ಬೆಡ್, ಟಾಯ್ಲೆಟ್, ಮಿನಿ ಫ್ರಿಡ್ಜ್.. ಅಮೆರಿಕ B-2 ಯುದ್ಧ ವಿಮಾನದೊಳಗೆ ಏನೇನಿದೆ..?

ಅಮೆರಿಕಾದ ಬಿ-2 ಬಾಂಬರ್ ಯುದ್ಧ ವಿಮಾನಗಳು ಕಳೆದ ಶನಿವಾರ ಇರಾನ್​ ಮೇಲೆ ದಾಳಿ ನಡೆಸಿದ್ದವು. ಅಮೆರಿಕಾದ ಮಿಸ್ಸೂರಿ ವಾಯುನೆಲೆಯಿಂದ ಟೇಕಾಫ್ ಆಗಿದ್ದ ಯುದ್ದ ವಿಮಾನಗಳು ನಿರಂತರ 37 ಗಂಟೆ ಹಾರಾಟ ನಡೆಸಿ ದಾಳಿ ನಡೆಸಿದ್ದು ವಿಶೇಷ. ಬಿ-2 ಸ್ಟೀಲ್ತ್ ಬಾಂಬರ್ ಯುದ್ಧ ವಿಮಾನಗಳು ಮಾಮೂಲಿ ಯುದ್ಧ ವಿಮಾನಗಳಂತೆ ಅಲ್ಲ. ಸಾಕಷ್ಟು ವಿಶೇಷತೆಯನ್ನು ಹೊಂದಿರುವ ವಿಮಾನಗಳು.

ಬರೀ ಹಕ್ಕಿಯಂತೆ ಅಗಸದಲ್ಲಿ ಹಾರಾಟ ಮಾತ್ರ ನಡೆಸಲ್ಲ. ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನ ಬರೀ ಯುದ್ಧ ವಿಮಾನವೂ ಅಲ್ಲ. ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನವೂ ವಿಶ್ವದ ಅತ್ಯಂತ ಅಡ್ವಾನ್ಸಡ್ ಯುದ್ಧ ವಿಮಾನ. ಈ ಯುದ್ಧ ವಿಮಾನದೊಳಗೆ ಬಂಕ್, ಸ್ನಾಕ್ಸ್, ಮೈಕ್ರೋವೇವ್, ಬೆಡ್, ಟಾಯ್ಲೆಟ್, ಫುಡ್ ಸೇರಿದಂತೆ ಸುದೀರ್ಘ ಅವಧಿಗೆ ಸಮಯ ಕಳೆಯಲು ಬೇಕಾದ ಎಲ್ಲ ವ್ಯವಸ್ಥೆಗಳೂ ಇವೆ ಅನ್ನೋದು ವಿಶೇಷ.

ಇದನ್ನೂ ಓದಿ: AI ಇಂದ IT ಉದ್ಯೋಗಗಳಿಗೆ ಧಕ್ಕೆ ಇಲ್ಲ.. ಇನ್ಫೋಸಿಸ್ ದಿಗ್ಗಜ ಎನ್‌.ಆರ್ ನಾರಾಯಣಮೂರ್ತಿ ಹೇಳಿದ್ದು ಏನು?

ಯುದ್ಧ ವಿಮಾನಗಳಲ್ಲಿ ಪೈಲಟ್​ಗಳು ಕುಳಿತುಕೊಳ್ಳಲು ಬಿಟ್ಟರೆ ಬೇರೆ ಜಾಗ ಇರೋದಿಲ್ಲ. ಯುದ್ಧ ವಿಮಾನಗಳು ಕಮರ್ಷಿಯಲ್ ಪ್ರಯಾಣಿಕರ ವಿಮಾನಗಳಂತೆ ವಿಶಾಲವಾಗಿ ಇರೋದಿಲ್ಲ. ಆದರೆ ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನದಲ್ಲಿ ಪೈಲಟ್​ಗಳು ಎರಡು ಮೂರು ದಿನಗಳವರೆಗೂ ಇರಲು ಬೇಕಾದ ವ್ಯವಸ್ಥೆಗಳಿವೆ. ಬಿ-2 ಸ್ಟೀಲ್ತ್ ಯುದ್ಧ ವಿಮಾನವನ್ನು ವೈರಿಗಳನ್ನು ಸೋಲಿಸಲು, ವೈರಿಗಳ ಏರ್ ಡಿಫೆನ್ಸ್ ಸಿಸ್ಟಮ್ ಅನ್ನು ಫೇಲ್ಯೂರ್ ಮಾಡಿ ಮುನ್ನುಗ್ಗಲು ಮಾತ್ರ ವಿನ್ಯಾಸಗೊಳಿಸಿಲ್ಲ.

ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನದಲ್ಲಿ ಇಬ್ಬರು ಪೈಲಟ್​ಗಳು ಹಾರಾಟ ನಡೆಸಬಹುದು. ಪೈಲಟ್ ಗಳ ಪೈಕಿ ಒಬ್ಬ ಪೈಲಟ್ ವಿಮಾನದ ಹಾರಾಟ ನಡೆಸುತ್ತಿದ್ದರೆ ಮತ್ತೊಬ್ಬ ಪೈಲಟ್ ಮಲಗಿಕೊಳ್ಳಲು ಬೆಡ್ ವ್ಯವಸ್ಥೆ ಇದೆ. ಚಿಕ್ಕದಾದ ಫ್ರಿಡ್ಜ್​ ಕೂಡ ಇದೆ. ಮೈಕ್ರೋ ವೇವ್ ಓವನ್ ಮೂಲಕ ಆಹಾರವನ್ನು ಬಿಸಿ ಮಾಡಿಕೊಳ್ಳಬಹುದು. ಬಿ-2 ಸ್ಟೀಲ್ತ್ ಯುದ್ಧ ವಿಮಾನವನ್ನು ಎಲ್ಲೂ ಲ್ಯಾಂಡಿಂಗ್ ಮಾಡದೆ ಕನಿಷ್ಠ 2 ರಿಂದ 3 ದಿನ ಹಾರಾಟ ನಡೆಸಲಾಗುತ್ತೆ. ಆಗಸದಲ್ಲೇ ಈ ವಿಮಾನಕ್ಕೆ ಬೇರೊಂದು ವಿಮಾನದ ಮೂಲಕ ಇಂಧನ ಭರ್ತಿ ಮಾಡಲಾಗುತ್ತೆ. ಹೀಗಾಗಿ ಎರಡು ಮೂರು ದಿನಗಳ ಕಾಲ ಪೈಲಟ್​ಗಳು ಕಂಫರ್ಟಬಲ್ ಆಗಿ ಇರಲು ಯುದ್ಧ ವಿಮಾನದಲ್ಲಿ ಸ್ನಾಕ್ಸ್ , ಫುಡ್ ಇಟ್ಟುಕೊಂಡು ಬಿಸಿ ಮಾಡಿಕೊಂಡು ಸೇವಿಸಬಹುದು.

ಇದನ್ನೂ ಓದಿ: ಇರಾನ್​ ಮೇಲೆ US ಅಟ್ಯಾಕ್.. ಅಮೆರಿಕ ಸೇನೆಯ ಬಾಹುಬಲಿ ಬಿ-2 ಬಾಂಬರ್‌ ವಿಶೇಷತೆ ಏನು ಗೊತ್ತಾ..?

ಇದರಿಂದ ಪೈಲಟ್​ಗಳಿಗೆ ಹಸಿವು, ಸುಸ್ತು ಆಗದಂತೆ ವ್ಯವಸ್ಥೆ ಮಾಡಲಾಗಿದೆ. ಫುಡ್ ರಾಕ್​ನಲ್ಲಿ ಕ್ಯಾಂಡಿ ಬಾರ್, ಸೆರೆಲ್ಸ್, ಸ್ಯಾಂಡ್ ವಿಚ್, ಮಿಲ್ಕ್, ಎನರ್ಜಿ ಡ್ರಿಂಕ್ಸ್ ಇಟ್ಟುಕೊಳ್ಳಬಹುದು. ಇದರಿಂದಾಗಿ ಅಮೆರಿಕಾದ ಬಿ-2 ಸ್ಟೀಲ್ತ್ ಯುದ್ಧ ವಿಮಾನದ ಮೂಲಕ 30-40 ಗಂಟೆ ಹಾರಾಟ ನಡೆಸಿ, ಜಗತ್ತಿನ ಯಾವುದೇ ಭಾಗಕ್ಕೆ ಬೇಕಾದರೂ ಹೋಗಿ ದಾಳಿ ನಡೆಸುವ ಶಕ್ತಿ, ಸಾಮರ್ಥ್ಯವನ್ನು ಈ ಯುದ್ದ ವಿಮಾನ ಹೊಂದಿದೆ.

ಟಾಯ್ಲೆಟ್​ಗೆ ಹೋಗಲು ಯುದ್ಧ ವಿಮಾನದಲ್ಲಿ ಟಾಯ್ಲೆಟ್ ವ್ಯವಸ್ಥೆಯೂ ಇದೆ. ಈ ಯುದ್ಧ ವಿಮಾನವೇ ವೈರಿಗಳನ್ನು ಕೊಲ್ಲುತ್ತೆ. ವೈರಿಗಳನ್ನು ಯಾಮಾರಿಸಿ ದಾಳಿಯನ್ನು ನಡೆಸುತ್ತೆ. ಕಳೆದ ವಾರ ಇರಾನ್​ ಪರಮಾಣ ಸ್ಥಾವರಗಳ ಮೇಲೆ ಬಾಂಬ್ ದಾಳಿಗೆ ಅಮೆರಿಕಾ ಇದೇ ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನವನ್ನೇ ನಿಯೋಜಿಸಿದ್ದು ವಿಶೇಷ.

90ರ ದಶಕದಲ್ಲಿ ಜಗತ್ತಿನಲ್ಲಿ ಶೀತಲ ಸಮರ ಅಂತ್ಯವಾದ ಬಳಿಕ ಅಮೆರಿಕ 132 ಬಿ-2 ಬಾಂಬರ್ ವಿಮಾನ ನಿರ್ಮಾಣದ ಪ್ಲ್ಯಾನ್ ಹೊಂದಿತ್ತು. ಅಮೆರಿಕಾದ ಡಿಫೆನ್ಸ್ ಬಜೆಟ್ ಕಡಿತವಾಗಿದ್ದರಿಂದ 21 ಬಿ- 2 ಸ್ಟೀಲ್ತ್ ಬಾಂಬರ್ ಯುದ್ಧ ವಿಮಾನ ತಯಾರಿಸಿದೆ. ಪ್ರತಿಯೊಂದು ಬಿ-2 ಸ್ಟೀಲ್ತ್ ಯುದ್ಧ ವಿಮಾನದ ರಿಸರ್ಚ್, ಡೆವಲಪಮೆಂಟ್ ಹಾಗೂ ನಿರ್ಮಾಣಕ್ಕೆ 2.2 ಬಿಲಿಯನ್ ಡಾಲರ್ ವೆಚ್ಚವಾಗಿದೆ.

ಇದನ್ನೂ ಓದಿ: ಮೊಟ್ಟ ಮೊದಲ ಎಲೆಕ್ಟ್ರಿಕ್ ವಿಮಾನ.. ಜಸ್ಟ್​ 700 ರೂಪಾಯಿ ಇದ್ರೆ ಪ್ರಯಾಣಿಸಬಹುದು! -Video

ಅಮೆರಿಕಾದಲ್ಲಿ ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನಗಳ ಪೈಕಿ 1 ಯುದ್ಧ ವಿಮಾನ ಅಪಘಾತದಲ್ಲಿ ಹಾಳಾಗಿದೆ. 2008 ರಲ್ಲಿ ಆ್ಯಂಡರಸನ್ ಏರ್​​ಬೇಸ್​ನಿಂದ ಟೇಕಾಫ್ ಆಗುವಾಗ ಯುದ್ಧ ವಿಮಾನವೊಂದು ಅಪಘಾತಕ್ಕೀಡಾಗಿ ಪತನವಾಯಿತು. ಇಬ್ಬರು ಪೈಲಟ್​ಗಳು ಸೇಫಾಗಿ ವಿಮಾನದಿಂದ ಜಂಪ್ ಮಾಡಿ ಎಸ್ಕೇಪ್ ಆದರು. ಫ್ಲೈಟ್ ಕಂಟ್ರೋಲ್ ಸಿಸ್ಟಮ್​ನ ಸೆನ್ಸರ್​ನಲ್ಲಿದ್ದ ಮೋಯಶ್ಚರ್​ನಿಂದ ವಿಮಾನ ಅಪಘಾತಕ್ಕೀಡಾಗಿತ್ತು. ಮತ್ತೊಂದು ವಿಮಾನ ಸೇವೆಯಿಂದ ನಿವೃತ್ತಿ ತೆಗೆದುಕೊಂಡಿದೆ. ಇಂದು ಅಮೆರಿಕಾದ ಸೇನೆಯ ಬಳಿ 19 ಬಿ-2 ಸ್ಟೀಲ್ತ್ ವಿಮಾನಗಳಿವೆ. ಇವೆಲ್ಲವೂ ಮಿಸ್ಸೂರಿಯ ವೈಟ್ ಮ್ಯಾನ್ ಏರ್ ಪೋರ್ಸ್ ಬೇಸ್​ನಲ್ಲಿವೆ. ಬಿ-2 ಸ್ಟೀಲ್ತ್ ಬಾಂಬರ್ ಯುದ್ಧ ವಿಮಾನವನ್ನು ವೈರಿ ರಾಷ್ಟ್ರಗಳ ರಾಡಾರ್​ಗಳು ಪತ್ತೆ ಹಚ್ಚಲು, ಹೊಡೆದುರುಳಿಸಲು ಸಾಧ್ಯವೇ ಇಲ್ಲ. ಇದೊಂದು ಮಲ್ಟಿ ರೋಲ್ ಹೆವಿ ಬಾಂಬರ್ ಯುದ್ಧ ವಿಮಾನ. ಈ ಯುದ್ಧ ವಿಮಾನದ ಥ್ರಸ್ತ್ 17,300 ಪೌಂಡ್ಸ್ ಫಾರ್ ಇಂಜಿನ್ ಆಗಿದೆ. 17 ಅಡಿ ಎತ್ತರ ಇರುವ ಈ ವಿಮಾನವು 69 ಅಡಿ ಉದ್ದ ಇದೆ. ಖಾಲಿ ಯುದ್ಧ ವಿಮಾನ 72,575 ಕೆಜಿ ತೂಕ ಇದೆ. 1,52,634 ಕೆಜಿ ತೂಕದೊಂದಿಗೆ ಟೇಕಾಫ್ ಆಗುವ ಸಾಮರ್ಥ್ಯ ಹೊಂದಿದೆ.

ಬಿ-2 ಸ್ಟೀಲ್ತ್ ಬಾಂಬರ್ ವಿಮಾನದ ಬಳಿಕ ಅಮೆರಿಕಾ, ಬಿ-21 ರೈಡರ್ ಯುದ್ಧ ವಿಮಾನವನ್ನು ಅಭಿವೃದ್ದಿಪಡಿಸುತ್ತಿದೆ. ಬಿ-21 ರೈಡರ್ ಯುದ್ಧ ವಿಮಾನವು 6ನೇ ಜನರೇಷನ್ ಯುದ್ಧ ವಿಮಾನ. ಅಮೆರಿಕಾದ ಏರ್​ಫೋರ್ಸ್​ ಈಗ 200 ಬಿ- 21 ರೈಡರ್ ಬಾಂಬರ್ ಯುದ್ಧ ವಿಮಾನ ಖರೀದಿಸುವ ಪ್ಲಾನ್ ಹಾಕಿಕೊಂಡಿದೆ.

ವಿಶೇಷ ವರದಿ: ಚಂದ್ರಮೋಹನ್, ನ್ಯೂಸ್ ಫಸ್ಟ್

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ