ಕೊಹ್ಲಿ, ರೋಹಿತ್​ಗೆ ಮತ್ತೆ ವಾರ್ನಿಂಗ್​​ ಕೊಟ್ಟ ಬಿಸಿಸಿಐ? ಇಬ್ಬರ ಮುಂದಿನ ನಡೆಯೇನು?

ಇತ್ತೀಚೆಗೆ ಮೆಲ್ಬರ್ನ್ ಇಂಟರ್​​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ ಟೆಸ್ಟ್​ ಪಂದ್ಯದ 2 ಇನ್ನಿಂಗ್ಸ್​ನಲ್ಲಿ ಕ್ಯಾಪ್ಟನ್​ ರೋಹಿತ್​ ಶರ್ಮಾ 12 ರನ್​ಗಳಿಗೆ ಸುಸ್ತಾದ್ರೆ, ವಿರಾಟ್ ಮತ್ತದೇ ತಪ್ಪಿಗೆ ವಿಕೆಟ್ ಒಪ್ಪಿಸಿ 2 ಇನ್ನಿಂಗ್ಸ್​ಗಳಿಂದ 41 ರನ್ ಗಳಿಸಿದ್ರು. ಮಹತ್ವದ ಪಂದ್ಯದಲ್ಲಿ ಜಾವಾಬ್ದಾರಿಯುತ ಬ್ಯಾಟಿಂಗ್ ಮಾಡಿರೋ ಈ ದಿಗ್ಗಜರ ಭವಿಷ್ಯದ ಬಗ್ಗೆ ಚರ್ಚೆ ಜೋರಾಗಿದೆ.

ಕೊಹ್ಲಿ, ರೋಹಿತ್​ ಕಳಪೆ ಪ್ರದರ್ಶನ

ಪ್ರಸಕ್ತ ಬಾರ್ಡರ್ ಗವಾಸ್ಕರ್ ಟೆಸ್ಟ್​ ಸಿರೀಸ್​ನಲ್ಲಿ ರೋಹಿತ್, 5 ಇನ್ನಿಂಗ್ಸ್​ಗಳಿಂದ 6.2ರ ಆವರೇಜ್​ನಲ್ಲಿ 31 ರನ್ ಗಳಿಸಿದ್ರೆ, ವಿರಾಟ್​ 7 ಇನ್ನಿಂಗ್ಸ್​ಗಳಿಂದ 27.8ರ ಬ್ಯಾಟಿಂಗ್ ಆವರೇಜ್​ನಲ್ಲಿ 167 ರನ್ ಗಳಿಸಿದ್ದಾರೆ. ಒಂದು ಶತಕ ಸಿಡಿಸಿದ್ದೆ ಬೆಸ್ಟ್​ ಪರ್ಫಾಮೆನ್ಸ್.

2024ರಲ್ಲಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ಪ್ರದರ್ಶನ

ಆಸ್ಟ್ರೇಲಿಯಾ ನೆಲದಲ್ಲಿ ಮಾತ್ರವಲ್ಲ. 2024ರ ಇಡೀ ವರ್ಷ ಇವರಿಬ್ರು ಪರದಾಡಿದ್ದಾರೆ. 26 ಇನ್ನಿಂಗ್ಸ್​ಗಳಿಂದ ರೋಹಿತ್, 24.76 ಬ್ಯಾಟಿಂಗ್ ಸರಾಸರಿಯಲ್ಲಿ 619 ರನ್​ಗಳಿಸಿದ್ದು, 2 ಅರ್ಧಶತಕ, 2 ಶತಕ ದಾಖಲಿಸಿದ್ದಾರೆ. ಇನ್ನು ವಿರಾಟ್, 17 ಇನ್ನಿಂಗ್ಸ್​ಗಳಿಂದ 24.52ರ ಬ್ಯಾಟಿಂಗ್ ಸರಾಸರಿಯಲ್ಲಿ 417 ರನ್ ಗಳಿಸಿದ್ದಾರೆ. 1 ಶತಕ, 1 ಅರ್ಧಶತಕ ಸಿಡಿಸಿದ್ದೆ ಕೊಹ್ಲಿಯ ಮಹಾ ಸಾಧನೆಯಾಗಿದೆ. ಹೀಗಾಗಿ ಇವರು ನಿವೃತ್ತಿ ಆಗಲಿದ್ದಾರಾ? ಅನ್ನೋ ಸಂಶಯ ಮೂಡಿದೆ.

ನಿವೃತ್ತಿ ವದಂತಿ ತಳ್ಳಿ ಹಾಕಿದ ರೋಹಿತ್​​

ಇನ್ನು, ನಿವೃತ್ತಿ​ ಬಗೆಗಿನ ವದಂತಿಯನ್ನ ಕ್ಯಾಪ್ಟನ್​​ ರೋಹಿತ್​ ಶರ್ಮಾ ಅವರು ಪರೋಕ್ಷವಾಗಿ ತಳ್ಳಿಹಾಕಿದ್ದಾರೆ. ವಿರಾಟ್​ ಈ ವಿಚಾರದಲ್ಲಿ ಇನ್ನೂ ಮೌನವಾಗಿದ್ದಾರೆ. ಸತತ ವೈಫಲ್ಯದಿಂದ ಬಳಲುತ್ತಿರುವ ವಿರಾಟ್, ಸಿಡ್ನಿ ಟೆಸ್ಟ್ ಮುಕ್ತಾಯದ ಬೆನ್ನಲ್ಲೇ ಘೋಷಿಸ್ತಾರೆ ಎನ್ನಲಾಗ್ತಿದೆ. ಆದ್ರೆ, ರೋಹಿತ್ ಅಡ್ಡಗೋಡೆಯ ಮೇಲೆ ದೀಪ ಇಟ್ಟಿರೋದ್ರಿಂದ ಕೊಹ್ಲಿ ಮುಂದಿನ ನಡೆ ಏನು ಅನ್ನೋದು ಕ್ಯೂರಿಯಾಸಿಟಿ ಹುಟ್ಟಿಸಿದೆ.

ಬಿಸಿಸಿಐ ಸೆಲೆಕ್ಟರ್​ಗಳ ಉತ್ತರ ಏನು?

ಕಳೆದೊಂದು ವರ್ಷದಿಂದ ರೋಹಿತ್, ವಿರಾಟ್ ಉತ್ತಮ ಪ್ರದರ್ಶನ ನೀಡ್ತಿಲ್ಲ. ಸದ್ಯ ಆಸ್ಟ್ರೇಲಿಯಾದಲ್ಲೂ ಅಟ್ಟರ್ ಫ್ಲಾಫ್ ಆಗಿದ್ದಾರೆ. ಇವರ ಪ್ರದರ್ಶನ ಕಣ್ತುಂಬಿಕೊಂಡ ಎಲ್ಲರಿಂದ ಟೀಕೆ, ಟಿಪ್ಪಣೆಗಳು ಕೇಳಿ ಬರ್ತಿವೆ. ಈಗಾಗಲೇ ಬಾರ್ಡರ್​ ಗವಾಸ್ಕರ್ ಟೆಸ್ಟ್​ನಲ್ಲಿ ಪ್ರದರ್ಶನ ನೀಡಿದ್ರಷ್ಟೇ ಚಾನ್ಸ್ ಎಂದಿರುವ ಟೀಮ್ ಮ್ಯಾನೇಜ್​ಮೆಂಟ್ ಆ್ಯಂಡ್ ಬಿಸಿಸಿಐ, ರೋಹಿತ್, ವಿರಾಟ್​ ಕೊಹ್ಲಿಗೆ ಸಿಡ್ನಿ ಟೆಸ್ಟ್​ ಬಳಿಕ ಮನೆಗೆ ನಡೆಯಿರಿ ಎಂದು ಬಿಸಿಸಿಐ ವಾರ್ನಿಂಗ್​ ನೀಡಿದೆ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ:ಕ್ಯಾಪ್ಟನ್​​ ರೋಹಿತ್​​ ವಿರುದ್ಧ ​​ಅಸಮಾಧಾನ ಹೊರಹಾಕಿದ ಕೋಚ್​ ಗಂಭೀರ್; ಇಬ್ಬರ ಮಧ್ಯೆ ಆಗಿದ್ದೇನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ