಖಲೆ ಬರೆದರು. ಅದೇ ಫಾರ್ಮಲಾ ಬಳಸಿ ಸೀಸನ್​ 11ರ ಸ್ಪರ್ಧಿಗಳ ಲಿಸ್ಟ್​ ಸಜ್ಜು ಮಾಡಲಾಗಿತ್ತು ಅನ್ನೋದು ಮೇಲ್ನೋಟಕ್ಕೆ ಕಂಡು ಬಂದಿತ್ತು. ಪ್ರತಿಯೊಬ್ಬ ಸ್ಪರ್ಧಿಯನ್ನ ಹೋಲಿಕೆ ಮಾಡಲಾಗಿತ್ತು. ವರ್ತೂರು ಸಂತೋಷ್ ಅವರ ಸ್ಥಾನದಲ್ಲಿ ಗೋಲ್ಡ್​ ಸುರೇಶ್​ ಅವರನ್ನ ತರಲಾಗಿದೆ ಅನ್ನೋ ಮಾತುಗಳು ಕೇಳಿ ಬಂದಿದ್ದವು. ಈ ಬಗ್ಗೆ ಸಂದರ್ಶನ​​ ಒಂದರಲ್ಲಿ ವರ್ತೂರು ಸಂತೋಷ್​ಗೆ ಪ್ರಶ್ನೆ ಎದುರಾದಾಗ ಗರಂ ಆಗಿದ್ದಾರೆ.

ಇದನ್ನೂ ಓದಿ: ದೊಡ್ಮನೆಗೆ ಎಂಟ್ರಿ ಕೊಟ್ರು 2 ಕೋಟಿ ಬಂಗಾರ ಧರಿಸಿರೋ Gold Suresh; ಯಾರು ಈತ? 

ವರ್ತೂರು ಸಂತೋಷ್ ಈವಾಗಿನ ಕಾಲದಲ್ಲಿ 3 ಸಾವಿರ ರೂಪಾಯಿ ಗೋಲ್ಡ್​ ಹಾಕೊಂಡು ವಿಡಿಯೋ ಮಾಡೋರು ಇದ್ದಾರೆ. ಇನ್ನು ಒರಿಜಿನಲ್‌ ಕೋಟ್ಯಾಂತರ ರೂಪಾಯಿ ಖರ್ಚು ಮಾಡಿ ಗೋಲ್ಡ್‌ ಹಾಕಿರೋರ ಮರ್ಯಾದೆ ಏನಾಯ್ತು ಎಂದು ಟಾಂಗ್​ ಕೊಟ್ಟಿದ್ದಾರೆ.

ಮುಂದುವರೆದು ನನಗೆ ಆ ವ್ಯಕ್ತಿ ಗೊತ್ತಿಲ್ಲ ಆ ಬಗ್ಗೆ ನಾನು ಮಾತ್ನಾಡಲ್ಲ. ಆದ್ರೆ ಗೋಲ್ಡ್​ ಸುರೇಶ್​ ನನ್ನ ಬಗ್ಗೆ ಒಂದ್​ ಮಾತು​ ಮಾತನಾಡಿದ್ದಾರೆ. ಅವ್ರು ಹೊರಗಡೆ ಬಂದ್ಮೇಲೆ ಅದಕ್ಕೆ ಉತ್ತರ ಕೊಡ್ತೀನಿ. ಅವ್ರು ಇಲ್ದೇ ಇದ್ದಾಗ ನಾನು​ ಮಾತಾಡಲ್ಲ. ನೇರ ನೇರವಾಗಿಯೇ ಉತ್ತರ ಕೊಡ್ತೀನಿ. ಗೋಲ್ಡ್​ ಸುರೇಶ್​ ನಡೆದು ಬಂದ ಹಾದಿ ನಂಗೆ ಗೊತ್ತಿಲ್ಲ. ಬಿಗ್​ ಬಾಸ್​ ಮನೆಗೆ ಹೋದ್ಮೇಲೆ 50 ಅವ್ರ ಇಂಟರ್​ವ್ಯೂವ್ ಹೊರ ಬಂದಿವೆ. ಇದೆಲ್ಲಾ ಪ್ರೀ ಪ್ಲ್ಯಾನ್​ ಮಾಡಿರೋದು ಎಂದು ವರ್ತೂರು ಸಂತೋಷ್​ ಟಾಂಗ್​ ಕೊಟ್ಟಿದ್ದಾರೆ.

ಸೀಸನ್​​ 11ರ ಬಿಗ್​ ಬಾಸ್​ ಸ್ಪರ್ಧಿಗಳು ಸ್ಕ್ರಿಪ್ಟ್​ ಬರೆದುಕೊಂಡು ಬಂದಂಗೆ ಆಟ ಆಡುತ್ತಿದ್ದಾರೆ. ಐದು ನಿಮಿಷಕ್ಕೆ ಕಿತ್ತಾಡುತ್ತಾರೆ. ಇನ್​ ಐದು​ ನಿಮಿಷಕ್ಕೆ ಒಂದಾಗುತ್ತಾರೆ. ಮತ್ತೆ​ ಐದು​ ನಿಮಷಕ್ಕೆ ಅಳುತ್ತಾರೆ. ಇದೆಲ್ಲಾ ನೋಡಿದ್ರೆ ಸ್ಕ್ರಿಪ್ಟೆಡ್​ ಅನ್ನೋದು ಬಹಳ ಎವಿಡೆಂಟ್​​ ಆಗಿ ಕಾಣುತ್ತೆ ಎಂದಿದ್ದಾರೆ.

ಗೋಲ್ಡ್​ ಸುರೇಶ್​ ಬಿಗ್​ ಬಾಸ್​ ಮನೆಯಿಂದ ಹೊರಗಡೆ ಬಂದ್ಮೇಲೆ ನೇರ ನೇರ ಸುದ್ದಿಗೋಷ್ಟಿ ಮಾಡ್ತೀನಿ. ನನ್ನ ಬಗ್ಗೆ ಅವ್ರು ಆಡಿದ ಮಾತುಗಳಿಗೆ ಎದುರುಗೆ ಉತ್ತರ ಕೊಡ್ತಿನಿ ಅಂತ ಸವಾಲ್​ ಹಾಕಿದ್ದಾರೆ. ವರ್ತೂರ್​ ಸಂತೋಷ್​ ಅವರ ಈ ಹೇಳಿಕೆಗಳು ಸದ್ಯ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ