IPLನಲ್ಲಿ ಒಬ್ಬೊಬ್ಬರಿಗೆ ಒಂದೊಂದು ನ್ಯಾಯ.. ಯಂಗ್ ಪ್ಲೇಯರ್​​ಗೆ ಬ್ಯಾನ್​ ಭೀತಿನಾ?

ಇಂಡಿಯನ್​ ಪ್ರೀಮಿಯರ್​​ ಲೀಗ್​ನಲ್ಲಿ ಸೂಪರ್​ ಸ್ಟಾರ್​​ಗಳಿಗೊಂದು ನ್ಯಾಯ, ಯುವ ಆಟಗಾರರಿಗೊಂದು ನ್ಯಾಯನಾ?. ಹೀಗೊಂದು ಚರ್ಚೆ ಸದ್ಯ ಕ್ರಿಕೆಟ್​ ವಲಯದಲ್ಲಿ ನಡೀತಿದೆ. ನೋಟ್​ಬುಕ್​ ಸೆಲಬ್ರೇಷನ್​ ಮಾಡಿ ಫೇಮಸ್​ ಆಗಿರುವ ದಿಗ್ವೇಶ್​ ರಾಠಿ ಈ ಚರ್ಚೆಗೆ ಕಾರಣವಾಗಿರುವ ಆಟಗಾರ. ಯಂಗ್​ಸ್ಟರ್ಸ್​​ VS ಸೀನಿಯರ್ಸ್​ ಡಿಬೆಟ್ ಯಾಕೆ ಅನ್ನೋದ್ರ ಡಿಟೇಲ್ಸ್​ ಇಲ್ಲಿದೆ.

IPL ಸೀಸನ್​​ 18ರಲ್ಲಿ ಬೌಂಡರಿ, ಸಿಕ್ಸರ್​ಗಳ ಅಬ್ಬರ ಎಷ್ಟು ಜೋರಾಗಿದೆ. ಪಂದ್ಯದಿಂದ ಪಂದ್ಯಕ್ಕೆ ರನ್​ಹೊಳೆ ಹರೀತಿದೆ. ಇದ್ರ ನಡುವೆ ಆಟಗಾರರ ಮೇಲೆ ದಂಡದ ಮೇಲೆ ದಂಡವೂ ಬೀಳ್ತಿದೆ. ಸ್ಲೋ ಓವರ್​ ರೇಟ್​, ಅಶಿಸ್ತಿನ ಕಾರಣಕ್ಕೆ ಹಲವು ಆಟಗಾರರ ಮೇಲೆ ದಂಡಾಸ್ತ್ರದ ಪ್ರಯೋಗವಾಗಿದೆ. ಸಂಜು ಸ್ಯಾಮ್ಸನ್​, ರಜತ್​ ಪಾಟಿದಾರ್​, ಗ್ಲೆನ್​ ಮ್ಯಾಕ್​ವೆಲ್, ಇಶಾಂತ್​ ಶರ್ಮಾ ಮೇಲೆ ಫೈನ್​ ಬಿದ್ದಿದೆ. ಆದ್ರೆ, ಇವರೆಲ್ಲರಿಗಿಂತ ಲಕ್ನೋನ ಯುವ ಆಟಗಾರ ದಿಗ್ವೇಶ್​ ರಾಠಿ ಮೇಲೆ ಬಿದ್ದಿರೋ ಫೈನ್​ ಪರ-ವಿರೋಧದ ಚರ್ಚೆಗೆ ಕಾರಣವಾಗಿದೆ.

ಮ್ಯಾಚ್​ ನಂ.13- ಎದುರಾಳಿ- ಪಂಜಾಬ್​ ಕಿಂಗ್ಸ್​​

ಎಕಾನ ಸ್ಟೇಡಿಯಂನಲ್ಲಿ ನಡೆದ ಪಂಜಾಬ್​ ವಿರುದ್ಧದ ಪಂದ್ಯದಲ್ಲಿ ಲಕ್ನೋ​ ತಂಡದ ಸ್ಪಿನ್ನರ್​ ದಿಗ್ವೇಶ್ ರಾಠಿ ಪವರ್​ ಪ್ಲೇನಲ್ಲೇ ಕಮಾಲ್ ಮಾಡಿದ್ರು. ಪಂಜಾಬ್​ ಓಪನರ್​​ ಪ್ರಿಯಾಂಶ್​ ಆರ್ಯ ವಿಕೆಟ್​ ಉರುಳಿಸಿ ನೋಟ್​ಬುಕ್​ ಸೆಲೆಬ್ರೇಷನ್​ ಮಾಡಿದರು. ಈ ಸೆಲೆಬ್ರೇಷನ್ನೇ ನೋಡಿ ಸದ್ಯ ಕ್ರಿಕೆಟ್​ ಲೋಕದಲ್ಲಿ ಹೊಸ ಡಿಬೆಟ್​ಗೆ ಕಾರಣವಾಗಿರೋದು. ಯಾಕಂದ್ರೆ, ಅಂದು ಮ್ಯಾಚ್​​ ರೆಫರಿ ಕೆಂಗಣ್ಣಿಗೆ ಗುರಿಯಾದ ದಿಗ್ವೇಶ್​ ರಾಠಿ ದಂಡಕ್ಕೆ ಗುರಿಯಾದ್ರು. ಇಷ್ಟೇ ಅಲ್ಲ, ಜೊತೆಗೆ ಒಂದು ಡಿಮೆರಿಟ್​ ಪಾಯಿಂಟ್​​ ಕೂಡ ಪಡೆದರು.

ಮ್ಯಾಚ್​ ನಂ.16- ಎದುರಾಳಿ- ಮುಂಬೈ ಇಂಡಿಯನ್ಸ್​

ಎಕಾನ ಮೈದಾನದಲ್ಲೇ ನಡೆದ ಮುಂಬೈ ಇಂಡಿಯನ್ಸ್​ ವಿರುದ್ಧದ ಪಂದ್ಯದಲ್ಲಿ ಮತ್ತೆ ದಿಗ್ವೇಶ್​ ನೋಟ್​ಬುಕ್​​ ಸೆಲಬ್ರೇಷನ್​ ಮಾಡಿದ್ರು. ಮುಂಬೈನ ನಮನ್​ಧೀರ್​ ಕ್ಲೀನ್​ ಬೋಲ್ಡ್​ ಮಾಡಿದ ದಿಗ್ವೇಶ್​ ನೋಟ್​ಬುಕ್​ ಸೆಲಬ್ರೇಷನ್​ ಮಾಡಿ ಸಂಭ್ರಮಿಸಿದರು. ಶಿಸ್ತು ಉಲ್ಲಂಘಿಸಿದ ಕಾರಣಕ್ಕೆ ಮತ್ತೊಮ್ಮೆ ಮ್ಯಾಚ್​ ರೆಫರಿ ದಂಡಾಸ್ತ್ರ ಪ್ರಯೋಗಿಸಿದರು.

30 ಲಕ್ಷಕ್ಕೆ ಸೇಲ್​.. 5,62,500ರೂ ಫೈನ್​.!

ಈ ದಿಗ್ವೇಶ್​ ರಾಠಿ ಹರಾಜಿನಲ್ಲಿ ಸೇಲ್​ ಆಗಿದ್ದು ಕೇವಲ 30 ಲಕ್ಷ ರೂಪಾಯಿಗೆ. ಬೇಸ್​ ಪ್ರೈಸ್​ ನೀಡಿ ಲಕ್ನೋ ಸೂಪರ್​ ಜೈಂಟ್ಸ್​ ಫ್ರಾಂಚೈಸಿ ಆಕ್ಷನ್​ನಲ್ಲಿ ಖರೀದಿಸಿತ್ತು. ಇದೀಗ ಈಗಾಗಲೇ 2 ಬಾರಿ ಮ್ಯಾಚ್​ ರೆಫರಿ ಕೆಂಗಣ್ಣಿಗೆ ಗುರಿಯಾಗಿರೋ ದಿಗ್ವೇಶ್​ ರಾಠಿ 5 ಲಕ್ಷದ, 62 ಸಾವಿರದ 500 ರೂಪಾಯಿ ಫೈನ್​ ಪಾವತಿಸಿದ್ದಾರೆ. ಅದಲ್ಲದೇ 2 ಡಿಮೆರಿಟ್​ ಪಾಯಿಂಟ್​ ಕೂಡ ಪಡೆದಿರೋದ್ರಿಂದ ಬ್ಯಾನ್​ ಭೀತಿಯೂ ಎದುರಾಗಿದೆ. ಇನ್ನೆರಡು ಡಿಮೆರಿಟ್​ ಪಾಯಿಂಟ್ಸ್​ ಬಂದ್ರೆ 1 ಪಂದ್ಯದಿಂದ ಹೊರಗೆ ಕೂರಬೇಕಾಗುತ್ತದೆ.

ಸೀನಿಯರ್ಸ್​ಗೊಂದು ನ್ಯಾಯ.? ಯಂಗ್​​ಸ್ಟರ್ಸ್​​ಗೊಂದು ನ್ಯಾಯ.?

ದಿಗ್ವೇಶ್​​ ರಾಠಿಗೆ ಫೈನ್​ ಹಾಕಿರೋದು ಸದ್ಯ ಹಾಟ್​ ಡಿಬೆಟ್​ಗೆ ಕಾರಣವಾಗಿದೆ. ಇದೇ ಐಪಿಎಲ್​ನಲ್ಲಿ ಇನ್ನೂ ಹಲವು ಆಟಗಾರರು ಅತಿರೇಕದ ಸಂಭ್ರಮಾಚರಣೆ ಮಾಡಿದ್ದಿದೆ. ಟೀಮ್​ ಇಂಡಿಯಾದ ಸೂಪರ್​ ಸ್ಟಾರ್​ಗಳೇ ಅತಿಯಾಗಿ ಸಂಭ್ರಮಾಚರಣೆ ಮಾಡಿದ್ದಾರೆ. ಆದ್ರೆ, ಅವರಿಗಿಲ್ಲದ ದಂಡ, ಈ ಯುವ ಆಟಗಾರ ಮೇಲ್ಯಾಕೆ ಅನ್ನೋದು ಕ್ರಿಕೆಟ್​ ವಲಯದ ಪ್ರಶ್ನೆಯಾಗಿದೆ. ಮಾಜಿ ಕ್ರಿಕೆಟಿಗ, ಐಪಿಎಲ್​ನಲ್ಲಿ ಕಾಮೆಂಟೇಟೆರ್​​ ಆಗಿ ಕಾರ್ಯ ನಿರ್ವಹಿಸ್ತಾ ಇರೋ ಸೈಮನ್​ ಡೌಲ್​​ ಕೂಡ ಈ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ.

ಹಿರಿಯ ಆಟಗಾರರಿಗೆ ಯಾಕಿಲ್ಲ.?

ನನಗಿದು ಇಷ್ಟವಾಗಿಲ್ಲ. ನನ್ನ ಪ್ರಕಾರ ಆತ ಏನೂ ತಪ್ಪು ಮಾಡಿಲ್ಲ. ಟೀಮ್​ ಇಂಡಿಯಾದ ಕೆಲ ಹಿರಿಯ ಆಟಗಾರರು ಇದಕ್ಕಿಂತ ಹೆಚ್ಚಿನ ಸಂಭ್ರಮಾಚರಣೆ ಮಾಡ್ತಾರೆ. ಆದ್ರೆ, ಅವರಿಗೆ ದಂಡ ಬೀಳಲ್ಲ. ಆದ್ರೆ, ಯುವ ಆಟಗಾರನಿಗೆ ದಂಡ ವಿಧಿಸುತ್ತಿದ್ದಾರೆ. ಪ್ರಿಯಾಂಶ್​ ಆರ್ಯ ಮತ್ತು ದಿಗ್ವೇಶ್​ ರಾಠಿ ಗೆಳೆಯರು. ಗೆಳೆತನ ಸಲುಗೆಯಲ್ಲಿ ಆತ ಸಂಭ್ರಮಿಸಿರಬಹುದು.

ಸೈಮನ್​ ಡೌಲ್​, ಮಾಜಿ ಕ್ರಿಕೆಟಿಗ

ಇದನ್ನೂ ಓದಿ: CSK ಪ್ಲೇ ಆಫ್​ ಹಾದಿ ಭಾರೀ ಕಠಿಣ.. ಕೂಲ್​ ಕ್ಯಾಪ್ಟನ್ ಧೋನಿ​ ಮುಂದೆ ಸಾಲು ಸಾಲು ಚಾಲೆಂಜಸ್​.!

ಸೈಮನ್​ ಡೌಲ್​ ಹೇಳಿದಂತೆ ಐಪಿಎಲ್​ ಅಖಾಡದಲ್ಲಿ ತಂಡ ಗೆದ್ದಾಗ, ವಿಕೆಟ್​ ಉರುಳಿದಾಗ ಹಲವಾರು ಸೀನಿಯರ್​ ಆಟಗಾರರು ಇದಕ್ಕಿಂತ ಹೆಚ್ಚಿನ ಅಗ್ರೆಸ್ಸಿಸ್​ ಸೆಲಬ್ರೇಷನ್​ ಮಾಡ್ತಿದ್ದಾರೆ. ಇದಕ್ಕೆ ವಿರಾಟ್​ ಕೊಹ್ಲಿಗಿಂತ ಬೆಸ್ಟ್​ ಎಕ್ಸಾಂಪಲ್​ ಬೇಕಿಲ್ಲ. ಮುಂಬೈನಲ್ಲಿ ಗೆದ್ದಾಗ ಕೊಹ್ಲಿ ಅಗ್ರೆಸ್ಸಿವ್​ ಆಗಿ ಸಂಭ್ರಮಿಸಿದ ವಿಡಿಯೋಗಳು ಈಗಲೂ ಟ್ರೆಂಡಿಂಗ್​​ನಲ್ಲಿದೆ.

ಕೊಹ್ಲಿ ಮಾತ್ರವಲ್ಲ, ಇನ್ನೂ ಹಲವು ಆಟಗಾರರು ಹೀಗೆ ಸೆಲೆಬ್ರೇಟ್​ ಮಾಡಿದ್ದಾರೆ. ಆದ್ರೆ, ಅವರ್ಯಾರಿಗೂ ಫೈನ್​ ಬಿದ್ದಿಲ್ಲ. ಯುವ ಆಟಗಾರನ ಮೇಲೆ ದಂಡಾಸ್ತ್ರ ಪ್ರಯೋಗಿಸಿ, ಸೂಪರ್​ ಸ್ಟಾರ್​​ಗಳನ್ನ ಟಚ್​ ಮಾಡದೇ ಇರೋದು ಇಬ್ಬಿಗೆಯ ನೀತಿಯನ್ನ ಬಟಾ ಬಯಲು ಮಾಡಿದೆ. ಮುಂದಾದ್ರೂ ಈ ನೀತಿ ಬದಲಾಗಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ