ಟೀಮ್​ ಇಂಡಿಯಾಗೆ ಭಾರೀ ಮುಖಭಂಗ; ಮುಖ್ಯ ಕೋಚ್​ ಗಂಭೀರ್​​ಗೆ ಬಿಸಿಸಿಐ ಕೊಟ್ಟ ವಾರ್ನಿಂಗ್​ ಏನು?

2024 ಟೀಮ್ ಇಂಡಿಯಾ ಕೋಚ್ ಗೌತಮ್ ಗಂಭೀರ್ ಪಾಲಿಗೆ, ಕರಾಳ ವರ್ಷವಾಗಿತ್ತು. ಕೋಚ್ ಹುದ್ದೆ ಅಲಂಕರಿಸಿದಾಗ, ಗಂಭೀರ್​​ ಮೇಲೆ ಸಾಕಷ್ಟು ನಿರೀಕ್ಷೆಗಳಿತ್ತು. ಆದ್ರೆ ಕಳೆದ ವರ್ಷ ಏಕದಿನ ಮತ್ತು ಟೆಸ್ಟ್ ಕ್ರಿಕೆಟ್​ನಲ್ಲಿ ಗಂಭೀರ್, ಕೋಚ್ ಆಗಿ ತೀವ್ರ ಮುಖಭಂಗ ಅನುಭವಿಸಿದ್ರು. ಸತತ ಸೋಲುಗಳಿಂದ ಕಂಗೆಟ್ಟಿರುವ ಬಿಸಿಸಿಐ ಬಿಗ್​ಬಾಸ್​ಗಳು, ಕೋಚ್ ಗಂಭೀರ್ ವಿರುದ್ಧ ಆಕ್ರೋಶಗೊಂಡಿದ್ದಾರೆ.

ಟೀಮ್ ಇಂಡಿಯಾದಲ್ಲಿ ಸದ್ಯ ಎಲ್ಲವೂ ಸರಿ ಇಲ್ಲ! ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಹಿನ್ನಡೆ ಅನುಭವಿಸಿದ ಬೆನ್ನಲ್ಲೇ ತಂಡದಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಯಾಗಿದೆ. ಬಿಸಿಸಿಐ ಬಿಗ್​ಬಾಸ್​ಗಳು ಕೆರಳಿ ಕೆಂಡವಾಗಿದ್ದಾರೆ. ಕೋಚ್ ಗೌತಮ್ ಗಂಭೀರ್ ವಿರುದ್ಧ ಸಿಡಿದೆದ್ದಿದ್ದಾರೆ.

ಮೆಲ್ಬರ್ನ್ ಟೆಸ್ಟ್ ಪಂದ್ಯವನ್ನ ಟೀಮ್ ಇಂಡಿಯಾ ಯಾವಾಗ ಕೈಚೆಲ್ಲಿತೋ, ಕೋಚ್ ಗೌತಮ್ ಗಂಭೀರ್​​​​​​ ಕುರ್ಚಿ ಅಲುಗಾಡ ತೊಡಗಿದೆ. ಸದ್ಯ ಕೋಚ್ ಗಂಭೀರ್ ಕಾರ್ಯವೈಖರಿ ಬಗ್ಗೆ ತೀವ್ರ ಅಸಮಾಧಾನಗೊಂಡಿರುವ ಮಂಡಳಿಯ ಅಧಿಕಾರಿಗಳು, ಗಂಭೀರ ಎಚ್ಚರಿಕೆ ನೀಡಿದ್ದಾರೆ.

ಗಂಭೀರ್ ವಿರುದ್ಧ ಬಿಸಿಸಿಐ ಫುಲ್ ಗರಂ..!

ಅಡಿಲೇಡ್​​ ಟೆಸ್ಟ್​ ಸೋಲು.. ! ಮೆಲ್ಬರ್ನ್​​ ಟೆಸ್ಟ್​​ ಪಂದ್ಯದಲ್ಲಿ ತೀವ್ರ ಮುಖಭಂಗ..! ಇದೇ ಬಿಗ್​ಬಾಸ್​​ಗಳನ್ನ ಕೆರಳಿ ಕೆಂಡದಂತೆ ಮಾಡಿರೋದು. ಅದ್ರಲ್ಲೂ ಟೀಮ್ ಇಂಡಿಯಾ ವರ್ಲ್ಡ್​ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್​​​​​ ಎಂಟ್ರಿ ಅತ್ಯಂತ ಕಠಿಣವಾಗಿರೋದ್ರಿಂದ, ಬಿಗ್​ಬಾಸ್​​ಗಳ ಕೋಪ ಮತ್ತಷ್ಟು ಹೆಚ್ಚಲು ಕಾರಣವಾಗಿದೆ. ಹೇಗಾದ್ರೂ ಮಾಡಿ ಕೊನೆಯ ಟೆಸ್ಟ್​ ಗೆಲ್ಲಿಸಬೇಕು, ಟೀಮ್​ ಇಂಡಿಯಾ ಸುಧಾರಿಸಬೇಕು. ಅದರ ಜವಾಬ್ದಾರಿ ನಿಮ್ಮದೇ ಎಂದು ಗಂಭೀರ್​​ಗೆ ವಾರ್ನಿಂಗ್​ ನೀಡಲಾಗಿದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾದಲ್ಲಿ ಈಗಲೂ ನಡೆಯೋದು ಕೊಹ್ಲಿ ಮಾತೇ; ವಿರಾಟ್​​ ಕಂಡ್ರೆ ಬಿಸಿಸಿಐಗೆ ಭಯ ಏಕೆ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ