/newsfirstlive-kannada/media/post_attachments/wp-content/uploads/2024/07/Rohit_sharma-CUp.jpg)
ಶ್ರೀಲಂಕಾ ಪ್ರವಾಸದ ಟೀಮ್ ಇಂಡಿಯಾ ಸೆಲೆಕ್ಷನ್ಗೆ ಕೌಂಟ್ಡೌನ್ ಶುರುವಾಗಿದ್ದು, ಏಕದಿನ ಸರಣಿಗೆ ಟೀಮ್ ಸೆಲೆಕ್ಷನ್ ದೊಡ್ಡ ತಲೆನೋವು ತಂದಿಟ್ಟಿದೆ. ರೋಹಿತ್ ಶರ್ಮಾ ಉತ್ತರಾಧಿಕಾರಿಯನ್ನ ನೇಮಿಸೋ ದೊಡ್ಡ ಜವಾಬ್ದಾರಿ ಅಜಿತ್ ಅಗರ್ಕರ್, ಗೌತಮ್ ಗಂಭೀರ್ ಹೆಗಲೇರಿದೆ. ನಾಯಕನ ಪಟ್ಟವೇರಲು ಆಟಗಾರರ ದಂಡೇ ರೆಡಿಯಿದೆ.
ಜಿಂಬಾಬ್ವೆ ಪ್ರವಾಸದ ದಿಗ್ವಿಜಯದ ಬೆನ್ನಲ್ಲೇ ಲಂಕೆಗೆ ಹಾರಲು ಟೀಮ್ ಇಂಡಿಯಾ ಸಜ್ಜಾಗಿದೆ. ಜುಲೈ 27ರಿಂದ ಆರಂಭವಾಗಲಿರೋ ಟಿ20 ಹಾಗೂ ಏಕದಿನ ಸರಣಿಗೆ ಸಿದ್ಧತೆಗಳು ಶುರುವಾಗಿವೆ. ಈ ಮಧ್ಯೆ ಹೆಡ್ಕೋಚ್ ಗೌತಮ್ ಗಂಭೀರ್, ಚೀಫ್ ಸೆಲೆಕ್ಟರ್ ಅಜಿತ್ ಅಗರ್ಕರ್ ಮುಂದೆ ನಾಯಕನ ಆಯ್ಕೆಯ ಸವಾಲು ಎದುರಾಗಿದೆ.
ಇದನ್ನೂ ಓದಿ:ಬಯಲಾಯ್ತು ಗಂಗೂಲಿ ಅಸಲಿ ಮುಖವಾಡ.. ಕ್ರೆಡಿಟ್ ಆಸೆಗಾಗಿ ಸತ್ಯ ಒಪ್ಪಿಕೊಂಡ ದಾದಾ..!
ಟೀಮ್ ಸೆಲೆಕ್ಷನ್ಗೂ ಮುನ್ನ ಹೊಸ ತಲೆನೋವು
ಶ್ರೀಲಂಕಾ ಪ್ರವಾಸದ ಏಕದಿನ ಸರಣಿಯಿಂದ ರೋಹಿತ್ ರೆಸ್ಟ್ ಪಡೆಯೋ ಸಾಧ್ಯತೆಯಿದೆ. ಹೀಗಾಗಿ ಏಕದಿನ ತಂಡದ ನಾಯಕನ್ಯಾರು ಎಂಬ ಪ್ರಶ್ನೆ ಹುಟ್ಟಿದೆ. ಮುಂದಿನ ವರ್ಷ ನಡೆಯೋ ಚಾಂಪಿಯನ್ ಟ್ರೋಫಿ ಬಳಿಕ ರೋಹಿತ್ ಏಕದಿನ ಫಾರ್ಮೆಟ್ಗೆ ಗುಡ್ ಬೈ ಹೇಳೋ ಸಾಧ್ಯತೆಯಿದೆ. 2027ರಲ್ಲಿ ಏಕದಿನ ವಿಶ್ವಕಪ್ ನಡೆಯಲಿದೆ. ಹೀಗಾಗಿ ರೋಹಿತ್ಗೆ ಪರ್ಯಾಯ ನಾಯಕನನ್ನ ಈಗಿನಿಂದಲೇ ಬೆಳೆಸಬೇಕಿದ್ದು, ಗೌತಮ್ ಗಂಭೀರ್ ಮುಂದೆ ಬಿಗ್ ಟಾಸ್ಕ್ ಇದೆ.
ಕನ್ನಡಿಗ ರಾಹುಲ್ಗೆ ಅದೃಷ್ಟ ಒಲಿಯುತ್ತಾ?
ಏಕದಿನ ನಾಯಕತ್ವದ ರೇಸ್ನಲ್ಲಿ ಕೆ.ಎಲ್ ರಾಹುಲ್ ಮುಂಚೂಣಿಯಲ್ಲಿದ್ದಾರೆ. ಉತ್ತಮ ಟ್ರ್ಯಾಕ್ ರೆಕಾರ್ಡ್ ಹೊಂದಿರುವ ರಾಹುಲ್ಗೆ ನಾಯಕನಾಗಿ ತಂಡವನ್ನ ಮುನ್ನಡೆಸಿದ ಅನುಭವವೂ ಇದೆ. ಗಂಭೀರ್ ಲಕ್ನೋ ತಂಡದ ಮೆಂಟರ್ ಆಗಿದ್ದಾಗ ರಾಹುಲ್ ನಾಯಕನಾಗಿದ್ರು. ರಾಹುಲ್ ಸಾಮರ್ಥ್ಯದ ಬಗ್ಗೆ ಗಂಭೀರ್ಗೆ ಅರಿವಿರೋದ್ರಿಂದ ಕನ್ನಡಿಗನಿಗೆ ಅದೃಷ್ಟ ಒಲಿಯೋ ಸಾಧ್ಯತೆಯಿದೆ.
ಇದನ್ನೂ ಓದಿ:ಡೆಲ್ಲಿ ಕ್ಯಾಪಿಟಲ್ಸ್ಗೆ ಬಿಗ್ ಶಾಕ್ ಕೊಟ್ಟ ಪಂತ್.. ತಂಡ ತೊರೆಯಲು ನಿರ್ಧಾರ.. ಆಗಿದ್ದೇನು..?
ಶ್ರೇಯಸ್ ಅಯ್ಯರ್ಗೆ ಮಣೆ ಹಾಕ್ತಾರಾ?
ಟೀಮ್ ಇಂಡಿಯಾದಿಂದ ಕೆಲ ಕಾಲದಿಂದ ಹೊರಬಿದ್ದಿರೋ ಶ್ರೇಯಸ್ ಅಯ್ಯರ್ ಕಮ್ಬ್ಯಾಕ್ ಮಾಡಿ ನಾಯಕನಾದ್ರೂ ಅಚ್ಚರಿ ಪಡಬೇಕಿಲ್ಲ. ಗಂಭೀರ್ ಹಾಗೂ ಶ್ರೇಯಸ್ ಒಟ್ಟಾಗಿ ಕೆಲಸ ಮಾಡಿ ಕೆಕೆಆರ್ ತಂಡವನ್ನು ಚಾಂಪಿಯನ್ ಮಾಡಿದ್ದಾರೆ. ಇಬ್ಬರ ಕೆಮಿಸ್ಟ್ರಿ ಚೆನ್ನಾಗಿದೆ. ಶ್ರೇಯಸ್ ವಯಸ್ಸು 29 ಆಗಿದ್ದು, ಟೀಮ್ ಇಂಡಿಯಾದ ಭವಿಷ್ಯದ ನಾಯಕರಾಗಿ ಬೆಳೆಸಬಹುದು. ಹೀಗಾಗಿ ಶ್ರೇಯಸ್ಗೆ ಮಣೆ ಹಾಕಿದ್ರೂ ಅಚ್ಚರಿಪಡಬೇಕಿಲ್ಲ.
ಡೇರ್ ಡೆವಿಲ್ ಪಂತ್ಗೆ ಪಟ್ಟ ಕಟ್ತಾರಾ?
ಯುವ ಆಟಗಾರ ರಿಷಭ್ ಪಂತ್ರನ್ನು ಬಹು ಹಿಂದಿನಿಂದಲೇ ಬಿಸಿಸಿಐ ಮಟ್ಟದಲ್ಲಿ ಭವಿಷ್ಯದ ಕ್ಯಾಪ್ಟನ್ ಆಗಿ ಬೆಳೆಸೋ ಪ್ರಯತ್ನ ನಡೆದಿತ್ತು. ಪಂತ್ಗೆ ಅಪಘಾತವಾದ ಬಳಿಕ ಆ ಪ್ಲಾನ್ ನಿಂತಿತ್ತು. ಇದೀಗ ರಿಷಭ್ ಪಂತ್ ಸಾಲಿಡ್ ಕಮ್ಬ್ಯಾಕ್ ಮಾಡಿದ್ದಾರೆ. ಮೂರೂ ಫಾರ್ಮೆಟ್ನಲ್ಲಿ ಪಂತ್ ಸಾಮರ್ಥ್ಯ ನಿರೂಪಿಸಿರೋದ್ರಿಂದ ಮತ್ತೆ ನಾಯಕತ್ವಕ್ಕೆ ಪರಿಗಣಿಸೋ ಸಾಧ್ಯತೆಯಿದೆ.
ವೈಟ್ ಬಾಲ್ ಫಾರ್ಮೆಟ್ಗೇ ಹಾರ್ದಿಕ್ ನಾಯಕ?
ಟಿ20 ಫಾರ್ಮೆಟ್ನ ಖಾಯಂ ನಾಯಕನಾಗಿ ಹಾರ್ದಿಕ್ ಪಾಂಡ್ಯ ಗುರುತಿಸಿಕೊಂಡಿದ್ದಾರೆ. ಶ್ರೀಲಂಕಾ ಪ್ರವಾಸದ ಟಿ20 ಸರಣಿಯಲ್ಲೂ ಹಾರ್ದಿಕ್ ತಂಡವನ್ನ ಮುನ್ನಡೆಸೋದು ಬಹುತೇಕ ಪಕ್ಕಾ ಆಗಿದೆ. ಹಾರ್ದಿಕ್ ಏಕದಿನ ತಂಡಕ್ಕೂ ನಾಯಕನಾದ್ರೂ ಅಚ್ಚರಿ ಪಡಬೇಕಿಲ್ಲ. ಕೋಚ್ ಹುದ್ದೆಗೆ ಗಂಭೀರ್ ನೇಮಕ ಮಾಡುವ ಸಂದರ್ಭದಲ್ಲಿ ಬಿಸಿಸಿಐ ಹಾರ್ದಿಕ್ ಜೊತೆ ಮಾತ್ರ ಚರ್ಚಿಸಿತ್ತು. ಈ ಚರ್ಚೆ ಭವಿಷ್ಯದ ನಾಯಕನ ಸುಳಿವು ನೀಡಿದೆ. ಹೀಗಾಗಿ ವೈಟ್ಬಾಲ್ ಫಾರ್ಮೆಟ್ಗೆ ಹಾರ್ದಿಕ್ ನಾಯಕನಾಗಿ ನೇಮಕವಾದ್ರೂ ಅಚ್ಚರಿಯಿಲ್ಲ.
ಇದನ್ನೂ ಓದಿ:‘ಸ್ವಲ್ಪದ್ರಲ್ಲೇ ನನ್ನ ಸಾವು ತಪ್ಪಿತು..’ 7 ಮಂದಿ ಬಲಿ ಪಡೆದ ಗುಡ್ಡ ಕುಸಿತದ ಭಯಾನಕ ಕ್ಷಣ ಬಿಚ್ಚಿಟ್ಟ ಪ್ರತ್ಯಕ್ಷದರ್ಶಿ
ಅನುಭವಿ ಬೂಮ್ರಾಗೆ ಅವಕಾಶ ಸಿಗುತ್ತಾ?
ತಂಡದ ಹಿರಿಯ ವೇಗಿ ಜಸ್ಪ್ರಿತ್ ಬೂಮ್ರಾಗೆ ನಾಯಕನ ಪಟ್ಟ ಒಲಿಯೋ ಸಾಧ್ಯತೆಯೂ ಇದೆ. ತಂಡವನ್ನ ಸಮರ್ಥವಾಗಿ ಮುನ್ನಡೆಸೋ ಸಾಮರ್ಥ್ಯ ಪ್ಲಸ್ ಅಪಾರ ಅನುಭವ ಹಾಗೂ ಚಾಣಾಕ್ಷತೆ ಬೂಮ್ರಾಗಿದೆ. ಬೂಮ್ರಾ ಜೊತೆಗೆ ಜಿಂಬಾಬ್ವೆ ಪ್ರವಾಸದಲ್ಲಿ ನಾಯಕತ್ವದ ಟೆಸ್ಟ್ ಪಾಸ್ ಆಗಿರೋ ಶುಭ್ಮನ್ ಗಿಲ್ ಕೂಡ ಕ್ಯಾಪ್ಟನ್ಸಿ ರೇಸ್ನಲ್ಲಿದ್ದಾರೆ. ಒಟ್ಟಿನಲ್ಲಿ, ನಾಯಕನ ಪಟ್ಟಕ್ಕಾಗಿ ಹಲವರ ನಡುವೆ ರೇಸ್ ಏರ್ಪಟ್ಟಿದ್ದು, ಕೋಚ್ ಗೌತಮ್ ಗಂಭೀರ್, ಸೆಲೆಕ್ಟರ್ ಅಜಿತ್ ಅಗರ್ಕರ್ ಯಾರಿಗೆ ಮಣೆ ಹಾಕ್ತಾರೆ ಕಾದು ನೋಡಬೇಕಿದೆ.
ವಿಶೇಷ ಸೂಚನೆ: ಕ್ರಿಕೆಟ್ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್